Psalms 135:11 - Ohiatonhseratokénti

¹¹ Sihon, né sakononhtí꞉iokwe ne Amorʼró꞉nons, tánon ne Og, né꞉ne ronhnontí꞉iokwe ne Bashan nón꞉we, tánon tsi nikanakerásehra ne Canaan—

Psalms 135:11 ပူးပေါင်းရင်းမြစ်များ

Nehemiah 9:22

Tánon ní꞉se thashé꞉ion ne kanakeráhseras tánon nonkweshón꞉as, tánon thóh wateshehiaré꞉niate kwáh tsi niió꞉re ne tehiotenontahwenhétkons. Tánon wahontié꞉nawatste tsi iohontsá꞉iens ne Sihon tánon ne rahóntsas ne ronhnontí꞉io thóh nón꞉we Heshbon tánon ne tsi ionhontsá꞉ien ne Og, né꞉ne ronhnontí꞉io ne Bashan.

Deuteronomy 2:30

“Ók ki ne rononhtí꞉io Sihon iáh ne teshonkwariwá꞉wi nahiakwató꞉hetste ne raonakeraʼsehrá꞉kon. Ne Roiá꞉ner sewaní꞉io wahononhtsistaʼní꞉rate ó꞉ni wahaterihioseranonhwè꞉ne, ne káti nahónton nashakwaʼsén꞉ni tánon aiakwatiénawatste ne raonakeráhsera, tánon shé꞉kon ki nihionkwatienawáston.

Deuteronomy 29:7

Tánon nó꞉nen setewáh꞉we ne ken nón꞉we niwatená꞉taien, Ronhnonhtí꞉io Sihon né꞉ne Heshbon tánon ne Ronhnonhtí꞉io ne Og né꞉ne Bashan nón꞉we tahiaténhti nahitewaterí꞉io. Ók ki wahitisén꞉ni,

Joshua 24:12

Tsi niahisehwe, watekhehionniaritkon né nahónton nakhehiatinekenwe thí꞉ken tehotinonhtí꞉iotserake Amorʼró꞉nons. Tánon iáh ki i꞉se tesewashaststensera ó꞉ni ne sewateriiosthakwa thóh tehiotiieren.