Psalms 139:18 - Ohiatonhseratokénti

¹⁸ Wakateniénthen nakásheʼte—sénha ne iawetowánen tsi ní꞉ioht tsi tekatsinetaró꞉tharons nonesarónhkwa; Nónenh énstie, sehé꞉kon kíʼ nitinikwékon.

Psalms 139:18 ပူးပေါင်းရင်းမြစ်များ

Psalms 139:3

Tát꞉kens; tohkàken watsióte khés wahkatoríhsen; akwékon sateriéntares tsi nikeweienhnótens.

Psalms 17:15

Ók ní꞉i, sewaká꞉teriwakwahtakwèn꞉ni kwáh enkòn꞉konhsá꞉ken; nó꞉nen enhstie, kwáh enwakerientí꞉io ne tsi kén꞉ʼen í꞉ses.

Psalms 3:5

Waʼkatiatiónhnite tánon onhkítawe; shé꞉kon sáhtie, asèken Roiá꞉ner ne takénes.

Psalms 40:12

Né karihwahetkénsera waʼtewakatiatháton kwáh í꞉ken tsi iawetowáʼnenh í꞉ken; Nakerihwaʼnerahák꞉tsheras onknónterane, tánon iáh tetkwénies nahonsatkénhake; sénha né iawetowánenh tsi níkon waʼkenonkwiseró꞉te, tánon kanikonhróktha.

Psalms 40:5

Wé꞉so iorihwáke tsi niskwahtseráse, Ó Saiá꞉ner onhkaʼNí꞉io, iáh ónhka nahonsaiesaiérenhke! Wé꞉so ne iorihwanerakwahténions tsi nisatenikonhrónh꞉ni nonkwarihwáʼke. Iáh nonwénhton tatkwéni nakwékon akatróri, né꞉ne tsi niiawetowánen iáh ónhka taiekwéni nahiónhsehte.

Psalms 40:6

Karihwiʼiosehokónhas tánon ne thènenh aiesatátʼtie iáh né thaʼtesatonhontsóni, iáh ne tesehrihwaʼnónhtons ne katʼtshénen kaiatakwékon akonwaʼtsatát꞉tsahate ne ietsienhará꞉kwahke khés ne karihwiʼiosehokónhas né éhʼren ahonsakahá꞉wite ne karihwáʼneren. Khèkhok, teskahontakarónhtons né nakonhiatón꞉tene,

Isaiah 26:19

Ne iesenhé꞉iaseh kwáh kíʼ entionhthonʼnhete, ne raoʼnonheióntas kwáh kíʼ tentewatʼkétsko. Ó nokenhràke sewaná꞉kere, sewá꞉ie tánon tesewarí꞉wak natsenhnonhniátshera! Asèken ne sahaweiásera kwáh teiostarát꞉te tsi iohá꞉weien, tánon ne tsi ionwenhtsá꞉te kwáh entsaʼkahónnhete ne wahónhnise tsi ná꞉he thonenʼhéion.

Daniel 12:2

Ronatiohkowá꞉nen ne ó꞉nen ronenhé꞉ion shé꞉kon enshontónnhete: ó꞉tiaʼke tsi nén꞉we enhonatonnhárake, ó꞉tiaʼke tsi né nén꞉we enhonatehénʼen.

1 Thessalonians 5:10

shonkwenhéiase ehnahontáwe nontiérenk ahónton ne skát꞉ke aitiónnheke ne rahónha, tohkàken entiónnheke thó꞉kas ó꞉ni enhionkwenhéion nónen téntre.