Psalms 124:1 - Ohiatonhseratokénti

¹ Onh né nahiáwenhne tó꞉ka ne Roiá꞉ner iáh onhtionháke nokwáti thahontahorihwarékwen? Tesehrihwaseráko, Ó Israel!

Psalms 124:1 ပူးပေါင်းရင်းမြစ်များ

Genesis 31:42

Tóka sí꞉ken ne Raoní꞉io ne rakeʼníha, ne Raoní꞉io ne Abraham ó꞉ni ne Rawenni꞉io nétho Isaac rotshá꞉niskwe, ne iáh í꞉i thaontahakerí꞉wawaʼse, orihwíioʼón꞉we nón꞉wa tsi akwahtsaʼnóskon tsi aonsahskwateʼkwáhton. Rawenni꞉io wahatkáhtho tsi naʼtewakaʼnikónhrahre ó꞉ni tsi niiohní꞉ron tsi niwatioʼtén꞉en, tánon ne shioʼkaráhsha wahiarihwènhthahse.”

Psalms 120:1

Nónen satewahkanikónhrahre, iahináton ne Roiá꞉ner, tánon kí wahthakerihwaserákwahse.

Psalms 121:1

Iatʼkatkáneren ne tsi tsiononhtarónhnions, thóh nónh꞉we natsiatakenátshera nénhteʼwe?

Psalms 122:1

Tsi nakatʼtsenhnónhni sahontkónkahron, “Thóh iehiákwe Raononsatokentiʼkówahne ne Roiá꞉ner.”

Psalms 123:1

Saiá꞉ner shonháke nón꞉we iakaterénhnaien, Ó í꞉se ne karonhiáke nón꞉we nishístʼkote ne sanitskwahráne!

Psalms 125:1

Tsi niʼiákon ne tonhwetákwen ne Roiá꞉ner kwáh né꞉ne tsi ionónhte ne Zion, iáh thahónton nahioriáneronhke, ók tsi nénhwe enkátake.

Psalms 126:1

Nó꞉nen ne Roiá꞉ner shonsahsakókwahtakwase ne raonateraswiʼióseras ne Zion, thóh nihiationhnóthenhne tsi ní꞉ioht nónhkak iakotétsens.

Psalms 127:1

Tó꞉ka iáh Roiá꞉ner iáh tehanonhsónhniaʼne, tsi niháti rotiʼnonhsónhni tsi rotihiothénhen iáh othènen satekenatéken. Tó꞉ka iáh Roiá꞉ner tehanikónhrahre ne kanatowáne, né ratiʼnatanónhne iáh kí othènen tehatiriwástha.

Psalms 128:1

Iakotáskats nonkwetaʼkwékon ne ronwakweniénstha ne Roiá꞉ner, né thóh nón꞉we nihiakothahí꞉take tsi rohatátse.

Psalms 129:1

“Wé꞉so iehioteráts꞉ton tionkatsiaʼtónhtion ne sitewatiónha” —Ánion ó꞉nen ne Israel skénhron—

Psalms 130:1

Thóh tsi natehioʼnhó꞉tes tsi niwaʼkanikonhrokʼtáhon iakonhnáton, Saiá꞉ner.

Psalms 131:1

Ó Saiá꞉ner wakatiakwahríhshion tsi nikatatónh꞉niʼkwe tánon tesewakatʼkaraténion tsi nikatatʼkowanáthaʼkwe. Iáh thaʼtekatatenikónhrarah ne iorihowánens khés norihwasónhas ne sóh꞉tsi waterihwenhtóre naʼkerihwáke.

Psalms 132:1

O Saiá꞉ner, tó꞉sa tsiatanikónhren ne Táwit ó꞉ni norihwaʼkwékon tsi nihoronhiaʼkénhon tsi nihotakáts꞉taton.

Psalms 133:1

Tsi niʼioiánere tánon ionwé꞉sen nó꞉nen ne tehiontenhnóntere skát꞉ne ratiréron skanikonra ronhnónhni!

Psalms 134:1

Káts, tetsisewanonweráton ne Roiá꞉ner, sewakwékon ne tsi sewahióthenhse ne Roiá꞉ner, sewakwékon ne nasontʼthénhne sewahióthens Nononsatokentikówaʼne.

Psalms 27:1

Né Roiá꞉ner rahón꞉ha nakswatthétshera í꞉ken ó꞉ni natiatakenhátsera; ónhka ká꞉ti atkhetshánike? Né Roiá꞉ner rahón꞉ha thá꞉nes ne tsi kónnhe; ónhka ká꞉ti akhetshánike?

Psalms 46:11

Ne Roiá꞉ner Roshaststenhserowánen tewakwékonse; ne Raoní꞉io ne Jacob né nonkwatenhénra í꞉ken. Selah

Psalms 46:7

Ne Roiá꞉ner Roshaststenhserowánen tewakwékonse; ne Raoní꞉io ne Jacob né nonkwatenhénra í꞉ken. Selah

Psalms 54:4

Ók orihwiʼiohónwe, ne Rawenni꞉io tsi rahónha ratiénawaʼse; ne Roiá꞉ner rahónha nenhné꞉e tkakènes.

Psalms 56:10

Rawenniʼióke, né꞉ne raowenhnaókons tekenonwerátons.

Psalms 56:9

Eʼthóhʼne ne iónkshons enshón꞉kete nenhwenhniseráteke nienkonhnáton. Né kíʼ waʼkateriéntare ne Rawenni꞉io tsi í꞉i nòkwah í꞉rate.

Psalms 94:17

Tó꞉ka ne Roiá꞉ner iáh tahasniénonʼke, ahonkiʼhéionhke.

Exodus 15:1

Ethòne ne Mahís ó꞉ni ne lsraerʼró꞉nons waʼthonwariwáhkwahʼse kí꞉ken karénhna ne Roiá꞉ner: “Tenhiriwá꞉kwahse ne Roiá꞉ner, tsioríwa tsi aʼthonwesenhtsheràkon wahatʼkwéni ne atesenhniéntshera; kaniatarahkheʼkowàhne iesakohiatóntion ne koshá꞉tens ó꞉ni ne roʼtiʼshátens.

Romans 8:31

Tsi akwékon kíʼ neh tewanontónʼnions, onh nahóten aihtewahkwéni aihtewénron? Tóhkaʼ neh Rawenni꞉io tewakwékon, ónhka káti aiekwéni nahionkihiatʼkónten.