Psalms 16:6 - Ohiatonhseratokénti

⁶ Ne iontenienthenstákwah aserí꞉ies thóh nón꞉we nihiokerontáhon nakerihwáke tsi nón꞉we ne ionwéhsen í꞉ken; Káti ó꞉ni ne kaienhthátsera ne watiená꞉on tsi niʼioiánere nakerihwáke.

Psalms 16:6 ပူးပေါင်းရင်းမြစ်များ

Psalms 61:6

Shé꞉kon wé꞉so iosehráke ahonsarón꞉nheke ne ronhnontí꞉io; aiáwenhs ne tsi nenhronnéshonke iahotihiatórenhne ratikwékon tsi wahenekwenhsathátsie!

Psalms 78:55

Waʼsakohiatínekenhwe nonkweshónha né nón꞉we nihatiterónhtaʼkwe nó꞉hen thóh shahónhne; waʼtesakohiakónhase nonhóntsa nahontsénawasʼte tánon thóh nón꞉we nasakóteron Israerʼró꞉nons ne tsi rotinonshó꞉tonkwe ne nón꞉we nihatiʼterónhtaʼkwe.

Jeremiah 3:19

Ne Roiá꞉ner ráton, “Israel, tewahkathonwenhtióni nakonhiatiénawasthe tsi ní꞉ioht ne í꞉ih aketshá꞉tha akénhake tánon entkónhhion ne ionwenhtsí꞉io, né꞉ne kwáh tiowenhtsí꞉io ne onhwenhtsiakwékon. Tánon wáhkereh Rákeni enskenahthónkwahke tánon tó꞉sa shé꞉konh nonhwénhton ahéreh ahonsáhsehte tsi nónhwe níkes.

Amos 7:17

Ne káti aorò꞉wa rá꞉ton ne Roiá꞉ner: ‘Né tesenitéron tsotakwahkaré꞉ni enhiónton ne kanatowanénhke, tánon ne sanekenteronhtserashón꞉as ó꞉ni ne saiatasetserashón꞉as asareʼkó꞉wa enhotirió꞉te, tánon ne sonhóntsa enwasehrihiethénton tsi thenkenhnarihtónhke; ní꞉se iateshiá꞉ti thóh nón꞉we nenhsí꞉heie ne iáh tehiotonhontsiatkwé꞉niens, tánon nʼIsraerʼró꞉nons orihwiiohón꞉we tsi enhonhnakerá꞉ko ne raononhontsá꞉ke.’”

John 20:17

Tontahenron ne Iesos tosa kenh niiatatier: aseken areko Rakenineha tiieseȣakenon; ȣas tanon seroriana nʼiakȣatatekenha: Rakenineha sake, nok etsiseȣanineha oni nise; Ake-Niione, Etsiseȣa-Niione oni nise.

Romans 8:17

Tsi náhe raónha sonkwaʼiohokón꞉a enkénhake, entewaiéna neh kahiataterítʼtseras ne sakonónstati neh rahonkwetaʼsón꞉a, tánon káti ó꞉ni satenʼionkwawénhake ne Kerístos tsi nahóten ne Rawenni꞉io rorakwén꞉ni; tòhka síken knaiawén꞉ne thoʼní꞉ioht tsi aitewaroniáken tsi nihoroniakén꞉en ne Kerístos, ehʼthóhne káti entewaiéna ne kaiatanerakwátsera tsi nihoienáʼon ne raónha.

Ephesians 1:18

Kwahnekènʼnis sewanonthonkwenháton ne sewanikonrakésons nahisewatkátho ne rahoswatʼthétsera, nahisewateriéntaraʼne nahóten nen꞉ne neh tewetákwen tsi ietsisewanáton, thóh nihiókwas ne kahiatanerakwátsera kahiataterítseras sakorahrasténʼnis ne rahonkwetaʼsónha,

2 Timothy 2:12

Tóhkaʼ ienkakóntakwe nahionkwakátstehke, skátke káti ó꞉ni tsi entewatkórasthe. Tóhkaʼ entsiʼtewatonnhíhaʼse, rahónha ó꞉ni ensesonkwatonnhíhaʼse.

Hebrews 12:2

Áhnion Ié꞉sos thetsitewatʼkáneren, rahonháke non nitewahniahésen tsi nitionkwetákwenh ne tsi tiotásawenh tsi nío꞉re tsi ieiotók꞉the. Iáh tehotiakwahríshion ne kaiásha ahiorihónnike! Khé꞉khok thiʼioriwáhthe iorihónni, ne atsiennonniátshera rohráhrekwe, iáh thènen tehononthonnión꞉on ne kakenronniátshera tsi kaiasháke rawenhéion, tánon ónen thoʼnónwe iesenhskwáheʼre tsi rahweienthetákwenh ne Rawenni꞉io rahonitskwahratsherákʼtha.

Revelation 3:21

Né꞉ne tsi niká꞉ien nenhatesén꞉ni enhinákton skátne ní꞉i enhiatiá꞉tsen nakanitskwá꞉rane. Kwáh tsi ní꞉iot ní꞉i tsi wakatesén꞉nion tánon wakaʼtsien ne Rakeʼní꞉ha raonitskwáhrá꞉ne.