Psalms 147:11 - Ohiatonhseratokénti

¹¹ ók kí ne Roiá꞉ner ne rawerientiʼióstha tsi niʼiákon ronwatsánis, rononháke tsi niháti thóh nón꞉we nihotiráhre ne iorihwató꞉ken raonoronhkwáhtshera.

Psalms 147:11 ပူးပေါင်းရင်းမြစ်များ

Psalms 149:4

Asèken ne Roiá꞉ner ronwatsenhnonhniathénhnis ne rahonkwetaʼshón꞉has; shaʼkokweniénstha tsi niʼiákon ne éʼtake ionhtatónhnis ne teshakówis natesenhniétsera.

Psalms 33:18

Orihwiʼiohónwe ne Roiá꞉ner ne sakonikónhrahre tsi nihiákon ne ronhwakweniénstha, né꞉ne tsi nihiákon thóh nón꞉we nihiakorahratseráien ne iorihwató꞉ken raonoronhkwáhtshera,

Psalms 33:22

Seríhon ne iorihwatóken sanoronhkwáhtshera, Ó Saiá꞉ner, naiakwahkwekónhake, tsi thóh wahakwáhien nonhkwarahrátʼtsera shonháke.

Psalms 35:27

Aiáwenhs tsi nihá꞉ti ne tehonatonhontsóni nahonsakathatewenhní꞉ione tehotihénrenk natonnaráhtshera tánon rontsenhnónhni, tánon tsi nénhwe ahontón꞉heke, “Tsi natehotenonhianíton ne Roiá꞉ner, rawerienhtí꞉ios tsi nihotiʼianerasthénhnis ne raonhatserashónha.”

Proverbs 11:20

Roiá꞉ner ráhswenhs nónhka wahétken ionnonhtónnions, nok shakonorónhkhwa nónhka tierihwaié꞉rits.

Proverbs 31:30

Tsi niieweiennò꞉ten enkakwé꞉ni ensaʼnikonhrhá꞉ten nok ne iakoiaʼtáhskats iáh tiótkon thenkénhake, nok ne iakón꞉kwe ronwahsennakará꞉tats ne Roiá꞉ner kwáh orihwà꞉ke aietsihsennakará꞉tate.

Isaiah 62:4

Ní꞉se kwáh iáh shé꞉kon ne tahonsaʼiesanatónkwahke Iesatewenhtéton, tánon né shonhóntsa iáh shé꞉kon ne tahonsakonwanatónhkwahke iáh othènon Tekarihwástha; ók ní꞉se ne eniesanátonhkwe Nakatonnarátshera Ahonháke Kaien, tánon né shonhontsáke né꞉ne enkonwanatón꞉kwahke Ioniá꞉kon; asèken né Roiá꞉ner rawerientí꞉ios shonhàke, tánon né shonhontsáke kwáh kí enhioniá꞉konhke.

Zephaniah 3:17

Né Roiá꞉ner sah Ní꞉io sewanenrí꞉hen í꞉res; roshatstenhserowá꞉nen tánon énthion natesenhniétshera; kwáh shonhà꞉ke nón꞉we nenhatonhnáren, kwáh atsenhnonhniatsherá꞉kon tsi á꞉se enshiónhni ne raonoronhkwahtsherá꞉kon, tenhohénrehte tsi nihotsenhnón꞉ni ne shonhà꞉ke tsi natehorihwákwen,

Numbers 14:8

Tó꞉ka ne Roiá꞉ner rawerienhtí꞉ios nonhtsionháke, thóh nienshonwahiaténhaʼwe tánon enteshón꞉tsion nètho ióskats tánon ionhontsí꞉io íken.

1 Tiér 1:13

Kwáh káti, ioianeréhak tsi sewanontonniónko tsi nensewátiere. Sewatateweiennentaónhak tánon ieiokontakwénhak thoʼnónwe nasewarárek neh kaiataterítsera tsi nentietsíʼion nónen ne Ié꞉sos Kerístos enʼonwéneste.

1 Tiér 1:17

Kanísera tsi sewanathónkwa, nónen rahonháke ne Rawenni꞉io ensaterénnaien, rahónha kwáh sahtetiótʼte nonkwetakwékon tsi tesakoiatorétha, entioianénhawe tsi naiakotiéren ne tieiatát꞉tion; kwáh káti, tsi nikaríwes shékon enshónnheke ne kén꞉en onwentsiáke tsi tseriwakweniénstak.

1 Tiér 3:4

Kék khók, ne sonkwetihiótsera neh akénhake tsi kwáh nisonkwetóten, ne iáh tatewathatáwis hiontʼkatotserí꞉io ne tiakoriwaiéri saktíken tsi iakónnhe, neh nahonhá꞉a tkanóron ó꞉ni tkhoʼwánen ne rahohénton ne Rawenni꞉io.