Psalms 141:2 - Ohiatonhseratokénti

² Satóntat tséna nakaterénhnaient né shón꞉niat tsi ní꞉ioht ne wenhnekerákon wakahtsienkwahronniatákwen ne sahénton, tánon ó꞉ni ashé꞉na tsi niwakanenhtsaʼkaratáton tsi niwakaterénhnaien tsi ní꞉ioht tsi tsénas nokarasné꞉ha iontsienkwahronhniáta ne sahénton.

Psalms 141:2 ပူးပေါင်းရင်းမြစ်များ

1 Kings 18:36

Tánon tsi niakahé꞉we tsi nihioterihwíson, ne Elijah né rothó꞉kenhse íken ákta niaháre ne ietseharákwahke tánon wahaterénhnaien, “O Saiá꞉ner, tsheNí꞉io ne Abraham, Isaac, tánon ne Jacob, ónen kíʼ serihwanírat tsi í꞉se Shé꞉wenhnní꞉io Nisraerʼró꞉nonke tánon í꞉i ne sanhátsera íken tánon akwékon kí꞉ken thóh nátiere tsi nisarihwatháton.

Ezra 9:4

Thóh kitskóthe wakekironhratʼtsens tsi nió꞉re iaʼkáhewe noʼkarasné꞉ha ahonterihwathentsáthonke ne karihwiiosehokénhas, tánon nonkweshón꞉as ó꞉nen tahontháhshawenh watsonhkatiáthaton—ratikwé꞉kon ne ronateronhienthén꞉ni tsi nahó꞉ten ne Sakoní꞉io Nisraerró꞉nonhke rá꞉wen tsi nokwáh ne kariwanerenháktseras tsi nihá꞉ti ne sót꞉ti ne ronahnakerá꞉kwenhne.

Psalms 134:2

Sewanentʼtsakétsko tsi nón꞉we ne iotokénti í꞉ken, tánon tetsisewanonhweráton ne Roiá꞉ner.

Psalms 28:2

Saʼthón꞉tek tsi niwaʼkewénhte tekaséntʼthos tsi niwaʼkanithénton, ne tsi iatekaséntʼthos ne shonháke nastiénawaʼse, tsi enkanenhtiakétsko tsi wakaterénhnaien thóh niewaʼkatieráton ne tsi nón꞉we ne kwáh tsiotokénti ne Sanonsatokentiʼkówa.

Psalms 5:3

Saiá꞉ner, noronhkéne enskewénhnaronhke; tsi nonhtahiorakwinekenhenhátie enkonhianithéntase nakerihwashónhas ne shonháke, tánon enkateráhrate ne tekarihwasehrákwen.

Psalms 63:4

Kwáh ká꞉ti tenkonhnonweratónhsehke tsi nikaríwes enkónnnheke; né nó꞉nen enkaterénhnaien enkanentʼtsakétsko.

Exodus 29:39

Tsi enietʼtsiiateskónhten ne teiotinakaronhtónʼa tenítsinn saiáta noronhkène tánon saiáata nokarasnéha.

Exodus 35:15

ne ietsienharáhkwa nahiontienkwahrónhniate tánon nahonawahatasónhas; ne iontatiatokástha kènhie; ne kaienkwahrákon; ne wataʼharaʼnihiontákwah tsi iehionhtawehiatákwah natóhsera;

Proverbs 15:8

Roiá꞉ner rotonhnháhere nó꞉nen tionkweʼtaié꞉ri ronaterén꞉naien, nok ráhswens ne thatíhas karihwiioseʼokón꞉ʼa ne rotirihwanéren.

Daniel 9:21

Tsi nikarí꞉wes wakaterénnaien, ne Kabriér, tsi niká꞉ien rí꞉ken ne tiotierénhton tewakatetshén꞉en, tontahatá꞉senhte tsi nón꞉we níkeskwe. Eʼtho shikahá꞉wi tsi nihotirenhaʼón꞉ne ne oʼkarahsnéha katshé꞉nen enkonwatsiaʼtátshaʼahte.

Malachi 1:11

Aseʼkénh kwáh tsi nentkarahkwínekenʼne tsi nienhskaráhkwenʼne tsi tshennowá꞉nen ne tsi ienakerénion ne ronnonhontsaʼkehró꞉nonʼs, tánon kwáh tsik nonwé꞉sonʼs tsi enieienʼkwarotónnion nakhsèn꞉nakon, aseʼkènh nakhsèn꞉na tsi kahsennowá꞉nen í꞉ken ne tsi ratinakerénionʼs ne ronnonhontsaʼkehró꞉nonʼs, Rá꞉ton ne Sakoiá꞉ner ne ratironhiaʼkehró꞉nonʼs.

Numbers 16:35

Ethòne ne Roiá꞉ner ótsire tahaténiete wakatsiróten tánon wahakotiatáʼtsahate ne 250 niháti ne iehonatkáwen ne kanetanó꞉ron.

Acts 3:1

Énskat wenniseráteʼkwe Tiér tánon ne Sán Ononsatokenʼtí꞉ke niahá꞉ne ásen sihiowistáhe ne iothohetsthonʼnéntie, tsi nikaháwi ronterénʼnaiens.

1 Timothy 2:8

Kwáh tsi nihioriwáhke nononsatokentíke enhionterénnaien tewahkatonwentió꞉ni ne ronnónkwe nahonterénnaien, ronnónkwe neh꞉ne rotirihwatóken tsi nòkwa ne Ní꞉io tánon ahatikwéni nahonnenstiakétsko nen honterénnaien ne tóhsa ahotinakwenʼénhake tóhsa ó꞉ni tahotiriwahkéhnen.

Revelation 5:8

Ne nó꞉nen shiháhawe ne kahorohthakwenón꞉ni, ne kaié꞉ri nihá꞉ti ne ronón꞉nhe kárhios tánon ne tewáhsen nihá꞉ti ratirehtsá꞉rons wahatiiataién꞉taʼne raohénton ne teiotinaʼkaronhtón꞉ʼa, satiiatátions ratí꞉hawe ne onhowakó꞉wa tánon nowistanó꞉rons aké꞉ra titkáhereh wenhnekerá꞉kon, né꞉ne raonaterén꞉naient ne rotiiatatokéntis.