Psalms 143:12 - Ohiatonhseratokénti

¹² Thóh ne iorihwatóken sanoronhkwahtsherákon séhiaks ne iónksons, tánon sehiátont ratikwékon ne hionkát꞉konte, asèken í꞉i ne shonkwéta í꞉ken.

Psalms 143:12 ပူးပေါင်းရင်းမြစ်များ

Psalms 116:16

Ó Saiá꞉ner, í꞉ih ne sanhá꞉tshera í꞉ken; Konhióthenhse kwáh tsi niʼiohtónhne nakenistenkénʼen. Sestiatotaríhshion kenheiát꞉ne.

Psalms 119:94

Ní꞉ih í꞉se shonkwéta í꞉ken, tatiatanónstat; asèken wahkesáhkon ne saianerénhsera.

Psalms 52:5

Ók Rawenni꞉io kíʼ enhiakarón꞉ni tsi nénhwe enkénhake; kwáh ienhiaiéna tánon enthiaiatinekénsthakwe tsi sanón꞉sohte; kwáh éhʼren enhiaiatenháwite ne tsi ionhontsáien tsi ratíteron ne ronhnón꞉nhe. Selah

Psalms 54:5

Aiáwenhs ne Rawenni꞉io né arátste ne raotirihwahetkénsera tsi ensakoréwate. Kwáh ensakótonhte tsioríhwa tsi nihorihwaʼtó꞉ken.

Psalms 54:7

Asèken rahónha sakeniakénton kwáh tsi níkon thènen tenhwaʼkenikonhrá꞉ren, tánon khéken ne hiónkshons ronwatisénhnion.

Psalms 55:23

Ók í꞉se, Ó Sewenní꞉io, iensehiáthente tsi nón꞉we ne kwáh tioshón꞉wes; né sakonaséhtha tánon natiokenthashónhas kénk nentontíhionke enhonnhíheie. Ók kwáh kíʼ shonháke nón꞉we nenhtewakethakwénhake.

1 Samuel 25:29

Tó꞉ka ónhka shí꞉ken tahontahiétahne naiesá꞉sehre tánon nahonnésake ne tsi shón꞉nhe, ne tsi rón꞉nhe natiá꞉ner kwáh kiʼ enkawánerenhke ne ostó꞉kwah tsi ronón꞉nhe ne enhatenhnikonráhren ne Roiá꞉ner Saní꞉io; ók ne tsi ronón꞉nhe ne iesáswens ne raónha kwáh kiʼ iensakoiatónhti sén꞉ha enhiosháststeke tsi ní꞉ioht ne iehiakonenhʼietiontáhkwah.

1 Samuel 26:10

Ne Táwit wahén꞉ron, “Ne Roiá꞉ner tsi nirón꞉nhe, ne Roiá꞉ner kwáh kiʼ enhononwarhiákhon; khéhs tsi nihotenhniseraténion kwáh kiʼ enkénʼheʼie; khéhs thóh nienhén꞉re ateriʼioseráke tánon enhatiatáton.