Psalms 124:4 - Ohiatonhseratokénti

⁴ eʼthó꞉hʼne ne ioná꞉wate iahionkwahiaténha, ne ionekashástste ahontahionkwahróhronʼke;

Psalms 124:4 ပူးပေါင်းရင်းမြစ်များ

Job Tánon ne Raoronhiakensera 22:11

khés ne tetiò꞉karas ne iáh taskwé꞉ni ahonshasatkátho; ne iawenó꞉ton tesharóhroke.

Psalms 144:7

Thontasanéntʼtsest ne éhʼneken nahontáwe; saskatatewenhniʼióseron tánon saskeniákent tsi nòkwah ne ionekattsáni, tsi nòkwah ne tehononhontsátes.

Psalms 18:4

Nahosehrí꞉ie ne kenhé꞉ion tewakwáhnen; tsi nihionontakwahronhtónhtses ne karihwaiesáhtshera tonkatiatónh꞉ti;

Psalms 18:5

nahosehríhie ne Sheol onknerénkthon; tsi nihioterísthaien ne kenʼhé꞉ion onhkenenhrót꞉thase.

Psalms 32:6

Éhʼtho Ká꞉ti kwáh rahtikwékon ne rotirihwahtóʼken shonháke iehonterénhnaien; nó꞉nen thén꞉ne teonahtón꞉hontsoni, né nó꞉nenh ionekát꞉tsani entewe iáh tiatahʼiakohiatónhko.

Psalms 42:8

Aiáwenhs tsi niwenhnísehres ne Roiá꞉ner ahakeʼnatónhase ne iorihwaʼtó꞉ken raonoronkwáhtshera, tánon nokarasnéha thenhirihwáʼkwahse, ienkaterénhnaien rahonháke ne Rawenni꞉io rahónha takáwís tsi kónnhe.

Psalms 69:15

Tó꞉sa seríhon ne tsi ionontakwahronhtónhtses nahontonhkeróhroʼke, khés tsi nihionó꞉tes nahonkeskó꞉te, khés ne tsi iotʼtsiónwaien ne kenhé꞉ion nón꞉we iatsiátenhne.

Psalms 69:2

Onawatstókon iahontiathenhenhátie, tánon iáh tewáʼtons nahionhontsanirónhake kaʼnón꞉we iakeráhtaʼne; Thóh nón꞉we níkes tsi nón꞉we nihionó꞉tes, tánon ne ionontakwaronhtontses skanórons ahonkéskote.

Isaiah 28:2

Satkátho, ne Roiá꞉ner rahonkwe:taien saiá꞉ta ónkak ne tehotenonhiaʼníton tánon rashátste; kwáh né꞉ne teioweratáse tánon iowisónhtion, iakotónhtha kawerowánen, kwáh tsi ní꞉ioht ne kawerashátsʼte, tsi niwatnekawenhrátʼthons; ratsanàke énratste kwáh tsi onwenhtsàke enhshakohiatón꞉ti.

Isaiah 59:19

Káti tsi nihiá꞉kon né tsi iatewatshéntos nókwahti iakoʼtohetstákwen tsi enhieʼkweniénstake ne raosénhna ne Roiá꞉ner, tánon tsi nihiá꞉kon ne tsitʼkarakwínekens iakoʼtohetstákwen né nenhʼné꞉e enhiekweniénstake ne raoʼiatanerakwáhtshera; asèken thóh ní꞉ioht tsi éntre tsi ní꞉ioht ne iawenhó꞉tonhtse né꞉ne raonhniséhra ne Roiá꞉ner iorehátie.

Daniel 9:26

Ne nó꞉nen ienwatókten enhonwário ne Rawenni꞉io raonkwé꞉ta ne kwáh iáh thé꞉nen thahonhí꞉kon. Ne kanatowá꞉nen ó꞉ni ne ionterennaientáhkhwa tenkaríhton ne tsi enhshakonenhrénhten tsi niká꞉ien ne Rawenni꞉io roiatarákwen nákte non nithawé꞉non ne kwáh roʼshatstenhserowá꞉nen rakó꞉ra. Ne tsi ienwatókten eʼtho neniá꞉wenʼne tsi ní꞉ioht nawenhnó꞉ton, tsi enwaterí꞉ioke ó꞉ni ne karihwaiesátshera tsi eʼtho ní꞉ioht tsi rokwatákwen ne Rawenni꞉io.

Revelation 17:1

Eʼthò꞉ne saiá꞉ta ne raronhiakeró꞉non tsi niká꞉ien rahá꞉we ne tsá꞉ta nikatsetá꞉ke ákta nontá꞉re tánon wahakénhase, “Káts, enkonhnatónhase tsi ní꞉iot tsi enkonwariwénhte ne kashennhówane wathokótha, ne né꞉tho kanatowá꞉nens tsi niká꞉ien ne kaniataraktontses kanatón꞉nianions,

Revelation 17:15

Tánon wahakénhase, “Nonekános ne wasatkáto, tsi nón꞉we ne wathokótha nikenskó꞉te, onkweʼó꞉kons iakó꞉ton tánon kanenhrowá꞉nenh tánon ne iakahontsakeró꞉nons ó꞉ni naronhkhá꞉tsheras.