Psalms 125:2 - Ohiatonhseratokénti

² Né ionhnonhtarónhnions ne tehiokwahtaʼséhton Jerusalem, thóh ká꞉ti ní꞉ioht ne Roiá꞉ner tsi tesakokwahtaséhton ne rahonkwetaʼshón꞉has, kwáh kénhen iehiotásawe tánon tsi nénhwe enkénhake.

Psalms 125:2 ပူးပေါင်းရင်းမြစ်များ

2 Kings 6:17

Ethòne ó꞉nen wahaterénhnaien, “O Saiá꞉ner, tekskaʼkwahríhsi tánon tseríhon nahatkátho!” Né Roiá꞉ner watharihwaseráko ne rahoterénhnaient, tánon ne Elisha rahonhátsera wahatharakétsko tánon kíʼ wahatkátho ne tsi iononhthakárenhre né thiʼtsoróhron ne koshá꞉tens tánon notsónhkwahs ótsire í꞉ken akwékon ne tehokwahthaséton ne Elisha.

Psalms 121:8

Né Roiá꞉ner kwáh kí enhiaiatanónstate nó꞉nenh kénhen ienshaténhti tánon tsi nathentéseh kénʼen ienhwatásahwen tánon tsi nénhwe enkénhake.

Psalms 34:7

Ne raoronhiakerónon ne Roiá꞉ner thensakotsiatáton tsi nihiákon ne ronwaʼsénhnaiens, tánon sahkoniakéntha.

Isaiah 4:5

Eʼthó꞉ne ne Roiá꞉ner kwáh enhatenatónhni ne tsi iokwénhraʼre ne tsi Ionónhte ne Zion tánon ne tsi nónhwe nihiontʼkenhnisaáhkwah nenhonterénhnaien tenhiotsátahienʼke ne tsi niwenhníseres tánon enhiotsiokwahronhníhake ó꞉ni tsi nateioswát꞉te notónkwah ne ótsire nokarasnéha. Kwáh kí akwékon ne kaiatanerakwáhtshera kwáh enwatoseróhronhke.

Lamentations 4:12

Akwáh iáh ónka neh akʼthéson nontathikorhásons ó꞉ni tkanakeraserakérons, tethonethákwen nónka ahsakonénrente nahakwéni iahatáweiate tsi iotenhenrentónʼnions ne Jerusalem.

Zechariah 2:5

Ne Roiá꞉ner rorahrátston raónha ne tekensténrote nótsire neh tekanhathanákton nahonthashá꞉kohne tánon thóh nón꞉we nenhenterónthake skatʼke ne rahohiathanerahkwátshera.”

Deuteronomy 33:27

Ne Rawenni꞉io kwáh tsi tió꞉konhte raónha thiá꞉nes; ne ionheón꞉we ranenhtià꞉kes ne tiahánes. Washakotekwáhthe ne ieshá꞉sons tsi niahí꞉sewe, tánon watsisewahró꞉ri ne ratikwé꞉kon aieʼtsihiatónhthe.