Psalms 132:15 - Ohiatonhseratokénti

¹⁵ Kwáh enhiokwatstónhake tsi entierítʼtse tsi naʼtahiotonhontsoníhaʼke; kwáh enkheiéritʼtse ne kákhwa nahonkwetaʼshónhas ne rotiʼthenthénions.

Psalms 132:15 ပူးပေါင်းရင်းမြစ်များ

Psalms 107:9

Asèken sakoniatanawénhtha ne iakoniatátʼtens, tánon sakothaténhni ne iontonhkáriaks.

Psalms 147:14

Tatkáwas ne skénnon ne tsi sateristhatátse; né iathathéhni ne kwáh tkanatsí꞉ios.

Psalms 22:26

Né iakó꞉then kwáh thenhiontskáon tánon enhiakó꞉tane; tsi nihiákon ne ronwahiatísaks kwáh thenhonwaʼnonweráton ne Roiá꞉ner. Aiáwenhs ahitiónnheke tsi nénhwe enkénhake!

Psalms 36:8

Né rónhneks tsi niʼiawetowáhne ká꞉khwa tesakʼkáwas ne Sanonsatokentikó꞉wane, tánon ne senekanóntens tsi kaniataratátsie ne serientiʼiósta.

Psalms 37:19

Iáh tahóthen tahotinorónsten nó꞉nen enwáh꞉we ne tahiontkári, ne tewenhniserónhte natonhkarhiá꞉kon kwáh enhiotsénike tsi nenhothikwaiéntake.

Psalms 37:3

Tatʼtsetakwénhak ne Roiá꞉ner tánon kaiotensherí꞉io tsi shaióthen; tánon éhʼtho ensehnákereʼke ne tsi ionwentsáte tánon kwáh skénhnonk thenkénhake.

Exodus 23:25

Tó꞉ka enseksénhnaien, ne Watiá꞉ner Saní꞉io, Kwáh kíʼ ne enkonhiathaterísthaʼkwe ne kákhwa ó꞉ni nonékanos tánon akwékon èhren entkáwithe ne sannratarinétsheras.

Isaiah 33:16

né꞉ne kwáh éhʼneken nón꞉we nenhatinákereke; ne enhontaséhtaʼkwe né kwáh osténhra wathenhénrote; ne raothí꞉kwah kwáh kí entonhwanatkawenhníheke, ne raoʼtinékanos kwáh kí ronwanaratátstenhni.

Jeremiah 31:14

Ne enkhénonhthe ne rotikháres ne kwáh kakhwiʼiósons tánon enkheiéritʼtse akwékon tsi naʼtehonahthonwenhtsióni naʼkonhkwetaʼshón꞉a. Í꞉i, ne Watiá꞉ner, wakatáti.”

Haggai 1:6

Wé꞉so sewaienthóhsheron, tánon kenʼk ní꞉kon sewaienthó꞉kwen; tesewatská꞉hon, ók iáh kí nonhwén꞉ton tiatesewaié꞉rihse; sewanekirenháties nonenhará꞉keri, ók iáh nonhwén꞉ton tesewaniataná꞉wens; sewathatanawénston, ók iáh kí ónhka teiakohiaʼtarí꞉hens; tánon í꞉se ne sewanhá꞉tsheras tsi natesewathentiáhas kaiará꞉kon sewatáhas iohiarakà꞉ronhte nenhʼné꞉e.

Haggai 1:9

Wesewésake ne wé꞉so akénhake ók kenk nón꞉kon wesewaʼtshén꞉ri. Tsi nahotentontesewáhawe; i꞉se iahonká꞉ti. Nón꞉tieren? rá꞉ton ne Sakoiá꞉ner ne ratironhiaʼkehró꞉nons. Tiorì꞉wa nakenonsatokentikó꞉wa ehtà꞉ke káien iorihwenhtàhon, otsák ní꞉se sewakwé꞉kon iathetsisewatskén꞉ni tsi tisewahnonshó꞉ton nientsisewatátkhe.

Malachi 2:2

Tókaʼ iáh tesewatahonhsatáthe, Tókaʼ iáh tshiaesewá꞉ien ne sewerià꞉ne naesewaiaʼtanehrákwahte nakhsèn꞉na, rá꞉ton ne Sakoiá꞉ner ne ronterí꞉ios ratironhiaʼkehró꞉nonʼs, eʼthó꞉ne kiʼ ienkaténniehte ne kakaronniáhtsheraʼs ne tsonhá꞉ke tánon enkhétkenhte ne saiaʼtaterihtsheraʼs; kwáh í꞉ken tsi ó꞉nenk wakhetkénhton, tiorí꞉wa tsi iáh sewerià꞉ne tshiesewá꞉ien.

Matthew 5:6

Iakotaskat ne tkariȣaieri iontonkariakta oni iakoniatathata: aseken enhiontatatahten.

Luke 1:53

Sakotatenni ne iontonkariakskȣe; kententetserakon sesakotorion ne iakotsokoȣa-kenhne.

Deuteronomy 14:29

Ki kákhwas né꞉ne Levites raotirì꞉wake, ne tsi iáh thahó꞉ten tehotihientaʼtserá꞉ien, ó꞉ni ne thihononhontsá꞉tes, tehontonhnakárias, ó꞉ni ne ionateré꞉hons ne sewanatákons konhtì꞉teron. Enthatikóha kwáh tsi nahó꞉ten tehonatonhontsó꞉ni. Tóh ki naʼsewáier, tánon ne Roiá꞉ner sewaNí꞉io entsisewahiataté꞉riste kwáh tsi nensewatiére.