Psalms 147:20 - Ohiatonhseratokénti

²⁰ Iáh thóh nió꞉re tsi thatehonterihwasónhtera ne tiʼononhontsátes; iáh teonateriéntare ne raoianerénhseras. Tehonwanonweráton ne Roiá꞉ner!

Psalms 147:20 ပူးပေါင်းရင်းမြစ်များ

Proverbs 29:18

Kanakeráhsera tókaʼ iáh Rawenni꞉io raottokháhtshera tehatìhsere, tenhonniʼtónniaʼte tsi ratinákere. Iotonhnhá꞉raht nónhka iéhsere ne Rawenni꞉io raoianerénhsera!

Acts 14:16

Ne tiothohétston sakoriwáwi nonkwesónha ne kwáh tsík tiahatiʼieránion.

Acts 26:18

Tensekakwarísi ó꞉ni tonsashekaraténi tsi non natetiókaras tsi teioskwátʼte niehónne tánon shèkwa ne Raneshonrónon rahosatsténsera nók Rawenni꞉io rahosatsténsera tontashéhion, káti tsi entionkétakwe ne rahothiriwanerahákʼtsera enskanikonrén꞉en tánon enhatiʼiéna neh skátʼke ahonnéseke tsi niháti ne Rawenni꞉io sakohiatarákwen.’

Acts 26:27

Sanontí꞉io Agrippa, tesetákwa ken ne roʼnatiatatkonkwe? Wakateriéntare tsi tisetákwen!”

Ephesians 2:12

Né sontakahá꞉wi í꞉non tesewáʼterekwe ne Kerístos. Thí tsionʼhontsiáteʼkwe tánon ó꞉ni iáh í꞉se tèken ne Rawení꞉io sakoʼiatarákwen. Kwáh iáh othé꞉nen tesewaʼiátare nateriwahseronniatseráʼkon, tsi nón꞉we nikarahtás꞉thon tsi nisakorahrástenni ne Rawení꞉io rahotió꞉kwa, tánon kén tsi ionwentsá꞉te nón꞉we nitsonnhétie tánon kwáh iáh othé꞉nen tesewáʼraʼre ne othé꞉nen ahisewaʼhianerás꞉ten tánon iáh ó꞉ni tesewaʼkwé꞉kon ne Rawení꞉io.

Ephesians 5:8

Í꞉se ó꞉ni tionháke tethisewakáraskwe, nók tsi náhe Roiá꞉ner rahonkwétha sewatónʼon, kaswatʼthetserákon nónwe nísewes. Kwáh káti sewateriwaiénʼni thóh nahitionʼnoténhake nahisewéneste tsi tesewaswatʼthéʼon,