Psalms 15:3 - Ohiatonhseratokénti

³ Ne rawenhnáson iáh tewatátis ne karihwahét꞉ken í꞉ken. Khés nashakokarónhni nakóren, khés nashakonikonrakaréwate ne tehononsanéken.

Psalms 15:3 ပူးပေါင်းရင်းမြစ်များ

Proverbs 22:10

É꞉ren sheiaʼtenhá꞉wiht nónhka iontatkweniénhstha, thó꞉ne enwató꞉kten ne taionterihwakén꞉ni, taieriʼwakéhnha, tókaʼ ó꞉ni niaʼté꞉kon taiontaténhahse.

Proverbs 25:3

Iáh nonwén꞉ton tesaterién꞉tare nahò꞉ten ranonhtónnions ne ronontí꞉io iáh oniʼ tshiaietewáhewe nahò꞉ten ranonhtónnions, ne taié꞉ren tsi nitiótte ne karonhià꞉ke tánon tsi niiohnó꞉teʼs ne kaniataraʼkehkó꞉wa.

Isaiah 56:2

Iakotáskats ná꞉ha nónkwé né nenhiehieʼre kí꞉ken, né꞉ne tsi nikáien rotsenawáston, né꞉ne ronónste nawenhtatokentíke, iáh tehahetkéntha, tánon thotátonhne né naháiere ne karihwahét꞉ken.

Leviticus 19:16

Tó꞉sa tesewaterihó꞉kwah noʼnówens ne tsík ónhka akénhake, tánon nónen nónhkak tehonwahiatorétha ne tsi rónhnhe, sewathátiat ne sewarihwanhiʼrátshera tó꞉ka ahoiénawaʼse. Í꞉i ne Watiá꞉ner.

Matthew 7:12

Tsini tesaskaneks naiesaierase ne tkariȣaieri, etho oni nise naseieras; aseken eh nikaianerenseroten eh oni nihotirihoten ne Rotitokensehakȣe.

Romans 1:30

tánon tehontathanowenténis; ronwásons neh Rawenni꞉io, rothiʼianerenseráksen, rontatónni, tánon rathináie; sénha ne é꞉so rononthonniónkwa onhnahatíʼiere ne wahétken; iáh tesakothiwenʼnarákwa neh ronwathiʼienhokónhas;

Romans 12:17

Tóhka ónhkak iesateweiehnakshaténʼni, tóhsa thóh ní꞉ioht tsi ahonsashekáriakʼseh. Ne sateniénten thonátier tsi niʼiéhiere nónkwe ne tkariwaiéri.

Romans 13:10

Tóhka shenorónkwas nakorénsons, iáh nonwénton thashenikonráhten; nhashenóronkwe, káti, nehʼne kwáh kahianerenseraʼkwékon tsi ensatewénnaraʼkwe.

Titus 3:2

Ietʼtsiróhri ne tóhsa thènen ne wahétken ahsakonénhase nónka hakénhake, nók saktakénhake ó꞉ni ahonterohserihióhake, tánon tiotkonʼónwe skénnon hakénhake tsi nihonnonʼnóten tsi natehóntereh.

Ne꞉ne Sák Rohiaton 4:11

Tóh꞉sa tesewatateriwákwas, tewatenroʼshón꞉a. Tóh꞉ka tensewatateriwákwaʼse tóhka ó꞉ni teietʼtsihiatórete nakorénson né rothiriwiʼióston, wesewariwákwaʼse tánon wathiʼsewahiatórete ne kaianerénsera. Tóhka tenshiatórete ne kaianerénsera, khakáti níse iáh theshesatewennarákwa ne kaianerénsera, nók í꞉se né teshiatorétase.

3 Sawátis 1:11

Tekanó꞉ron ontiaténro, tóhsa senakéren nahóten ne wahétken, nok neh sehnakéren ne ioiánere. Ónhka ne ioiánere tsi neniéhiere neh tsi Rawenni꞉io rahonkwéta íken; ónhka ne ken nieniehiére ne wahétken neh kih tsi iáh tehonwáken ne Rawenni꞉io.

1 Samuel 24:11

Satkátho, rákeni, satkátho ne tsi iatekaiósaien ne tesateweʼhiarákwah, tánon tsi iáh tekonhnonwaʼrhiákhon, ne ní꞉se nahónton ahisaterenhtáhraʼne ne kwáh oriwí꞉io akénhake nètho tsi iáh nothènen tekarihwahét꞉ken khéhs nakaterihwatsate. Í꞉i iáh tewakeriwáneren tsi nòkwah ní꞉se, eʼthohʼsáne ní꞉se tsi satóratskwe ne tsi kónnhe naskenonwarhiákhon.