Psalms 146:6 - Ohiatonhseratokénti

⁶ tsi nikáien ró꞉son ne tsi karonhiáte ó꞉ni tsi ionhontsáte, ne kaniatarakekó꞉wa, tánon tsi nahoténhsons né thóh nón꞉we nikónhnes; rahónha ranikonhrará꞉tses ne tewetákwen tsi nénhwe enkénhake;

Psalms 146:6 ပူးပေါင်းရင်းမြစ်များ

Genesis 1:1

Tsi tiotáhsawe Rawenni꞉io wahá꞉ronhionhni tánon waronhontionhni,

Psalms 100:5

Ne Roiá꞉ner roʼtennithenrátskon; ne ioriwaʼtóken raonoronkwátsera kwáh tsi nénhwe tsi thenkawisátsteʼke, tánon tsi waʼhatiwatsiratátse ne raoriwaʼtokentítsera tsi nénhwe enkátake.

Psalms 115:15

Aiáwens ahiaiatatériste ne Roiá꞉ner, né꞉ne róshon tsi karonhiáte ó꞉ni tsi ionhontsáte.

Psalms 117:2

Asèken tsi nikowáʼnen ne iorihwaʼtóken raonoronhkwáhsera nontionháke, tánon ne iakorihwaʼtóken rahonháke ne Roiá꞉ner tsi nénhwe enkénhake. Tehonwaʼnonweráton ne Roiá꞉ner!

Psalms 33:6

Né Roiá꞉ner kwáh nek khók tsi taʼhatá꞉ti onhtónh꞉ni ne tsi karonhiáte, tánon nenhtiekhenékha karáhkwa, nasonthenʼné꞉kha karáhkwa, tánon ne tsi iotsistokwahrón꞉nion onhtónhi tsi nontahatónhrie ne tsi rasakáronte.

Psalms 89:2

“Asèken waʼkíron” né sanoronkwáhtshera tsi nikáshon né꞉ne tsi nénhwe enkénhake; né sarihwaʼtokentí꞉tshera thóh nihiorihwaʼníron tsi ní꞉ioht ne tsi karonhiáte.

Psalms 89:33

ók iáh kíʼ éhren tatʼkháwiʼte ne iorihwaʼtó꞉ken akenoronhkwáhtshera, khés nahonkerihwaʼnó꞉ron nakatiénawasthe tsi nihihiararatsthénhni.

Psalms 95:5

Ne kaniatarakhekówa rahónha nonhné꞉e raówenk, asèken rahónha ró꞉son, ó꞉ni ne iahonwenhtsatʼthénke, né꞉ne ratsanáke ióshon.

Psalms 98:3

Ré꞉iare ne iorihwaʼtóken raonoronhkwáhtshera tánon ne raorihwaʼtokentítshera tsi nòkwah Nisraerʼró꞉nons. Akwékon ne tsi iehiotonhontsiotʼtaníhons iakotʼkátons ne raotesenhniétshera ne Rawenni꞉io.

Exodus 20:11

Né iaʼiákʼkhaton siwenhniserakéhaton Í꞉i, ne Watiá꞉ner, waʼkonhontsíson, waʼkeronʼhíhson, ne kaniaʼtarakheʼkówa, tánon nʼoriwaʼkwékon né thóh íken, ók kí ne tsathákʼhaton siwenhniserakéhaton waʼkenhniseraiériʼte. Né káti aoríwa Í꞉i, ne Watiá꞉ner, waʼtiathatéristhe ne tsathákʼhaton tánon waʼkenhniseratokentísʼte.

Jeremiah 32:17

“Sahnonhtí꞉io Saiá꞉ner, i꞉se shá꞉son ne tsi ionwenhtsiáte ó꞉ni ne tsi karonhiáte ne sátsthon tsi sashastsʼtenserowáhnen ó꞉ni sehsátsʼte; kwáh iáh thahóthen ne ahisentoráhkwen.

Daniel 9:4

Wakaterénnaien raonhá꞉ke ne Roiá꞉ner Akeʼní꞉io ó꞉ni waʼakwarihwahní꞉rate tsi niionkwarihwané꞉ren. Waʼkí꞉ron “Saiá꞉ner Ní꞉io, tesatenonhianíhton, tánon kwakweniénhstha. Iorihwatóken ne sahrharatstátshera, ó꞉ni ne sanonronhkwáhtshera tánon tsi niiá꞉kon ne iesanorónhkhwa ó꞉ni iesawennaráhkwa.

Micah 7:20

Kwáh enthétion norihwihioʼón꞉we ne Jacob tánon kenténrat ne Abraham, kwáh tsi nisehrihwanirá꞉ti ne iakisoʼthonkonhkén꞉en ne wahón꞉nise tsi ná꞉he tkenʼne.

John 1:3

Oriȣakȣekon Raonha roson, iah othenon tekason nʼiah raonha tahoson.

John 10:34

Ȣahenron ne Iesos tsi tontasakoȣennaȣeron: Iah kennah tekaiaton ne seȣaiatonserakon: ȣaken: Niio neseȣaiatotens?

Acts 14:15

“Onhnontiéren tsi éhʼtho naisewáiere? Í꞉i kwáh thóh naʼtehiakénonwe tsi kíʼ niseni꞉ióht! Kén꞉en hiákenes nahiakenirihówanaʼte ne kariwí꞉ios, nehne tahonsakwakaraténi tsi nisewasénnaiens ne iáh thènen tekariwástas nók kíʼ neh nahónton neh ahonsahtsisewasénnaien ne ronnhehónwe Ní꞉io, tsi nikáien ne rosahánion ne tsi karonhiátes ó꞉ni tsi ionwentsiáte, kaniatarakekówa, tánon kwáh tsi nahoténsons neh non nikonónnhes.

Deuteronomy 7:9

Sewehiá꞉rak né꞉tho Roiá꞉ner sewaNí꞉io tsi rahonhatsí꞉wak kók ne Ní꞉io tánon tsi roriwató꞉ken. Enhateweiénton ne raohianerénhsera tánon enrè꞉neste ne ioriwató꞉ken raonoronhkwátshera ne tewenhniaweheʼtseráhsen natewaterehsehránes ne tsi niʼiá꞉kon ronhwanorónhkwa tánon iontewenhnaráhkwa ne raoriwaʼtá꞉tsheras,

Colossians 1:16

Asè꞉ken rahonhá꞉ke nón꞉we ne Rawenni꞉io orihwakwé꞉kon nihosahánion ne tsi karonhiá꞉te ó꞉ni nonwentsiá꞉ke, ne ióken tanon nahóten ne iáh teiókens, thóh í꞉kare ne kariwiiostóntsera ahosasténseras, Rotiʼianers, ratikorásons, tánon ne karíhtons. Rawenni꞉io kwáh orihwakwé꞉kon rahonhá꞉ke non rosahánion ne tsi karonhiá꞉te ó꞉ni ne tsi ionwentsiá꞉te tanon rahónha rahoriwà꞉ke.

Titus 1:2

Tsi ne kakenserákwen ne karahrátshera ne ionnheʼónwe. Rawenni꞉io raónha ne iáh nonhwenton tahanowénthe, sonkwarahratsʼténni kíʼ tsi tsiónnhe nohénton nakwékon sonthontásawen,

Hebrews 6:18

Né kí꞉ken ne tehiorihwáhke, káti, ne iáh tahónton tahonsakathénionke tánon ó꞉ni tsi iáh tahakwéni nahanówenhthe ne Rawenni꞉io. Káti tsi nítsion ne ionkwatʼtshénrion ne rahonháke nónwe naitewahtekwáhsen kowáhnen tsi ionkwahnikonrahníron ioníron tsi ahionkwahtienahwastónhake tsi ne ionkwáhrahre nonkwahénton ká꞉ien.

Revelation 14:7

Tsi wahén꞉ron kwáh í꞉ken tsi rowénhte, “Tetserenhsá꞉ron ne Ní꞉io tánon tátion ne kaiatanerakwáhtsera, asè꞉ken ne kawistáhets ne raoriwenhthá꞉tsera ón꞉we aseken rahonha tensakohiatorente nonkweshonha. Senhnaien tsi rahonha roson tsi karonhiate oni tsi ionwenhsate, kaniatarakekowa, tanon ne tsi ionekotons nonekanos!”