Psalms 145:3 - Ohiatonhseratokénti

³ Tehotenonhianíton ne Roiá꞉ner, tánon teiotonhontsóhon ne iawetatʼtsáni tsi tahonwanonhweratónhsehke; tsi natehotenonhianíton iáh thahónton ne kwáh iakaiérike aiakonikonhraiéntaʼne.

Psalms 145:3 ပူးပေါင်းရင်းမြစ်များ

1 Chronicles 16:25

Né Roiá꞉ner tsi nihoshastsʼtenserowáʼnen tánon kwáh kíʼ í꞉ken tsi tahonwanonhweʼráhton; kwáh ishiʼnónwe sénha tsi ahonwaʼkwénienste tsi ní꞉ioht nakorénsons ne niʼiohokónhas.

Job Tánon ne Raoronhiakensera 26:14

Ne kí꞉ken ne kwáh kenk ní꞉kon í꞉ken ne raoweién꞉nas; tánon kenk nitiót꞉te notsahónskwakon tsitewahwenhnaróntkha! Ók tsi nihiowé꞉ren ne raoshatsténhsera ónhka aiekwé꞉ni nahiakoʼnikonhraién꞉taʼne?”

Job Tánon ne Raoronhiakensera 36:26

Orihwiiohón꞉we ne Rawenni꞉io tsi teotenonhianì꞉ton, tánon iáh tetsitewaienté꞉ri; tsi nahontahó꞉ionke iáh thahónton naierihwí꞉sake.

Job Tánon ne Raoronhiakensera 37:23

Ne Roshatstenhserowanenhkó꞉wa iáh tewá꞉tons atsitewaiataʼtshén꞉ri; Roshatstenhserowaʼ꞉nen tánon roiá꞉nere, tánon iawetaʼtsá꞉ni karihwakwarihshióntsera ne iáh thatahaterienʼtawénhrie,

Job Tánon ne Raoronhiakensera 5:9

Ónhka ne Iorihowá꞉nens tsi nihaieránions tsi nahoʼténhsons iáh tethewakwénes nahionkwaʼnikonhraién꞉taʼne, iorihwanerakwahténions né꞉ne iáh tewaséhtons?

Job Tánon ne Raoronhiakensera 9:10

raónha rohiò꞉thens ne iorihowá꞉nens ne iáh thahitewakwé꞉ni nahionkwahnikonraién꞉taʼne, tánon ne iorihwanerakwahté꞉nions né꞉ne iáh tewashé꞉tons.

Psalms 139:6

Nètho atʼthokhátshera shó꞉tsi iorihwanerákwat nakeriwáke; sóhtsi tiótʼte iáh tatʼkwéni nakatsénawasʼte.

Psalms 147:5

Tehotenonhnianíton ne Sonkwahiáner í꞉ken, tánon roshaststenhserowánen; ne raonikonraientátsera iáh tsehiotót꞉te.

Psalms 48:1

Rahiatanoronkówa ná꞉ha ne Roiá꞉ner tánon tehiotonhontsóhon ne aʼiawetowanénke tsi ni꞉ioht tsi tahonwaʼnonweráton thóh raonátakon nonkwaNí꞉io. Né raonontatokentíke,

Psalms 96:4

Né Roiá꞉ner tsi nihoshastsʼtenserowáʼnen tánon kwáh kíʼ í꞉ken tsi tahonwanonhweʼráhton; kwáh ishiʼnónwe sénha tsi ahonwaʼkwénienste tsi ní꞉ioht nakorénsons ne niʼiohokónhas.

Isaiah 40:28

Iáh kén tesateriéntaraʼkwe? Iáh kén tesarihwarónh꞉ken? Né Roiá꞉ner tsi nénhwe enkénhake tsi Rawenni꞉io í꞉ken, Rahónha Roshaʼáhnion kwáh tsitʼtsehiotonhóntsiókʼte. Iáh thehatesasthenserót꞉tha khés ne tahawisénheʼie, né raoʼnikonraientátshera iáh thaʼónton nawésakon.

Romans 11:33

Tsi nikowánen ne Rawenni꞉io rahotsiokowátseras! Tsi natehionhótes ne rahonikonraienthátsera ó꞉ni neh rahothokhátsera! Ónhka ahiekwéni naienikonraiénthaʼte tsi natehohiatoretánions? Ónhka ahiekwéni naiakonikonraiéntaʼne ne rahoweiénʼnas?

Revelation 15:3

Tánon ne wathatirihwákwe ne Mahís raorénhna, né꞉ne Ní꞉io raonhá꞉tshera, ne ó꞉ni raorénhna ne Teiotinaʼkarontónha owí꞉ra: “Teiotenonianì꞉ton tánon ionerá꞉kwat ne saioʼténhsheras, Saiá꞉ner Ní꞉io né꞉ne Sashatstenhserowá꞉nen! Kaianeren tánon orihwí꞉io í꞉ken ne sawenénhnas, Shenontí꞉ios ne ronhnonhontsakeró꞉nons!