Psalms 138:2 - Ohiatonhseratokénti

² Wakʼkatʼtsákete ahohénton ne Sanonsatokentiʼkówa tánon watkatenonhweráton ne sahsénhna né tsi niʼiorihwatóken ne sanoronhkwáhtsera tánon ne sarihwaʼtokentítsheras; asèken satʼtsenhnakaratáton ó꞉ni ne sawénhna orihwakwékon éhʼneken í꞉ken.

Psalms 138:2 ပူးပေါင်းရင်းမြစ်များ

1 Kings 8:15

Wahénron, “Tehonwanonhweráton ne Roiá꞉ner Sakoní꞉io Nisraerʼró꞉nonhke! Rotienawáston tsi nihorahratsʼténhni ne rakenikénhen Táwit, nó꞉nen sahoróri,

1 Kings 8:20

“Tánon ónenh kíʼ ne Roiá꞉ner rotienawáston tsi nihorahrátston. Í꞉i teshiʼnatʼthakwénhni ne rakeʼníha tsi rononhtí꞉ioʼkwe ne Israerʼró꞉nonke, tánon kíʼ wakenonhsónhni nononsatokentiʼkówa nahonwasenhnaienthákwahke ne Roiá꞉ner Sakoní꞉io Nisraerrónonke.

1 Kings 8:24

Shatienawáston tsi nitsiarahratsʼténhni ne rakeʼníha Táwit: ónhwa wenhniseráte kwáh tsi niaʼtekawénhnake tsi ionanónhon.

Psalms 115:1

Iáh nontionháke, Ó Saiá꞉ner, iáh nontionháke, ók sahsénhna táhson ne kaiatanerakwáhtshera, asèken ne aorihónhniat ne sáwenk iorihwaʼtóken kanoronhkwáhtshera tánon ne sarihwaʼtokentítshera.

Psalms 28:2

Saʼthón꞉tek tsi niwaʼkewénhte tekaséntʼthos tsi niwaʼkanithénton, ne tsi iatekaséntʼthos ne shonháke nastiénawaʼse, tsi enkanenhtiakétsko tsi wakaterénhnaien thóh niewaʼkatieráton ne tsi nón꞉we ne kwáh tsiotokénti ne Sanonsatokentiʼkówa.

Psalms 5:7

Ók Ní꞉i ne tsi nikanánon ne kwáh iorihwató꞉ken sanoronhkwáhtshera, ienkatáwehiate ne sanonshatokentikówane, kwáh tenkatiákete ohénton ne iotokénti sanonsatokentiʼkówa tsi nenkonsénhnaien ne tsi kontsánis.

Psalms 5:8

Tatkéntens, Saiá꞉ner, né꞉ne sarihwakwahrihʼshiontsherákon tsioríhwa tsi niháti rontírare nahionkenenhrénten; stakwahríhsi ne tsi saháte nakerihwáke.

Psalms 56:10

Rawenniʼióke, né꞉ne raowenhnaókons tekenonwerátons.

Psalms 56:4

Rawenniʼióke, né꞉ne raowenhnaókons tekenonwerátons, Rawenniʼióke nón꞉we nitewakethákwen iáh kíʼ tewák꞉terons; onhnahóten aiekwéni ne ónhkwek khók í꞉ken ne thènen nahiontieráse?

Psalms 85:10

Né iorihwaʼtó꞉ken kanoronkwáhtshera tánon ne orihwiʼiohónwe skát꞉ne ienhtsáton; né karihwaʼkwahrihshón꞉tshera tánon ne skénnon kwáh kíʼ thentsatatséna.

Psalms 86:15

Ók í꞉se, Ó Sewenní꞉io, né꞉ne sanithenráts꞉kon tánon thiʼsarihwaiéri, iáh tesenakwastó꞉re tánon titkahé꞉re ne iorihwaʼtó꞉ken kanoronkwáhtshera tánon karihwaʼtokentítshera.

Psalms 99:5

Tsi sewaʼsenhnakarátat ne Roiá꞉ner nonkwaNí꞉io í꞉ken; thóh tsisewaʼsénhnaien ákta tsi káien ne teharasitarákwah. Rohiataʼtokénti séh í꞉ken!

Psalms 99:9

Tsi sewaʼsenhnó꞉wanat ne Roiá꞉ner onhkwaNí꞉io, tánon thóh nón꞉we iatsisewaʼsénhnaien ne raonontatokentíʼke; asèken ne Roiá꞉ner onhkwaNí꞉io roiatatokénti í꞉ken.

Isaiah 42:21

Né Roiá꞉ner rawerienhtí꞉ios, asèken né aorihwàke ne raoʼrihwakwahrihshióntsheras, né nahakówanate ne raorihonhnienhnítsera tánon ne enrónhniaʼte nahiorihwanerakwáhtonke.

Isaiah 63:7

Kwáh enskatʼró꞉ri tsi niʼkanoronhkwahtsenhrénhaʼwe ne raoʼhioténhseras ne Roiá꞉ner, tehiotonhontsóhon ne tahiontenonweráton tsi nihó꞉ienhre ne Roiá꞉ner, tsioríh꞉wa né norihwaʼkwékon nètho Roiá꞉ner tsi nishonʼkwahtiéraʼse, tánon né teiotenonʼianíton wahatenóronste tsi kanónshoʼte ne Israerʼronónke né tsi nisakonatón꞉ni né tsoianénha né raoʼtaniténhrat, né tsoianénha né iaʼwetatsáni né iorihwatóken raonoronkwáhtshera.

Daniel 6:10

Ó꞉nen káti shahotókenhse ne Daniel ne ronnontí꞉io tsi rotatshén꞉nare ne kaianerénhsera ne kiʼk shá꞉ka ionsaharáthen tsi thanonhwéhtstha nionsáre, tánon ne ionahstonhkwakáronte kwáh teiotitokénhton ne Jerusalem. Eʼtho nón꞉we, tió꞉konte tsi nihaiérhakwe, tenhatentshó꞉ten onahstonhkwákta ó꞉ni ienhaterénnaien ne Rawenniió꞉ke, né ne áhsen nienká꞉iente ne sewenhnísera.

Matthew 24:35

Karonhia Onȣentsia entiatohestste, kenh kaien nakeȣenna iah neneh nonȣenton tiiaontohestste.

Matthew 5:18

Aseken kȣarori, ohenton naonsontonȣentsiarisi, iahtekonte tsi ienkaierite tsinikaiaton akȣa ok oni eh niiaȣensere.

John 1:17

Aseken ne kaianerensera Moïs roson; nok kenhkaien natanitenron oni ne kariȣakȣarisionsera, Iesos Keristos nehneh rahaȣine.

John 10:35

Toka kati nonȣa Niio iakohnatonkȣen tsiniiakon iontataronkatenni ne Niio raoȣenna (iahse sane teseȣateȣatane tsini kaiaton).