Psalms 146:4 - Ohiatonhseratokénti

⁴ Nó꞉nen enhontonhniserók꞉then, ohontsáke nieshonnètha; kwáh thóh wenhniseráte tsi nihonatenikonhrón꞉ni enwáton.

Psalms 146:4 ပူးပေါင်းရင်းမြစ်များ

Genesis 2:7

Eʼthó꞉ne ne Roiá꞉ner Rawenni꞉io wá꞉thrakwe nokén꞉ra tánon wahoiaʼtón꞉ni ne rón꞉kwe: tsi tehanionkáronte nón꞉we niahotonhniserón꞉ti ne ne iónhnhe aonrí꞉sera tánon ne rón꞉kwe tontáhsawen wahatónhnhete.

Genesis 3:19

Ó꞉nenk tsi Tenhsáʼtarihenserón꞉hkohte ne skonhsà꞉ke ne naʼón꞉ton nohwénhtsa thé꞉nen aontaká꞉nio; kwáh tsi niió꞉re ohwentsá꞉ke nón꞉we nienséhse; tsi tho nón꞉we nitiesaiaʼténha; okèn꞉ra ní꞉se í꞉ken, tánon shé꞉kon kiʼ oʼkèn꞉ra iensehsá꞉ton.”

Genesis 6:17

Enkewehnó꞉tahste ne tsi ionhwentsá꞉te né꞉ne eniakóriohte kwáh tsi niá꞉kon ne iakónhnhe. Kwáh tsik nahó꞉ten akénhake nonhwentsá꞉ke tsi enkénheie.

Job Tánon ne Raoronhiakensera 14:10

Ók nónkwe iaiehé꞉ions, tánon kaktieiakawè꞉non; enhiaiéheie tánon iáh thahonsaiontáhtiataʼtshén꞉ri.

Job Tánon ne Raoronhiakensera 14:21

Ne sakotiioʼokón꞉as ratikwénies nahonwatikwénienste, tánon akwé꞉kon iáh teonaterièn꞉tare; eʼtá꞉ke ronwenhnón꞉nis, tánon iáh tsewené꞉tas.

Job Tánon ne Raoronhiakensera 17:1

“Ó꞉nen wakatesastenseroktà꞉on, nakenhní꞉sera ioteweienhnenhtà꞉on, nahtsatónhkwa kaweienhnentà꞉on nakeriwà꞉ke.

Job Tánon ne Raoronhiakensera 17:11

Nakenhniseraʼshón꞉as iotohetstánion tsi niwakateʼnikonhrón꞉ni teiotsá꞉kon tánon skát꞉ne í꞉kene nakweriá꞉ne.

Job Tánon ne Raoronhiakensera 27:3

Kwáh tsi nikarì꞉wes wakonhniserá꞉ien tánon ne rahonhní꞉sera ne Rawenni꞉io í꞉wa tsi tekenionhká꞉ronhte,

Psalms 104:29

Nó꞉nen éhʼren enséhsete, enhotíteronhne; nó꞉nenh ensehsékwah ne rahonhnonhnísera, enhonhníheʼie tánon okénhra ienshón꞉ton tsi kiʼnón꞉we nithoné꞉nonh.

Psalms 33:10

Né Roiá꞉ner tesakonikonhrhiakʼthénhnis tsi nihontenikonrónh꞉nis nonkweshón꞉ha; tánon iáh tesakorihwáwis niahatísa tsi nihonathenikonhrón꞉ni.

Psalms 90:3

Okenhrá꞉ke niesehsehiathénhas nónkwe, satón꞉nions, “Okenhráke nionhshá꞉sewe.”

Ecclesiastes 12:7

Nonhkwahieronhtasónhas okènrah iensehwáton ne tsi ionhwenhtsáte, tánon nahonhnísehra ne tsi iakónhnhe kwáh nenhné꞉e Rawenní꞉ioke niénsehwe, tsi nikáien ne tesonhkwáhwi.

Ecclesiastes 9:6

Né rahotinoronhkwáhtsheras, ne rahotiswenhtsherasónhas, ne rahononhwehsénhtsheras, ronónhake kíʼ ieiawenhehiá꞉thon. Kwáh iáh shé꞉kon nonhwénhton ne thé꞉nen tahonsahontsiátaren tsi niʼiawénhsehrons ne kénʼen ionhwenhtsáte.

Isaiah 2:22

Tonsashewatkaraténi tsi nón꞉we nihón꞉nes nonkweʼó꞉kons, aséken ne ronónha nék khók tsi ronhnonhniseráhien tsi tehatiʼnionhkáronhte, asèken tók néh satehón꞉nas ne ronhnón꞉ha?

Lamentations 4:20

Wahtsionkhíkwen tsi nihiakwastasónha tsi iatiónnhe, neh:ne Ronnontiʼio ne Roiá꞉ner rohrákwen, Tsi nikáien sakwaniahésenʼne nahontasónkwaʼne ne kwáh tsík ónka akénhake nahionkinenrénten.

Daniel 5:23

Wahsatathará꞉tate tsi nonkwá꞉ti ne Roiá꞉ner Rawenni꞉io ne karonhiá꞉ke thén꞉teron tánon táhsionʼte ne kátshe ó꞉ni ne akehraʼshón꞉a ne thotíha ne raononhsatokenhtiʼkowáhne. Í꞉se tánon ne sonkweʼtaʼshón꞉ʼa ne ratihsennowá꞉nens, sewaniákhons, sahskareʼó꞉kon, ne wésewatste tsi wesewahnekí꞉ra ne notsì꞉tsa ó꞉ni wesewahsénnaien ne kaiaʼtón꞉ni ne ionniá꞉ton ne ohwistanó꞉ron, kahwistará꞉ken, ne kahwistárhon ne otsì꞉nekwar nikaristó꞉ten, karístatsi, ó꞉iente, tánon ne onén꞉ia—kaiaʼtón꞉nis ne iáh tekontí꞉ken tánon iáh teionathón꞉te iáh ó꞉ni thé꞉nen teionaterién꞉tare. Nok iáh tehtskweniénhston ne Rawenni꞉io tsi niká꞉ien thoniarotárhon ne tsi sónnhe ó꞉ni tsi satónrie ó꞉ni kwáh tsi ní꞉ioht tsi satoriá꞉nerons.

1 Corinthians 2:6

Onk ki né khehiateriwahnotánis ne kariwahkwahrishióntshera tsi nihiákon ne ónen ieiakohkontákwen tsi iakoriwiʼióston. Nók iáh kíʼ kariwahkwahrishióntshera tehiókwenk kí꞉ken ionwenhtsiáte iáh ó꞉ni naoshastsʼténseras ne wahsharíne ne kén꞉en ionwenhtsiáte kashastsʼténsera ne iotionhátse raotishastsʼténseras.