Psalms 14:2 - Ohiatonhseratokénti

² Né Roiá꞉ner karonhiáke nón꞉we tethesakokánere nonkweshón꞉ha ne nahatkátho tó꞉ka kén ónhkak nahiontenikonratʼtókhake tánon ronwahiatísaks ne Rawenni꞉io.

Psalms 14:2 ပူးပေါင်းရင်းမြစ်များ

Genesis 11:5

Eʼthó꞉ne ne Roiá꞉ner wahén꞉ron tahátsnenhte tahatkenʼsé꞉ra ne kanatowá꞉nen tánon ó꞉ni ne ronateʼnikahtíson, ne ronón꞉kwe rotíhson.

Genesis 18:21

Kwáh kíʼ ienkátsnenhte nakatkenʼsé꞉ra tó꞉ka kenh tsi niwakerihwahrón꞉ken tsi nikonwatirihwáhrhohs tó꞉ka kenh tó꞉kenhske í꞉ken khéhs ne iáh.”

Genesis 6:12

Tanon ne Rawenni꞉io waʼhatkáhtho ne tsi ionhwentsà꞉te tánon wahatkáhtho, tsi niió꞉re tsi karihwahétken iaʼkotón꞉on nonkweʼshónʼa ratikwé꞉kon thó꞉non nihonnonhnhétie ne karihwaksèn꞉ke.

2 Chronicles 19:3

Ók éhʼtho kíʼ nenhʼné꞉e, osthónha ká꞉ien ne ioiánere ne sonháke. Akwé꞉kon éhren skahawithánion tsi kaiatarónh꞉nions ne kaní꞉io Asherah tsi né konhwasennaientákwahkwe nonhkweʼshón꞉as, tánon ní꞉se wasatheniénhten né꞉ne ahtié꞉re nahonthatienikonhraiérite ne Rawenni꞉io.”

2 Chronicles 30:19

O Saiá꞉ner, né Sheʼní꞉iokwe nonhkwahsoktseraʼokonhkénʼen, né tsi nitisarihwaʼiéri sasheʼnikónhrens tsi nihiákon ne ieshasénhnaiens né roneriahsakwékon ronská꞉neks nahontaiesanikonhraiérihte, iawerohatiénhak tsi iáh arèko teshoʼnatiathokewenh.”

Job Tánon ne Raoronhiakensera 15:14

Nahó꞉ten nenhnè꞉e ne ónhkwe, nahatikwé꞉ni ahonatkwenienstónhake? Khés ne iónkwe iakonakerátston, nahatikwé꞉ni nahotiianéreke?

Psalms 107:43

Aiáwenhs tsi nihiákon ne iontenikonhratʼtókha ahionhnonthonniónhko kí naorihothénhsons, aiáwenhs ne ahonhnontónhnionwe ne Roiá꞉ner raonoronhkwáhtshera ne iorihwaʼtóken.

Psalms 11:4

Ne Roiá꞉ner rénhteron ne raononsatokentiʼkówane; ne Roiá꞉ner raonitskwáhra karonhiáke tkáien. Kwáh teshakokarenháwis, tánon né rakárake sakokenhenhiónhnions nonkweshón꞉ha.

Psalms 69:32

Ánion ne ionhthateronhiakéntha iontʼkátho tánon ionhthonnáren; í꞉se ne tsi sewaʼhiatísaks ne Rawenni꞉io, sasehwaʼnikonhranírah.

Psalms 82:5

Iáh teonatʼthokhatseráien iáh ó꞉ni teotinikonhraiéntas, thóh nón꞉we nihonathaíhtake ne iáh tetkarihwaiéri; iáh teionerákwat ne tsitʼkenskwáhere ne tsi ionwenhtsáte tsi iahówats.

Psalms 92:6

Nek khók ne teiakotenonwaʼroríhtonhte iáh taiekwéni nahiakonikonhraiéntaʼne, ne tiakotónhnokte iáh taiekwéni nahiakonikonraiéntaʼne kí꞉ken:

Proverbs 2:9

Tókaʼ enhskwatahónhsatate, ensaterién꞉taraʼne nahò꞉ten tkaié꞉ri shaʼténhshiere tánon ne tkarihwaié꞉ri. Ensaterién꞉taraʼne tsi nénhshiere.

Proverbs 8:5

Áreʼkok kenh tshiekaié꞉ri tsi nisateʼnikonhríson? Satéweienhst ahsateʼnikonhrísa. Tesatenonhwarorí꞉tonte kenh? Satéweienhst ne aiesaʼnikón꞉rote.

Proverbs 9:16

“Tasewatáweiaʼt, tsón꞉kwe ne iáh tekarihonnién꞉ni!” Ók wakèn꞉ron, kí꞉ken sewanonhwaró꞉ri,

Proverbs 9:4

“Tasewatáweiaʼt ne iáh tesewattókha tánon ne sewanonhwaró꞉ri!” Tánon waʼí꞉ron,

Isaiah 27:11

Né nó꞉nenh ne kanhá꞉hatakwení꞉io iostatʼtenhén, tekaiá꞉khons; konhnón꞉kwe entkonhne ne enkontʼtsenhonhniate. Asèken né kí ken nonkweokons né iah tehotiien nahotinikonraientane; ne neʼtho í꞉ken tsi niká꞉ien ne sakohiatison iah tahontahó꞉tenonwák꞉then, né sakohiatonhnianion kwáh iah thá꞉sakawehnesthen natatithenhron.

Isaiah 55:6

Tsiaʼtísak ne Roiá꞉ner tsík sénhak shé꞉kon ahonwahiaʼtatʼtshénhri, iaʼtienáton tsík sénhak shé꞉kon ákta í꞉res;

Isaiah 63:15

Eʼtàke tasatʼkátho né tsi nón꞉we teshí꞉teron ne karonhiáke tánon satʼkátho, thóh nón꞉we nahontáʼwe tsi niʼiotokénti tánon né kaiatanerakwáhtshera í꞉ken né tsi teshí꞉teron. Kaʼní꞉wes ne sanoronhkwáhtshera tánon ne sashatsʼténhsera? Né naoskanéktshera ne seríhaʼne tánon ne sáwenk senhtenhrátshera? Iáh akonháke thetewé꞉tha.

Isaiah 64:1

Ó nètho ní꞉se kwáh ensehrá꞉tion tsi karonhiá꞉te tánon enteshátsʼnenhte, né káti ne tsi iononténions kwáh enhiówaʼke tsi èhʼtho íhses—

Isaiah 8:19

Nón꞉wa tó꞉ka nonkweshón꞉has eniesénhase, “Wáhs ne seiateniénten ne sakonatʼthonserátkenhse tánon ne sakotinikonrí꞉sak ne ronenheiónserons; iáh kéhn tehiówenk nonkweshónhas néh asakotinikonrík꞉sake né raʼotihiatonhnishón꞉ʼahs, ne ne ronenhé꞉ions ne raotirihwáke ne ronónnhe,

Jeremiah 4:22

Ne Roiá꞉ner ráton, “Nakonhkwethashón꞉as kwáh thoʼnahthónnokʼthe; iáh tehiontientéri. Thóh nihonnonhnótens tsi ní꞉ioht ne tehonahtenonhwahroríhthonʼte ratiksahokónhas; iáh tehotíhien nahothinikonhrahiéntahʼne. Tsi nihathiwéienhte ne kariwahétken tsi nahóntiereh, ók thóh thinórons tsi nahóntiereh ne ioiánereh.”

Jeremiah 5:1

Jerusalemró꞉nons tsi tekanathokánions ne sehwanáhthakons niasehwatátke! Tesehwatʼkahthónnionf! Sehwatátʼken! Sehwésak ne tsi iontkeronthákwahs! Ahisehwahkwéni ken ne tionkwétha aiétʼtsi hiatatsénhri né tkarihwahiéri tsi nahiontiérahke tánon ahiontheniénthake nahiakorihwathokénhake tsi nòkwa ne Ní꞉io? To꞉ka ensehwahkwéni, ne Roiá꞉ner kwáh ensehshakonikónhrense ne Jerusalem.

Lamentations 3:50

Tsi nióre ne Roiá꞉ner Karonhiáke non entatʼkátho tánon ensonkwáken.

Daniel 12:10

Iakotiohkowá꞉nen ensehshakoʼnikonhrahserón꞉ni. Tsi nihá꞉ti ne rotirihwané꞉ren iáh thahotiʼnikonhraién꞉taʼne nok ienhontahshónteren ne raotirihwanerenʼaktsherá꞉kon; né khók ne ronteʼnikonhrattókha enhotiʼnikonhraién꞉taʼne.

Matthew 13:15

Aseken iotokoton tsi roneriasaniron nekenh rononȣentsiate; iohniron tsi tehonhontakaronte, tehonatateronȣekon oni: Ratitsanis ne ratikarake aontkathote, nok tsi tehonhontakaronte ahonronkate, nok raoneriane ahotinikonraientastakȣe, nok iah taonsaontatreȣatane, iah oni nii taonsakhetsientane.

Romans 3:11

iáh ónhka teiakonikonraiéntas, ónhka ó꞉ni ronwasénʼnaiens ne Rawenni꞉io.

Hebrews 11:6

Kwáh iáh ónhka taiekwéni nahontahonwahnikonrahiérithe ne Rawenni꞉io tokà꞉iah tekáien ne tewetákwenh, asèken ónhka Rawenní꞉ioʼke nienhén꞉ien ónenk tsi enhiakoiéntake ne tewehtákwenh ne Rawenni꞉io tsi rónnhe ó꞉ni teshakorihwahserahkwénhnis nónka ronhiaiathí꞉shaks.