Psalms 144:12 - Ohiatonhseratokénti

¹² Aiáwenhs nonkwaʼnekenhteronhtsheraʼshónhas ne kenhnitotihiónsas thóh nahatihiatoténhake tsi ní꞉ioht ne kaientʼthótsheras ne iotonhníson, nonhkwahiatasetsherashónhas thóh nenhné꞉e nakonhtiʼiatothénhake tsi ní꞉ioht ne tekaiosakérons kanawahatótons, né tsi kaiakónhnion ne ahónstonhke tsi rononhshó꞉te ne ronhnontí꞉io.

Psalms 144:12 ပူးပေါင်းရင်းမြစ်များ

Job Tánon ne Raoronhiakensera 42:15

Nonhón꞉tsakwé꞉kon iáh ónhka ne tionatʼthonwisen thoʼnakontkathó꞉tserí꞉iohake tsi ní꞉ioht ne Job sakoienhokonhas; tánon ne ronwá꞉niha watesakohiakonhase ne raoièntatsheras tsi natehóntere sakohiohó꞉konhas.

Psalms 128:3

Ní꞉se tánon ne teseníteron kwáh wé꞉so enseniwiraiénhtaʼne; tánon ne ratitsaokónhas kwáh enhonatsoʼkowánenhke ne satekwahraʼtserák꞉ta.

Lamentations 4:2

Ne Zion ahonkwetaʼsónhas ne ken nithotihiónsas thóh nikanóronkwe nonkwariwáke tsi ní꞉ioht nowistanóron, Nok kiʼnónwa thóh nhithonwáthite tsi ní꞉ioht ne thikénha onawastakarí꞉ios kátshes.

Zechariah 9:17

O tsi nenhiohianeréhake ó꞉ni enwatʼkathotseriió꞉hake nonwénhtsa! Ne ken nithotihiónsah kwáh enhontehiá꞉ron enhatiʼshátsteke kwáh enhotihianerásten tsi nokwáh nonátsa ó꞉ni ne onenharataʼsehontsherákeri.

Deuteronomy 7:13

Akwáh enhianó꞉ronhkwe ó꞉ni enhiaiaʼtaté꞉riste, káti né꞉ne akwáh ahisewentiohkowá꞉nen ó꞉ni wé꞉so ahisewawiraién꞉taʼne; enhaiaʼtatériste tsi sahenthaké꞉rons, ne káti nahónton nahishanatsaiéntaʼne, onenharataʼsehontsherá꞉keri, tánon ne iakeniewáhtha kénhies; tánon tsi enhiaiaʼtaté꞉riste ne tsi nénhthion ne tionhnónskwarons ó꞉ni ne teiotinakaronhtón꞉a. Akwé꞉kon énthion kí꞉ken kaiataterí꞉tsheras ne tsi nishakorahratstén꞉ni ne ietsisoʼthonkonhkén꞉en tsi énthion.