Psalms 136:1 - Ohiatonhseratokénti

¹ Ó tetsisewanonweráton ne Roiá꞉ner, asèken tsi nitorihwaiéri, asèken ne iorihwatóken raonoronhkwáhtshera tsi nénhwe enkátake.

Psalms 136:1 ပူးပေါင်းရင်းမြစ်များ

1 Chronicles 16:34

Ó tetsisewaʼnonweráton ne Roiá꞉ner, asèken thorihwaʼiéri; ne iorihwaʼtóken raonoronhkwáhtshera kwáh tsi nénhwe enkénhake!

1 Chronicles 16:41

Né skát꞉ke rónhneskwe né꞉ne Heman tánon ne Jeduthun tánon ne ronátiakes ne kwáh ronhwatiʼiataráhkwen ne tahonwarihwáʼkwahse ne Roiá꞉ner tsi nihionhneónhwe ne raononronkwáhtsera.

2 Chronicles 20:21

Nó꞉nen sahatiʼtienhaienhtháko nonhkweʼshón꞉as, né ronnontí꞉io washakónhaʼne né ronhtierón꞉niat ne wakóhses rónstha nó꞉nen wenhtanó꞉rons tánon ratinenhrahserónhni ohénton tsi rónhne ne ronhterí꞉ios, tahotirikwahkwenhátie: “Tehonwanonweráton ne Roiá꞉ner! Né raononhronkwáhtshera tsi nénhwen enkénhake!”

2 Chronicles 7:3

Nó꞉nen nonhkweʼshón꞉as Nisraeʼró꞉nonke sahontkátho nótsire tsi karonhiáke nonhtáwe tánon ne kaswatʼthétshera tsi ne wakanonhsí꞉ne Nononsatokentiʼkówaʼne, kwáh tsahatikonshó꞉taʼne tsi wahatihiatiénenhne ne tsi kenstenhrakwénhtaron, ronhwasénhnaiens ne Ní꞉io tánon tehonwanonhwerátons tsi nithorihwaiéri ó꞉ni tsi nénhwe enkátake ne raononronhkwáhtsera.

2 Chronicles 7:6

Né ratitsihénstatsis thoʼnónwe nihatíthakwe tsi kíʼ nón꞉we nihonwatihnaktarakwénhni, tánon ne tehontatkonhsakánere ne Leviró꞉nons, tehonwanonhweratónhnions ne Roiá꞉ner tsi nihonaterenhnó꞉tons ne ionterenhnothakwahsónhas nètho Ronnontí꞉io Táwit totʼkáwenh tánon tehotirihwakwáhnion, “Né raononhronhkwáhtshera né꞉ne tsi nénhwe enkénhake!” né tsi nishakonáhon ne Táwit. Né ratitsihénstatsis wahatihonhráwaʼte tsi náhe nonhkweʼshón꞉as thóh iéthaʼkwe.

Ezra 3:11

Wathonwarihwá꞉kwahse ne Roiá꞉ner, tethonthasháf꞉fa ne iorenhnawénhthe: “Ne Roiá꞉ner tsi nithorihwaié꞉ri, tánon ne rahononhronhkwáhtshera tsi nokwáh ne Israerʼró꞉nons né꞉ne tsi nén꞉we enkénhake.” Onhkweʼtakwé꞉kon tsi nihatiwénhna tsi wathotihénrethe, tehonwanonhweriónhnions ne Roiá꞉ner, tiorì꞉wa ne tsitkenskwáhere Nononhsatokentihkó꞉wa tsi thontháshawen.

Psalms 100:5

Ne Roiá꞉ner roʼtennithenrátskon; ne ioriwaʼtóken raonoronkwátsera kwáh tsi nénhwe tsi thenkawisátsteʼke, tánon tsi waʼhatiwatsiratátse ne raoriwaʼtokentítsera tsi nénhwe enkátake.

Psalms 103:17

Ók kíʼ ne iorihwaʼtóken raonoronhkwáhtsera ne Roiá꞉ner né꞉nenhné꞉e tsi nénhwe enkénhake thóh nón꞉we nenhkaiénhthake né꞉ne tsi nihiákon ne ronhwarihwakweʼniénstha, tánon ne raorihwaʼkwarihshón꞉tshera kwáh kíʼ enkátake tsi waʼhatinekwenhsátatse ne ratiksaʼokónhas,

Psalms 105:1

Ó tetsisewaʼnonweráton ne Roiá꞉ner, tsi sewaʼsénhnaien, ietʼtsirorhiánion nonhkweshón꞉ha ne raoioténhseras.

Psalms 106:1

Tehonwaʼnonweráton ne Roiá꞉ner! Ó tetsisewaʼnonwerá꞉ton ne Roiá꞉ner, asèken ne tsi nithorihwaʼiéri; asèken ne iorihwaʼthó꞉ken raononronhkwáhtshera tsi nénhwe enkátake.

Psalms 107:1

Ó tetsisewaʼnonweráton ne Roiá꞉ner né tsi nithoriwaʼiéri; asèken né ioriwaʼtóken raonoronkwáhtshera tsi né nénhwe tsi thenkawisasteke.

Psalms 118:1

Ó tetsisewaʼnonweráton ne Roiá꞉ner, asèken thorihwaʼiéri; ne iorihwaʼtóken raonoronhkwáhtshera kwáh tsi nénhwe enkénhake!

Psalms 119:68

Tsi nisahiá꞉neren tsi nitisarihwaiéri! Takerihónhnien ne sahtsiawenhráhtseras.

Jeremiah 33:11

tsi nihiotʼtsaróhkwen nahthonnharáhtshera ó꞉ni nahtsennonhnhátshera ó꞉ni tsi nihiakotʼtsennónhni tsi nihioronkwénsthaʼre ne iakohthénnioʼthe. Ensehwahthónthene nonhkweshón꞉a tehiarorihwáhkwen tsi nenhtiéhaʼwe niaʼtekonhsónhas ne kanonhwehrahtóntshera nakenonhshaʼthokentíhke; kwáh enhonníron, ‘Thetsisehwahnonhwehráthon ne Roiá꞉ner Roshastsʼtenserowáhnen, tsioríhwa tsi nihohiánereh ó꞉ni ne rahononhronkwáhtshera tsi nénhwe tsi enkáhthake.’ Kwáh enstiánerasthe kíʼ kénʼen ionwénhtsiaien ne ne kwáh tsi nitsiothónʼne. Í꞉i, ne Watiá꞉ner wakatáti.”

Luke 1:50

Nok ne Raotanitenrasera enȣatatie tsi nenȣe enhieȣatsiratatie ne ronȣatsanise.

Jude 1:21

tánon thónon nasewataténronk rahononronkwatsherákon ne Rawenni꞉io, tsi entsisewaterárate ne Sonkwaiáner Ié꞉sos Kerístos ne rahotenrahtserákon nahontáhion ne ionnheónwe atónnhets.