Psalms 16:5 - Ohiatonhseratokénti

⁵ O Saiá꞉ner, í꞉se takerakwénhni natienhtátsera ó꞉ni natkéra tehiontnekonhthákwah; í꞉se í꞉shawe tsi niahonkenionhátie.

Psalms 16:5 ပူးပေါင်းရင်းမြစ်များ

Psalms 11:6

Aiáwenhs né Roiá꞉ner asakokenhnóreste né ronhnonkwetahétkens né nótsire tánon iontenatentástha í꞉ken. Né꞉ne iotsiatátsahat nowé꞉ron né teonathéntion nahatiʼiéna.

Psalms 116:13

Kwáh enkharáthaʼte ne tehiontʼnekonhthákwah ne kaienawaséhtshera í꞉ken tánon ienkenáton ne raosénhna Roiá꞉ner,

Psalms 119:57

Iateshiá꞉ti khók tekoniatonhontsóni, Ó Saiá꞉ner; wakaráhratsʼte tsi enkatewénhnarahkwe ne saianerénhseras.

Psalms 125:3

Asèken ne raonathénits ne ronhnonkwetahét꞉kens tsakaiéntaʼne ne tsi ionwénhtsaien ne ronwatirakwénhni ne tionkwetaiéris, né káti ne tionhkwetaiéris ne tó꞉sa iatahonnéntsesʼte, niahhatiʼiéna ne thènhnen ahotihióten ne wahét꞉ken.

Psalms 132:11

Kwáh í꞉ken tsi iorihwaʼníron tsi nitsiararáts꞉tenhni ne Táwit né꞉ne kwáh iáh thahakwéni tahá꞉hiaʼke: “Saiáta ne sanekenterónhtshera enhinonhtí꞉iosʼte, tánon kwáh enhatkórasʼte nónenh ensenhéhionke.

Psalms 142:5

Í꞉seke iatkahsénhtho, Ó Saiá꞉ner; Wakíron, “Í꞉se ne tsi katashetákwah í꞉ken, ne nakáwenk ne tsi ionhontsáte ne iakónnhe.”

Psalms 2:6

“Ríh꞉teron nakenontí꞉io ne Zion nón꞉we, né nakenonthatokentíke nón꞉we.”

Psalms 23:5

Í꞉se waskatekwaratseraʼserón꞉nien, thóh raotihén꞉ton ne iónkshons; í꞉se kénʼie waskenontsistókaʼwe; nakétʼtie teiontʼnekontákwa ontawénhrate.

Psalms 73:26

Nakenikónra tánon natierón꞉ta nontsérek enhiotsihióhaʼne, ók Rawenni꞉io kíʼ nakeshaststénhsera í꞉ken nakwerhiá꞉ne, tánon tsi natahonʼkatonhontsóniʼke tsi nénhwe enkénhake.

Psalms 89:4

‘Iáh nék khók takónhniate ne tsi nienhsatwatsiríhne ne tiókonhte ronónha ahoʼtinontí꞉ioke, kwáh kíʼ enkhehiónhnien nahontkóraste né꞉ne tsi nénhwe enkénhake né nó꞉nen níse ensenhéionke.’” Selah

Psalms 9:4

Asèken í꞉se wahsaterihwathéntsate naʼkerihwakwahrihshióntsera tánon nakerihwáke tsi nikerihwanóntons; sanitskwáhrane nitewètha ne tkarihwaiéri karihwenhthátsera.

Isaiah 42:1

Kénʼen í꞉res nakenhá꞉tsera, rahónha thiʼiatsʼwanónhne, í꞉i rihiaʼtarákwen, rahonháke nakwatón꞉nhets iawerientiʼióstha; wá꞉tsien nakenikonratokentítshera rahonháke; kwáh enthesakohawíthen ne kariwakwahrishióntshera niaʼkawenhtsakeró꞉nons

Isaiah 53:12

Né ká꞉ti aoríwa kwáh enhirákwaʼse ostónha skát꞉ne ne ratishátsʼtes, tánon kwáh thensakohiakhónhaʼse ne kanénskwen skát꞉ne ne ratiʼshátsʼtes; tsioríhwa tsi iahathatáʼkaʼwe ne kenheiátʼne, tánon éh nontahonwátaʼte tsi ní꞉ioht ne ionkwetaksénskwa; ethohʼsàne wahathá꞉wa ne karihwáneren ne iakotsiokowánen akorihwáke, tánon wasakoʼterenhnaiénhase ne iakorihwaneraháts꞉kon.

Jeremiah 10:16

Ne Jacob Raoní꞉io kwáh iáh thènen thateskahieróntare; rahónha séh norihwaʼkwékon rohshahánion, tánon Israel washaʼkohiataráko ne kwáh rahónha rahonkwetaʼshón꞉a ahónton. Né ne Roiá꞉ner Roshastsʼtenserowánen ne raosénna.

Lamentations 3:24

Thokʼkhók níkon wátsien ne:ne Roiá꞉ner, ne káti aoríhwa rahonháke non nikeniahésen.

Acts 2:32

Rawení꞉io kwáh shokétskwen kí꞉ken Ié꞉sos ne kenheʼhiát꞉ne, tánon tewakwékon ionkwatʼkáthon kí꞉ken nahorihóten.

Acts 5:31

Rawení꞉io tsi raweientethákwen nieshoiaténha sonsahokhétsko ne tsi rahónha Ranenrakweʼniʼio ó꞉ni Sakohiatákwas, neh nahontasakáwen nonkwesónhas ne Israeronónke natesénʼna nahonsahiontatréwaʼte tánon nahonsakanikonrén꞉en nakoriwanerahákʼtseras.

1 Corinthians 15:25

Asèken ne Kerístos ónenk tsi entaniaróhtaroke tsi nío꞉re ne Rawenni꞉io enshakosénni ratikwékon ne ronwáhsons tánon rahshitókon nónwe nenhonataténronhke.

Ephesians 5:18

Tóhsa sanonwaráthont tsi nasnekíra notsítsia, kwáh nènʼne nek khók nensakarón꞉ni; khék, neh tiatanahnónhak ne kanikonrí꞉io.

Deuteronomy 18:2

Iáh tehiówenk ne thé꞉nnen ahononhontsaiéntake, tsi ne ní꞉ioht ne ronatià꞉kes kentióhkwas; ne rahonáwenk né꞉nenhne rahotihiathakenhátshera tsi Roiá꞉ner rahotsihenstaʼshón꞉as í꞉ken, tsi ki nihorahrátston ne Roiá꞉ner.

Deuteronomy 32:9

ók ki ne Jacob tsi nitotwatsirí꞉non raónha nénhne wahathonkweʼtará꞉ko.

Joshua 22:25

Ró꞉shon ne Jordan tsi karisthatátie ne tsi naʼtetewá꞉tere tánon ó꞉ni ní꞉se tsónhkwes ne Reuben ó꞉ni ne Gad nón꞉we. Iáh othé꞉nen thatesewatherihwasónhtere ne Roiá꞉ner.’ Ethò꞉ne ne tsi wesewawatsirahtátie nonhtié꞉renk tensakotí꞉tasthe nonhkwahwá꞉tsires tsi ronhwasénhnaiens ne Roiá꞉ner.

Joshua 22:27

ók khé꞉kok, ne naiakhiiénesthe nonhtsonhkweʼtashón꞉as ó꞉ni ní꞉se tsonhkweʼtashón꞉ʼas, tánon ó꞉ni noná꞉ken takawatsiratátie, ne tsi kwáh í꞉ken tsi shakwahsénhnaiens ne Roiá꞉ner nohén꞉ton tsi rotható꞉sehrothe ne tionhkwahiéston nahontsahatónhake skátke ne watéskonhte ó꞉ni ne skarì꞉wa í꞉ken tsi ionkwahró꞉ron. Ne kí꞉ken nahotískweke tsi niensewatwatsí꞉rihne tsi nasakonénhase nonhkwahwá꞉tsires tsi iáh othé꞉nen tatesewaterihwaʼsónhtere ne Roiá꞉ner.