Psalms 119:91 - Ohiatonhseratokénti

⁹¹ Orihwahkwékon tsi nishasahánion ne tsi ionhwenhtsáte kakèron nónh꞉wa wenhniseráte ne ionihonhníhon tsi nisathenhnáhon, tsioríhwa tsi ratikwékon í꞉se iesahióthenhse.

Psalms 119:91 ပူးပေါင်းရင်းမြစ်များ

Genesis 8:22

Kwáh tsi nikarí꞉wes enionhwentsá꞉teke, ne tsi nienhskahé꞉sheke naieienthóhseron ó꞉ni naieientwá꞉ko, aiothó꞉reke ó꞉ni naioʼtarihénhake, akenhnhá꞉ke tánon akohserà꞉ke, tsi niwenhnísereʼs ó꞉ni tsi niwahsón꞉teʼs, kwáh iáh thaʼtaká꞉taʼne.”

Isaiah 40:26

Satarakétsko éhʼneken niaʼsatiérat tánon satkátho: Ónhka kí꞉ken rosahánion? Rahón꞉ha enthaʼiákenhwe notsistokwahsónhas tánon thensakohiatónhnion, ienshakonatónhnion ratiʼkwé꞉kon tsi niotisenhnoténshons; tsioríhwa tsi nateiotenonianíton roshatstenhserowánen í꞉ken, roshatstenhserowanenhkówa, iáh nénska tehiotón꞉on.

Isaiah 48:13

Katshanáke iotskwáhere ne tsi ionwenhtsáte, tánon né kheweientethákwen watʼkatakwáhriʼte tsi karonhiátes; nó꞉nen shontakatáhti, óksak thóh nahá꞉wenhne.

Jeremiah 33:25

Ók í꞉ih, ne Watiá꞉ner, íkhaʼwe ne wahkerihwíson nenhtiekhenéhka ó꞉ni nahsontenhnékha, tánon wahtianerensehríson né tioniarótharon nonwénhtsia ó꞉ni ne tsi karonhiáte.

Matthew 5:45

Aiaȣens iaontoriȣiheȣe ne tokenske etsiseȣaienha aonton ne Etsiseȣaniha Karonhiake tenteron: aseken iah tatehatihas, ok satesakosȣathetenni ne ionkȣetakson tsiniiot ne tionkȣetaieri.

Matthew 8:9

Aseken nii neok nonkȣene ȣakaterihonte, sekon kis ȣatons nakheienhase nakonkȣeta, ȣas, nensok ȣare; tihaiatate, kats, tare; nok nakennhatsera kenh natsier, oksaok eh nenhaiere.

Deuteronomy 4:19

Nó꞉nen iensatká꞉tho ne tsi karáhkware tó꞉ka ó꞉ni nashonthenhnékha karáhkwa tó꞉ka ni ó꞉ni ne tsi iotsistoʼkwarónhnions, tó꞉sa iesaʼnikonhrotá꞉ko ne tasaʼtshà꞉kete naseshén꞉naien. Asè꞉ken ne Roiá꞉ner saNí꞉io né꞉ne tesakó꞉wi nakoʼrénhson ne tsi ionwenhtsáte nakonhwatiʼshén꞉naien.

Judges 5:20

Né tsihiotsistón꞉nions ne tsi karonhiáte wakonhtsiátharen tsi waʼterí꞉io; tsi ní꞉ioht tsi watʼkonhtironhí꞉hiake, wahonterí꞉io ne Sisera.