Psalms 126:3 - Ohiatonhseratokénti

³ Kwáh í꞉ken tsi iorihowánens tsi nishonkwatséraʼse, tánon wahakwahtonhnáren.

Psalms 126:3 ပူးပေါင်းရင်းမြစ်များ

Psalms 18:50

Rahónha noniká꞉ta í꞉ken ne kaiatakenhátshera raoriwá꞉ke ne raononhtí꞉io, tánon rawenéston ne ioriwató꞉ten kaʼnonronkwáhtshera rahonhá꞉ke ne rohiatará꞉kwen, rahonhá꞉ke ne Táwit ó꞉ni tsi nienhatwatsiríne ne tsi nénhwe enkénhake.

Psalms 31:19

Ó tsi nikananónkʼkons ne sáhwenk iohiáneres né꞉ne sehiateweienhtónhni kowánen kaiathateríhtsera tsi nihiákon ne teiesarénhsarons; tánon wé꞉so tsi nisehiatiérase tsi niʼiákon nʼisèke néntien nahiontásehte, né꞉ne kwáh onhkwetakwékon enhiontkátho!

Psalms 68:22

Né Roiá꞉ner waʼhenron, “Kwáh kíʼ thentekhehiathénhawe ne Bashan nón꞉we, kwáh kíʼ ensehkheskó꞉ko tsi nihotiskóhon ne kaniatarakhekó꞉wa,

Isaiah 25:9

Kwáh enwahʼtsá꞉tonke ne thóh entewennhniseráte, tiaʼtkátho, né kí꞉ken nónkwah Ní꞉io í꞉ken; asèken raón꞉ha ne tsi tewarhárekwe; ne káti ne raón꞉ha ahón꞉ton ashonkwanónsthaʼte. Né kí꞉ken ne Roiá꞉ner rahónha tsi tewarhárekwe; Ánion kíʼ tewatsenhnónhni tánon tewatonhnáren thóh raoʼiatakenahtsherákon.

Isaiah 66:14

Kwáh kí ensatʼkátho, tánon né serhiá꞉ne enwatonhnháren; né tsi tiónnhe kwáh kí enkaiánerasthe tsi ní꞉ioht nóhonte; tánon kí kwáh enhiakoteriénhtaraʼne né ratsanáke né Roiá꞉ner tsi ratikwé꞉kon né raonhá꞉tsheras, tánon thóh raoteriahtitkhontsherákon tsi sakókʼkonte né ronwáswenhs.

Joel 2:20

Kwáh é꞉ren ensehkhehiaʼtenhá꞉withe nothoreʼkeró꞉nons ronterí꞉ios ahinonhkó꞉wa enkénhake tsi nón꞉we ní꞉ses, tánon thóh iekheiató꞉ri tsi tsahonwenhtsiatʼthénhake tánon nahonhontsóskonk í꞉ken, Tsi niká꞉ien ne ohén꞉ton rónhnete enhontè꞉ko thóh nienhatitátke kaniatarakeʼkowá꞉ne ne tkarahkwí꞉neken nokwá꞉ti, tsi niká꞉ien ne onà꞉ken ronhnè꞉te thóh nokwá꞉ti nienhónhne kaniatarakheʼkowá꞉ne tsi iatawatʼtséntos nón꞉we; nahonsheratsénhtshera tánon ne wenhseráksens entewatharátate. Asè꞉ken ken tsi nihotierá꞉nion tsi nihiorihowá꞉nens!

Joel 2:21

Tó꞉sa satéron, okén꞉ra; satsenhnonhní꞉hak tánon satonhná꞉rak, asè꞉ken ne Roiá꞉ner tsi nenhatieránion kwáh kí eniorihowá꞉nenke!

Luke 1:46

Ethone onen nʼOnȣari ȣakenron: Rosennaien ne Raȣenniio nakenikonra;

Luke 1:49

Ne tsini hakiatanoronston ne Rosastenseroȣanen, nok Rosennatokentikoȣa.

Revelation 12:10

Eʼthò꞉ne onkathón꞉teʼne iowénhte thóh karonhiá꞉ke, watón꞉nions, “Ó꞉nen ón꞉we natesenhnié꞉tshera tánon ne kaʼshatsténhsera tánon ne raonhnontiiótshera nonkwáh Ní꞉io tánon ne raokweniátshera ne roiatarákwen Kerístos, asè꞉ken ne sakoriwá꞉ros nonkwatatekénhas ó꞉ni nonkwatenhoséntsheras tsi thonwaiathénton, raónha sakoriwá꞉roskwe tsi niwenhní꞉seres ó꞉ni tsi niwasón꞉tes raohén꞉ton ne Ní꞉io.