Psalms 149:4 - Ohiatonhseratokénti

⁴ Asèken ne Roiá꞉ner ronwatsenhnonhniathénhnis ne rahonkwetaʼshón꞉has; shaʼkokweniénstha tsi niʼiákon ne éʼtake ionhtatónhnis ne teshakówis natesenhniétsera.

Psalms 149:4 ပူးပေါင်းရင်းမြစ်များ

Psalms 117:2

Asèken tsi nikowáʼnen ne iorihwaʼtóken raonoronhkwáhsera nontionháke, tánon ne iakorihwaʼtóken rahonháke ne Roiá꞉ner tsi nénhwe enkénhake. Tehonwaʼnonweráton ne Roiá꞉ner!

Psalms 132:16

Nahotsihenstaʼtsishókons ne enhotihiathonthakwénhaʼke ne kaienawaséhtshera, tánon ne rotirihwatóken kwáh thenhotihénreʼte natʼtsenhnonhniátshera.

Psalms 147:11

ók kí ne Roiá꞉ner ne rawerientiʼióstha tsi niʼiákon ronwatsánis, rononháke tsi niháti thóh nón꞉we nihotiráhre ne iorihwató꞉ken raonoronhkwáhtshera.

Psalms 22:8

“Ní꞉se waʼtieniáhese ne Roiá꞉ner,” rónhton. “Nontiéren tsi iáh tehianónstats? Tó꞉kaʼ ne Roiá꞉ner ianónh꞉wes, nontsiéren tsi iáh teiasníe꞉nons?”

Psalms 35:27

Aiáwenhs tsi nihá꞉ti ne tehonatonhontsóni nahonsakathatewenhní꞉ione tehotihénrenk natonnaráhtshera tánon rontsenhnónhni, tánon tsi nénhwe ahontón꞉heke, “Tsi natehotenonhianíton ne Roiá꞉ner, rawerienhtí꞉ios tsi nihotiʼianerasthénhnis ne raonhatserashónha.”

Psalms 90:17

Saiá꞉ner, í꞉se ne Sewenní꞉io í꞉ken í꞉se kwahsénhnaiens, tasarihwaʼiérik nontionháke, né shónhniat tsi nitsionkwaʼnikonhrásahaton takawisátsteke.

Proverbs 11:20

Roiá꞉ner ráhswenhs nónhka wahétken ionnonhtónnions, nok shakonorónhkhwa nónhka tierihwaié꞉rits.

Song of Songs 1:11

Kwáh ne enkenón꞉nien ne serasestákwas owistanóron nahó꞉ten akénhake, eniotsistón꞉nionke kawistará꞉kens.

Isaiah 61:10

Kwáh í꞉ken tsi kowá꞉nen enkatonnháren rahonháke ne Roiá꞉ner, kwáh akatonnhetsherakwékon iaʼtetsokétoʼte tsi enwatonnháren rahonháke nakeʼNí꞉io; asèken né ratseronhniáton naoʼtsherónh꞉niat ne kaienawaséhtshera, né rakerorókston né wakóses atiátawi ne aterihwakwahrihshón꞉tsheras í꞉ken, tsi ní꞉ioht né roniák꞉khe waharáseste wahatʼtatsitsaráh꞉raʼke, tánon tsi ní꞉ioht ne ioniát꞉khe wakará꞉seste né ionsthá꞉nion naowistanoroshónhas.

Jeremiah 32:41

Kwáh akatʼtsennionniatseráhkon tsi nenhkhehiatsiérahse ne iohiáneres, tánon kwáh iehiokonhtákwen tsi enkhétheron ne kén nónhwe nihionhóntsaien.

Zephaniah 3:17

Né Roiá꞉ner sah Ní꞉io sewanenrí꞉hen í꞉res; roshatstenhserowá꞉nen tánon énthion natesenhniétshera; kwáh shonhà꞉ke nón꞉we nenhatonhnáren, kwáh atsenhnonhniatsherá꞉kon tsi á꞉se enshiónhni ne raonoronhkwahtsherá꞉kon, tenhohénrehte tsi nihotsenhnón꞉ni ne shonhà꞉ke tsi natehorihwákwen,

Hebrews 12:10

Nónkwe onhkwahnísheras ionkhirewáhtha ne kénk nikaríwes, ne roʼnónha rónhnere tkarihwahiéri íken; nók ne Rawenni꞉io thóh né nihaiérah ní꞉i onhkwahiatakeʼnhátshera, né nahónton aitewahtiátaren ne raotokenthitsherákon.

1 Tiér 3:4

Kék khók, ne sonkwetihiótsera neh akénhake tsi kwáh nisonkwetóten, ne iáh tatewathatáwis hiontʼkatotserí꞉io ne tiakoriwaiéri saktíken tsi iakónnhe, neh nahonhá꞉a tkanóron ó꞉ni tkhoʼwánen ne rahohénton ne Rawenni꞉io.

1 Tiér 5:5

Kwáh ne saoríwa ne nitisewahiónsas ietʼtsikweniénstak ne thoʼtí꞉ions. Tánon kwáh sewakwékon teʼiothonwentióʼon naisewatenihiónten ne tkariwaiéri, tesewatateriwáhwas, Asèken wáhton nʼoriwatokénti, “Ne Rawenni꞉io sakonenrotánis ne hiontatónni, nók sakoténras ne ne ehtáke iakotatónh꞉ni.”

Revelation 7:14

Wahiiénhase, “Sénhshon, í꞉se khók saterièn꞉tare.” Ethò꞉ne wahakénhase, “Né꞉ne ronón꞉ha tontahonhnótkawe ne tsi nateiotenonhianì꞉ton tsi niioteriwatiérenhkwe; shotinhoharéhnion ne teontewehiarákwas tánon sahatirakénste thóh raonekwénhsake ne teiotinaʼkaronhtónha owí꞉ra.