Psalms 16:10 - Ohiatonhseratokénti

¹⁰ Asèken iáh kíʼ tsiaskatsakwahíhsi tsi nòkwah ne Sheol, khès ne shonkwéta ne rorihwaʼtó꞉ken nahatkátho ne tsi ioshonwakáronhte.

Psalms 16:10 ပူးပေါင်းရင်းမြစ်များ

Job Tánon ne Raoronhiakensera 11:8

Sénha iosénhnes tsi nitioterónhiate, onhní꞉ioht tsi askwé꞉ni ne thé꞉nen náshiere? Ne raotenienténtshera sénha teionó꞉tes tsi ní꞉ioht tsi tionhontsá꞉ien ne kenhé꞉ion nón꞉we, onhní꞉ioht tsi saterienʼtá꞉re?

Psalms 139:8

Tó꞉ka karonhiáke niáke, tó꞉ki enteshé꞉seke; tó꞉ka tohhiakatatenatʼtónhnien tsi tsiohontsáien ne kenhéion, tó꞉ki á꞉re enteshé꞉seke.

Psalms 49:15

Ók Rawenni꞉io kíʼ ensahniá꞉kente nakwatónnhets tsi nòkwah ne kenhé꞉ion ahoshaststénsera, asèken kwáh enshatiéna. Selah

Psalms 9:17

Áhnion né ronhnonkwetahétken Sheol nón꞉we nienhónhne, ratikwékon nón꞉kwe ne ronhwahiatanikonhrénhen ne Rawenni꞉io.

Proverbs 15:11

Ók ó꞉ni ne ronenhé꞉ion tsi nón꞉we thón꞉nes akwé꞉kon Roiá꞉ner niehoterién꞉tare tsi ní꞉tiot; oh ká꞉ti naiá꞉wenʼne ahtshitewatahséhten tsi nahò꞉ten onkwerià꞉ne í꞉wa?

Proverbs 27:20

Nón꞉kwe nahò꞉ten ionhská꞉neks, ne shá꞉ka taié꞉ren tsi nón꞉we tionhonsaien ne kenhé꞉ion—tiótkon ne shé꞉kon ionáktote.

Isaiah 14:9

Ne tsi tionontsá꞉ien ne kenhé꞉ion nàkonh nónka í꞉ken tesatorhiaʼnerónhaʼse ne tahitsatátken nó꞉nen entèse; wakaharátaʼte ne atsanerónsera ne ne tahisanónwehron, ratiʼkwékon ne sakotiʼhentenhséhaʼkwe ne tsi ionwenhtsáte; tethatítas ne ranonanitskwáhraʼne ratiʼkwékon ne sakotiʼnontí꞉ioskwe ne iakahontsaʼkerónons.

Isaiah 5:14

Né꞉se wahón꞉ni ne tsi tsiohontsáien ne kenhéion kwáh í꞉ken tsi watonkáriaks tetsiotskaráwenh niahiakotsatanékwahne; ne ratiʼsenhnowánens ne Jerusalem tánon nahonkwetashón꞉ʼahs ronatsiokowánen thóh iehonsnénhtha, nahotsió꞉kwas tánon ratikwékon nahonháke nón꞉we nihonatʼtsenhnakaratáton.

Daniel 9:24

“Tsá꞉ta niiorì꞉wake ne tsá꞉ta niwáhsen niiohserá꞉ke nikarí꞉wes ne Rawenni꞉io roteʼnienténhston ensehshakohnerénhsi ne sonkweʼtaʼshón꞉ʼa tánon ne sanatatokénhti tsi nihotirihwané꞉ren tánon tsi nihonnonkweʼtahétken. Enskaʼnikonrhén꞉en ne karihwané꞉ren tánon enskakwatákwen ne karihwakwarihshóntshera tsi nén꞉we, eʼtho naontá꞉we ne atetshénhsera tánon ne iekarí꞉waken né naiá꞉wenʼne, ó꞉ni ne ononhsatokenhtiʼkó꞉wa enskarihwatokénhston.

Leviticus 19:28

tó꞉ka ó꞉ni ne thènen ahisewarasthánion ne sewahiathakésons tó꞉ka ó꞉ni nahisewatʼtatrenánion nahietʼtsihiatʼtsiónhnionhse ne iakawenhéion. Í꞉i ne Watiá꞉ner.

Amos 9:2

Ethó꞉sane niahatisonhiónhni ne Sheol, kwáh kí thóh nónh꞉we ne katsánake nienhiakoiathénhawe; eʼthó꞉sane iahatirát꞉then karonhiá꞉ke, kwáh kí thóh nónh꞉we thentekhehiathénte.

Numbers 6:6

Shaʼnónkwis sèh nónhwe niwenéstha tsi tshiaʼtonhnaránis ne Rawenni꞉io, tánon né kíʼ aoríhwa iáh tehiówenk ne thashaʼtatiatáʼtshonhste ne ákta niá꞉se ne awenʼhieiónta, iekaníhare né ianíha akénhake khès ne shaʼnisténha, tsaʼtatekénha, tsiatenosénha.

Luke 1:35

Nok ne Raronhiakeronon tontahaȣennaȣeron ȣahenron: Rotkon Roiatatokenti enhiaiatorenne, nok nʼEnekentsi nahosastensera onsarakȣaȣerhoste; ne se ȣaonni oȣiratokenti ki nensaȣiraientane, enhonȣanatonkȣake Niio Roienha.

Luke 16:23

Nok nonen sihotetsiraton, oni Onesson roronhiaken, ȣahatarakestsko, nok ihnon iahoken Abraham, nok ranaskȣakon eh thotonnhahere ne Lazar.

Luke 4:34

Ȣahenron: Ah! Sateionkȣasastenseraien kenh naha ise Iesos Nazaretronon? Neh kenh taseniente naskȣatonte? ȣakaterientare tsi ise ne Niio Iaienha Saiatatokentikoȣa.

1 Corinthians 15:42

Thóh kíʼ nenhiotónhake nónen ne iakawenhéion entiontatkétsko nahonshahiakónnheke. Nónen noierónta enkonwaiatátha, kwáh kíʼ iawenhéion; nónen enskahkétskwenke, kwáh entionnhehónwe.

Deuteronomy 32:22

Nakhenakwáhtshera kwáh tenwanitonkwahnékare tsi ní꞉ioht nó꞉tsire tánon enwaʼtsaháthe akwé꞉kon ne tsi ionwenhtsà꞉te. Ienhwá꞉we nó꞉thake tiohontsá꞉te tánon enwatsaháthe ne tsi katerahthénions ne tsi iononhtarón꞉nions.

Revelation 1:18

tánon ne kónhne. Wakihé꞉ionhne, tánon satkáto, shón꞉nhe ne ne tsi nén꞉we enkénhake tánon tsi nienhénwe; tánon í꞉i ítkhawe nahonontónhkwa ne kenhé꞉ion tánon ne tsi tionhontsá꞉ien ne kenhé꞉ion.

Revelation 20:13

Tánon ne kaniatarakeʼkowáhne thontaiakohiatón꞉ti né꞉tho nón꞉we nihonenhé꞉ion, Ne kenhé꞉ion tánon ne tsi tionhontsá꞉ien ne kenhé꞉ion thontaiakoiathónti né꞉tho nón꞉we iehón꞉nes, tánon ratikwé꞉kon wathonwatihiató꞉rehte ne tahioianénhawe tsi nihonatié꞉ren.