Psalms 141:5 - Ohiatonhseratokénti

⁵ Sehríhon ne rotirihwakwahríshions ahionkatewenhnaiéntonhwe; seríhon ne rotirihwató꞉ken tiontʼkerihwakwahríhshias. Tó꞉sa nonwénhton ne raonénhie ne ronhnonkwetahét꞉kens ne ahionkenontsistókaʼwe, asèken nakaterénhnaient iehiorihwakonhtákwen tsi kát꞉konte tsi nihatiweienhnák꞉sens.

Psalms 141:5 ပူးပေါင်းရင်းမြစ်များ

2 Chronicles 25:16

“Kát꞉ke onhtèken,” ne Amaziah waʼthorihwihiatʼse, “Í꞉se kén kwahiatarákwen naʼtiatenikonhrahsónhterase ne ronnontí꞉io? Sát꞉kaf tsi sáthare, tó꞉ka iáh enkonhnonwarhiákhon!” Káti ne rotokenhséhakwe wahát꞉kaʼwe kíʼ, ók niáhreʼkwe kíʼ wahénron, “Ó꞉nen kí onhkateriénhtaraʼne ne Rawenni꞉io tsi í꞉rehre ahiáthonte tsioríhwa tsi nisatieránion kí꞉ken orihwakwé꞉kon tánon waʼshatarónhti tsi nihkonhiatenikonhráhwisʼkwe.”

Psalms 125:4

Tasehiateweienhtónhas, Ó Saiá꞉ner, tsi nihiákon ne iakoiánere, tánon tsi nihiákon ne ronhnerhiasí꞉io.

Psalms 23:5

Í꞉se waskatekwaratseraʼserón꞉nien, thóh raotihén꞉ton ne iónkshons; í꞉se kénʼie waskenontsistókaʼwe; nakétʼtie teiontʼnekontákwa ontawénhrate.

Psalms 51:18

Ó Sewenní꞉io, tasarihwaiérik tsi nòkwah ne Zion tánon tiénawas; sahshathenhenronniánion ne Jerusalem,

Proverbs 12:1

Nónhka ienorónhkhwa ne karihonnienníhtshera eniontshennón꞉ni nahshehró꞉ri nahò꞉ten iáh tethotirihwaierí꞉ton. Iáh kiʼ tewattokhahtsherí꞉io nónhka iéhswenhs naiontaterihwakwaríhshien.

Proverbs 15:22

Tsé꞉na akwé꞉kon ne kaʼnikonhrí꞉io tsi naiesatenʼnikón꞉ron tánon ensaianeráhsten; tókaʼ iáh tho tháhshiere ensarihwanó꞉ronʼse kiʼ.

Proverbs 15:5

Teiotenonhwarorí꞉tonte ne tóhsa ahshié꞉na nahò꞉ten ne iesaién꞉ʼa iesarihonnién꞉ni, wattokhatsherí꞉io nahshié꞉na nahò꞉ten eniesarihwakwaríhshien.

Proverbs 19:25

Atkanronniáhtshera teiotonhwentsóhon akahrewáhton, ó꞉nen ki nen né꞉ʼe nón꞉kwe ne iáh tshiekaié꞉ri teiakoterién꞉tare enwá꞉ton naieweientéhtaʼne. Tókaʼ ká꞉ti tesaʼnikonhráthe, enhseweientéhtaʼne nónhka aiesarihwakwaríhshien.

Proverbs 25:12

Nónhka aiesahronká꞉ten ne orihwí꞉io tsi iakoterién꞉tare tánon nónhka iakotateweienentá꞉ʼon aiontahónhsatate, ne sénha shaʼtékena tsi ní꞉ioht ne ohwistanó꞉ron anisnónhsawi tánon ne kwáh tiohskatsténion ohwistanoronʼshón꞉ʼa.

Proverbs 6:23

Tsi nahò꞉ten iesahró꞉ri ne shá꞉ka ne teiohahseráthe; ensaháharahte ensahró꞉ri tsi ní꞉ioht tsi tkariwaié꞉ri nahshónhnheke.

Ecclesiastes 7:5

Sénha tsioiánere né꞉ne ronhtenikonhratʼthókʼkha aiesatewenhnaiéntonhwe tsi ní꞉ioht ne thonathónhnokthe tahiesarihwáhkwaʼse tsi taiesanonhweráton.

Leviticus 19:17

“Tó꞉sa sehiatkonhsanósten nakorénson, ók sewarihwasehrónhni tsi naʼtesewátere, né káti ne tó꞉sa ahiʼsewarihwánerake ne ronónha ahatiʼrihónhni.

Matthew 5:44

Katon kati nii: Shenonȣehak ne iesasȣens, nok Teshenonȣeratonsek ne iesakenronni, sheiaterasȣiiosten ne iesakenronni, nok sheiaterennaiennihek ne teiesonnharikhons oni iesakenrenseronnis.

Galatians 6:1

Tewatenrosónhas, tóhkaʼ ónhkak naiakohiathotaréʼon tsík nahiotónhake tsi nahiakotiérenke ne wahétʼken, tsi nítion ne sewanikonróskon tehiotonwentióʼon nahonsatsisewatakwarísi; nók ónenk tsi enthisariwaiérike. Tánon sathatennikonrá꞉ren, nehne tóhsa nón níse aiesanikonrotáko.

Revelation 3:19

Enkheiaʼtewenhnaién꞉tonhwe tánon enkheriónhnien tsi niiá꞉kon ne khenorónhkwa. Kwáh kíʼ tasewaʼnikonrakontakwénhak, ne aorí꞉wa, tánon sasewatatré꞉wat.