Psalms 15:5 - Ohiatonhseratokénti

⁵ Nenhsakowístani iáh tehára ne watehiárons, tánon iáh thatehonwatsikhetároseh nasakokʼkónhten ne iáh tehiakoníkon. Tsi nihiákon kíʼ kén thóh niweiehnó꞉ten iáh kíʼ nonwénhton tahiakohiathíshonkwe.

Psalms 15:5 ပူးပေါင်းရင်းမြစ်များ

Psalms 106:3

Iakotáskats tsi niʼiákon ne tkarihwaʼiéri tsi niʼionhtséra, tiókonte né꞉ne karihwaʼkwahrishiontsherákon tsi nihiontséra.

Psalms 112:6

Asèken ne tionkwetaiéri iáh né nonwénhton tahiakorihwaʼnorónsthen; kwáh nenhné꞉e enhonwenehiárake tsi nénhwe enkénhake.

Psalms 16:8

Káh tiókonte ne kanontónhnions ne Roiá꞉ner tsi tiókonte thóh í꞉res; tánon tsi keweientetákwen í꞉res tánon iáh ki nonwénhton tahionkoriá꞉neron.

Psalms 55:22

Tsi natesahnikónhrare Roiá꞉ner hiatsiénhas; tánon rahónha kwáh entʼthiáne; kwáh iáh nonwénhton tahatʼtónhtate ne tionkwetaiéri iahionthatesénhni.

Exodus 22:24

tánon kwáh íken tsi enwakenákwen tánon enkonhnonwarhiákon ne tsi waterí꞉io. Ne shenhiniákon enhiakoteréhonske, tánon ne sehienhokónha iáh tahonsahotiʼnisénhtake.

Exodus 22:25

“Tó꞉ka enshewísthani tsík ónhka naʼkonhkweʼtasónhas ne rotíten, tó꞉sa thóh nashatátser tsi shí꞉ken ní꞉ioht ne shewisthaníhas akénhake tánon natsheriwanóntonse nahakárhiake ne watehiárons.

Proverbs 10:30

Nón꞉kwe tiakorihwaié꞉ri tiótkon skén꞉nen tsi ratinákere, nok ne iáh tetiakorihwaié꞉ri iáh kiʼ tho thahatinákereke tsi ionhwentsá꞉te.

Proverbs 12:3

Karihwanerenʼáktsera iáh teiakó꞉wis skén꞉nen aionnonhtónnionhwe, nok ne thotirihwaié꞉ri énskaʼk ne tsi nihotirihwahní꞉ron.

Proverbs 15:27

Tókaʼ enhsateʼnién꞉ten ne iáh tetkarihwaié꞉ri tahsnaʼnéta tsi tahsatèn꞉tsha, ienhsheiaʼtenhá꞉wihte ne sahwá꞉tsire tsi tensewaʼnikonhrhá꞉ren. Tóhsa oʼthé꞉nen tsé꞉na nahò꞉ten iáh tetkarihwaié꞉ri aiesatkáriaʼkse nothé꞉nen tánon karí꞉wes enhshónhnheke.

Isaiah 33:15

Tsi nikáton né thóh nón꞉we nihiakothahí꞉taʼke ne kariwakwahrihʼshiontsherákon tánon ne iakotharáhkwen ne tkarihwaiéri í꞉ken, rotikenrá꞉tani né thènen ahatiʼiéna ne kawisenhehióntshera akarihónhni, tehonhnentsateníhons skonwatʼtátha ne kanikonrá꞉ton né꞉ne tó꞉sa ahatiʼiéna, tehonatahonthaʼkwékton né꞉ne tó꞉sa ahonatʼtónhtene naienékwah tánon tehonatateronhwékon né꞉ne tó꞉sa ahontkátho ne karihwahetkénhsera,

Ezekiel 18:17

Kwáh iáh tehatʼthóntats ne ahohióten ne kariwáksen; tánon iáh tehatwistaníhas nahatwisthónniaʼte. Rotienawásthon natianerénhsehra tánon ratewenhnaráhkwah nakeriwahtátʼtseras. Iáh ne tahorhióte ne꞉ne akarihónhni ne roníha rahoriwahneraháktsheras, ók kwáh kíʼ tohkénʼen tsi enrónhnheke.

Ezekiel 18:27

Nónenh nónhka ionhkwetahétken enhátkaʼwe tsi roriwanerahatkhonháties tánon ne enhohióten ne tkariwaiéri ó꞉ni ne ioiánereh, enhanónhsthate ne tsi rónhnhene.

Ezekiel 18:8

Iáh ne tèken tsi shakowistaníhas ne꞉ne ahatwisthónhniaʼte. Iáh tehatʼthóntats ne thèhnen ahateriwahthénhtiate ne kariwáksen tánon tatʼkáwas ne iotʼthakwahríshion kahiatorehthátshera ne thènenh tekanikónhrahre.

Ezekiel 22:12

Ótiakes ne shonkwetaʼshónha ronatkárhiase tsi ensakonáhsehte. Ótiakes rathikarháiens ne wahtehiárons nenshakotiwístani ne ótiakes Nisraeró꞉nonhs tánon rothikwáhtses tsi nishakonahteniakatsʼténhni. Ionkenikonhrénhen.” Ne Ronhnontí꞉io Roiá꞉ner wahatáti.

Micah 7:3

Ne ronhtsánakes ne iorenhnàhon ne wahétken tsi nahóntiere; ne ronaterihón꞉tons tánon ne ratirihwénhthas ratirihwanón꞉tons ne khahó꞉tenk ahonwatikáriakse, tánon ne thonatsénhnates ronónha rontá꞉tis nahotkaronhniátshera ne raonatónhnhets; káti tehatisehrí꞉ies ne kaiáneren.

Matthew 26:15

Nok ȣasakoriȣanontonse; ȣahenron: toh naskȣakariakse nakȣatsiakȣarisien? Asen nikaȣistasen ȣahonȣasetase.

John 13:17

Toka seȣaterientare neh nikarihotens, enseȣaiatateri neh nenseȣaiere.

Deuteronomy 16:19

Tó꞉sa rothiʼiéntak ne iáh tehioteriwakwaríshon tó꞉ka ó꞉ni nahonhnè꞉neste tsi thotiriwarèhkwen tsi nokwáh ne rahotihiaʼtoretátshera; tánon iáh tehiówenk nahatiʼié꞉na ne thé꞉nen tahonwatitsikhethá꞉roʼse, nathatawí꞉tsheras tehiakorónhweks ne ronhteʼnikonhraʼtókhas ó꞉ni ne thonhonkweʼthaié꞉ris, tánon iakahonhnién꞉nis wahétken tsi ní꞉ioht tsi tahatihiaʼtó꞉rehte.

Deuteronomy 23:21

“Nó꞉nen ne thé꞉nen entiarahrátsten ne Roiá꞉ner saNí꞉io, tó꞉sa í꞉se iahásrek tsi nishatiérha tsi nahó꞉ten sharahrátston; ne Roiá꞉ner ró꞉rahre thóh náshiere tsi ki nisarahrátston, tánon ki kariwanerahaktserá꞉ien ne iáh tiaskónhtaʼkwe ne tsi nisarahrátston.

1 Samuel 12:3

Kénʼen í꞉kes; serihwanírat naskatʼkónten raoʼhén꞉ton ne Roiá꞉ner tánon raoʼhén꞉ton ne roʼiatarákwen. Ónhka raoʼtshé꞉nen ne teonákares tionhnhónskwaron iehiʼiaténha? Khéhs ónka raoʼtshénen tehahóntes iehiʼiaténha? Khéhs ónhka ahinikonraténhni? Ónhka ahironhiakénton? Khéhs ónhka ratsanáke nón꞉we nahontónkʼkha tsi tahionkhetsiketároʼse ne ne tsiaʼtahonkateronwékon? Seriwaní꞉rat naskatʼkónten tánon kwáh kiʼténtʼtion tsi nahó꞉ten ne iahónkʼkhake.”