Psalms 16:11 - Ohiatonhseratokénti

¹¹ Enskerihónhnien tsi niehiokthahí꞉non ne iónnhe. Né tsiatákta kwáh titkáhere natonnarátsera; ne sesheweientethákwen ne nonwenhsénhtseras í꞉ken.

Psalms 16:11 ပူးပေါင်းရင်းမြစ်များ

Psalms 139:24

Sésak tó꞉ka kén thènen ahonkatiénhni ne karihwahétken nakonháke. Tatkéntens ne tsi iohatátse né í꞉seke nónhwe nieʼiawénon.

Psalms 17:15

Ók ní꞉i, sewaká꞉teriwakwahtakwèn꞉ni kwáh enkòn꞉konhsá꞉ken; nó꞉nen enhstie, kwáh enwakerientí꞉io ne tsi kén꞉ʼen í꞉ses.

Psalms 4:8

Nó꞉nen ienkatiatiónhnite skénnonk tsi ienwaʼkítawe; íateshiá꞉ti khók Saiá꞉ner tatsatahnónstats.

Psalms 68:4

Tetsisewarihwá꞉kwas ne Rawenni꞉io, tesehwaríhwak ne kanonwerahtónhtshera ne raosénhnakon; tsi sewahasehrónhnien tsi nikáien ne tsi iohtsikerarónhnion nón꞉we nihathonhwisehréhtha né raosénhna né꞉ne Roiá꞉ner sewatsenhnonníhat ne raohénton.

Proverbs 12:28

Aterihwakwarihshiónhtshera thoʼniiothahí꞉non ne ionhnheʼón꞉we; ók ne karihwanéren tho ne nieʼiothahí꞉non ne kenhé꞉ion.

Proverbs 2:19

Né꞉ʼe ónhka ienkonwanatahré꞉nahse, iáh kiʼ nonwén꞉ton thaʼtaontaiónhkete, iáh nonwén꞉ton tshiaonsá꞉rawe tsi nón꞉we tioháhonte ne ronnónhnhe.

Proverbs 4:18

Kí꞉ken oháha ronthahí꞉ne thotirihwaié꞉ri thóh ní꞉ioht tsi shí꞉ken takarahkwínekenʼne, sénha teioswatheʼonhátie tsi niió꞉re entiehkè꞉ne én꞉wawe.

Proverbs 5:6

Iáh thóh nón꞉we teiothahitáhkhe tsi nón꞉we ne ionhnheʼón꞉we; wathaharákwas, tánon iáh teioterién꞉tare oh niiawenʼenhátie.

Isaiah 2:3

Iakotsokowánenh éntsien tánon enhiaiéron, “Káts, áhnion thóh ietewanontáran tsi rotenontáhere ne Roiá꞉ner, ietewatáwehiat ne raononsatokentiʼkowáne ne raoní꞉io Jacob; ne nahónton nashonkwahrihónhnien tsi nihaweienótens tánon nahónton thóh nón꞉we nahitewaténhti tsi rohatátie.” Asèken Zion nón꞉we entkaiákenhne ne enkahénte ne karihonhnienhnítshera, tánon ne raowénhna ne Roiá꞉ner Jerusalem ne nón꞉we nénhtewe.

Matthew 25:33

Tsi raȣeientetakon ensakoiatoheststakȣe notinnhetien, nok ne kontitsinn sanekȣati ensakoiatoheststakȣe.

Matthew 25:46

Nok neh kehiken tsi tiakoronhiakenonȣe niienhenhien; kenh kaien ne iakoianere enhiontonnharana tsi nonȣe ne tiakonnhe onȣe ne oni tsiniienhenȣe.

Matthew 5:8

Iakotaskat nʼiakaȣeriasiio: aseken onhonȣaken ne Niio.

Matthew 7:14

Aseken nikannhohaha niiohaha oni ne Karonhiake iakoiatenhaȣitha; kenh oni niiakonha ne ietsenries.

St. Mark 16:19

Nonen saharihokten ne Roianer, ȣahattaratate Karonhiake niionsare nok tsi thaȣeientetakon ne Niio ionsahatien.

Acts 2:28

Takenathón꞉ni tsi nieiotʼthahínon ne iakahón꞉nhes, Neh tsi tenikwékon, kwa tiataʼnánon natʼtsennónʼniátshera.’

Acts 7:56

“Sewatʼkátho!” wahénron. “Wakatʼkátho watewateronhiakʼkhási tánon ne nónkwe roiénha tsi raweientethákwen ne Rawení꞉io Í꞉rahte!”

Romans 8:11

Tóhka ne Rahonikónra ne Rawenni꞉io, tsi raónha shokhétskwen ne Ié꞉sos ne kenheiátʼne, seh nikwékon, éhʼtho káti tsi nikáien shokhétskwen ne Kerístos ne kenheiátʼne, neh káti ó꞉ni enrónʼnhete tsi nihiotsihióha sewaieróntas ne tsi niwéhne tsi sehwakwékon ne rahonikónra.

1 Corinthians 13:12

Tsi nahóten nónwa tewatʼkáthos kwáh né teskaieróntare iáh tiaʼtethewakaraiéntas natatʼkentseráke: ehʼthóhʼne káti tenʼtewahtatʼkonsakánerake. Tsi nahóten nónwa wakateriéntare né꞉ne kwáh thiʼiokwenráhron; tsi iehiotók꞉the kwáh kíʼ oriwahkwékon enwahkateriéntarahne kwáh nónhwa tsi ní꞉ioht tsi rahtsientéri ne Rawenni꞉io.

2 Corinthians 4:17

Kí꞉ken niiorihwá꞉sas kwáh ionkwaweiennén꞉taʼs ne ionhnheʼón꞉we kaiaʼtaterihtshera knaʼ nenʼne akwé꞉kon nonkwaronhiakénhshera iáh thé꞉nen thaʼtaonsakaierontá꞉rake ne raoiaʼtateríhtshera.

Ephesians 3:19

Oriwí꞉io, tsi enwáton nahisateriéntaraʼne ne rahonhoronkwátsera—iahwerohátsien tsi kwáh iáh nonwénton thakananónhake niaʼiáwene꞉ne—neh káti kwáh iaʼtekaiérik tsi satʼtháwa ne Rawenni꞉io rahonhoronkwátsera.

1 Tiér 1:21

Rahonháke nónwe nitiawénon tsi tatsisewétakwe ne Rawenni꞉io, tsi nikáien shokétskwen ne kenheiát꞉ne tánon taháwen ne kaiatanerakwátsera; tánon káti ne sewetakwéntsera ó꞉ni ne sewaskanéktsera thóʼnon nikahkwatákwen rahonháke ne Rawenni꞉io.

1 Tiér 3:22

karonhiáke niesawénon tánon tsi raweientetákwen ne Rawenni꞉io iesénteron, ratikwékon ne ratironhiakerónons tesakoniarótaron tánon ne karonhiáke tatiriwakweʼní꞉ios ó꞉ni ne kasatsʼténseras.

1 Sawátis 3:2

Tewatenrosónhas, ónen kíʼ Rawenni꞉io sonkwaienʼokónha ionkwatónʼon, nók iáh kíʼ arókʼke teiawenéʼon onhnahóten ientewáton. Nók kíʼ ionkwateriéntare nónen ne Kerístos enshokétote, kwá tonentewahiatótenne tsi ní꞉ioht ne rahónha, Asèken kwá tsi nihaʼiatóten thóh ní꞉ioht tsi entsitewáken.

Jude 1:24

Tsi nikáien ne rokwénion nahiaʼiatanónstate tánon iáh othé꞉nen tahianihtséron tánon rahohénton ensathonnárake ne rahoiatanerahkwatsherákon—

Revelation 22:5

Tánon ne nón꞉we iáh ó꞉nenh thatahonthaioraráhseke; iáh thateonatonhontsó꞉ni ne kaswathétshera khéhs ne iahaserotákwah khéhs ne karáhkwa, asè꞉ken né꞉ne Roiá꞉ner Ní꞉io ne raotiswaʼthétshera enkenhá꞉ke, tánon kwáh enhontkoraste tsi ní꞉ioht ne rotinontí꞉ios tsi nienhén꞉we tánon tsi nenhweh enkenhá꞉ke.