Psalms 119:97 - Ohiatonhseratokénti

⁹⁷ Óh, tsi nikenorónhkwah ne saianerénhsera! Niahtewenhniseráke ne kanonhtonhniónkwas.

Psalms 119:97 ပူးပေါင်းရင်းမြစ်များ

Psalms 1:2

Khèʼkok, ronhnerientiʼióstha nahontewénhnarahkwe ne Roiá꞉ner raohianerénsera, kwáh tsiókonhte tsi rotiwenhnanóte ó꞉ni rononthonhniónkwas nahorihonhnienhnítshera niaʼtwenhniseráke tánon niaʼtehiokaraʼtseráke.

Psalms 119:113

Khésons tsi niháti ne thatehotinikónhrahke, ók kenorónhkwah kíʼne saianerénhsera.

Psalms 119:127

Kenorónhkwa ne satsiawenhráhtsheras sénha tsi ní꞉ioht ne kwáh tiohiánere owistanórons.

Psalms 119:15

Kateweiénstha ne saianerénhseras; tánon wahkatʼkenhsehátie ne sarihonhnienhnítserah.

Psalms 119:159

Satkátho tsi nikenorónhkwa ne saianerénhseras, shenónstat tsi kónnhe ne tsiohianénhaf ne sáwenk kanoronhkwáhtshera.

Psalms 119:165

Tsi nihiákon ne ienorónhkwah ne saianerénhsera kwáh hioianereʼónhwe tsi nihiakoianerasthénhni, tánon kwáh iáh othènen takakwéni nahiakoteraskwatsáthen.

Psalms 119:167

Katewenhnarákwahs ne sarihonhnienhnítseras; kwáh kerhiasakwékon tsi kenorónhkwah.

Psalms 119:47

Keʼtsénhries tsi wahkerientiʼióstha tsi katewenhnaráhkwah ne satsiawenhratseras, tsioríhwa tsi nikerihwanorónhkwah.

Psalms 119:48

Kweniénstha tánon kerihwanorónhkwah ne satsawenhrátsera; kwáh katewehiénstha ne sarihonhnienhnítsera.

Proverbs 18:1

Nón꞉kwe ne iáh tehontén꞉ros nakohrèn꞉shon rononhá꞉ʼa khók rontaté꞉iahre; akwé꞉kon ratirihwáiaʼks tsi nahò꞉ten akohrèn꞉shon ronaterién꞉tare nahò꞉ten tkariwaié꞉ri.

Proverbs 2:10

Enhsattókhaʼne tánon karihonnienníhtshera entí꞉son ó꞉ni atonhnharáhtshera.

Deuteronomy 17:19

Kí꞉ken kahiatónhsera rahiatákta nón꞉we tió꞉konhte nakénhake tánon nahawenhnanót꞉thake kwáh tsi nirónhnes, ne káti nahaweientè꞉taʼne nahokweniénsthake ne Roiá꞉ner tánon nahatewenhnarákwahke ahoriwatokénhake orihwakwé꞉kon tsi niwakró꞉ris né꞉tho.

Joshua 1:8

Iorihwiióhak né꞉tho kahiatónhsera ne kaianerénhsera tsi tió꞉konte enwatewenhnanót꞉thake nenhshaterén꞉naien. Shatéweiest tsi niwenhniseréhsons ó꞉ni noʼkarasnéha, tánon orihwí꞉io sónhni tsi enshatewénhnaraʼkwe akwé꞉kon tsi nikahiatónhnion. Ethò꞉ne ki kwáh enshahianerásten tánon enshaterihwaténtiaʼse.