Psalms 119:90 - Ohiatonhseratokénti

⁹⁰ Ne sarihwatokentítsera kwáh tenhkawisátsteke ratikwékon ne tahatiwahtsiraʼthátse; kwáh iohrihwaníronh tsi ní꞉ioht tsi shonhontsíshon.

Psalms 119:90 ပူးပေါင်းရင်းမြစ်များ

Psalms 100:5

Ne Roiá꞉ner roʼtennithenrátskon; ne ioriwaʼtóken raonoronkwátsera kwáh tsi nénhwe tsi thenkawisátsteʼke, tánon tsi waʼhatiwatsiratátse ne raoriwaʼtokentítsera tsi nénhwe enkátake.

Psalms 104:5

Í꞉se sitsʼkwáhere ne tsi ionhontsáte, ne káti ne tó꞉sa nonwénhton ahiówaʼke.

Psalms 148:6

Tsi nón꞉we nasakó꞉natʼtaseronhnien né꞉ne tsi nén꞉we enkenhake; washakokwahtákwahse tsi nahiotinát꞉taske, né꞉ne iáh thahónton niakontóhetste.

Psalms 36:5

Né iorihwaʼtóken sanoronkwáhtshera, Ó Saiá꞉ner, né thiʼtiorohrókston ne tsi karonhiáte, ne sarihwaʼtokentítsera iéhwas ne tsi iotsiatarón꞉nion.

Psalms 89:11

Né tsi karonhiáte í꞉se sáwenk, tsi ionhontsáte ó꞉ni; í꞉se shá꞉shon ne tsi ionwenhtsáte tánon akwékon tsi nahó꞉ten né thoʼíwa.

Psalms 93:1

Né Roiá꞉ner rahónha seh ne ronhnontí꞉io í꞉ken, ne rotʼtseronhniáton ne kanonhtiʼiótshera aotserónhniat; ne Roiá꞉ner rotʼtserónhni, ne rotiatanát꞉ton ne kashaststénhsera. Iorihwaʼníronh tsi nisakwahthákwenh ne tsi ionhontsáte; kwáh kíʼ iáh nonwénhton tahó꞉then takakwéni nahioriáneron;

Ecclesiastes 1:4

Tsi iewahtsirahthá꞉tie thohnénonh nitsakawénon tánon ne tsi iewahtsirahthá꞉tie nienhéntien, ók ne tsi ionwenhtsáte kwáh tó꞉ken nènhne tsi ní꞉ioht.

Micah 7:20

Kwáh enthétion norihwihioʼón꞉we ne Jacob tánon kenténrat ne Abraham, kwáh tsi nisehrihwanirá꞉ti ne iakisoʼthonkonhkén꞉en ne wahón꞉nise tsi ná꞉he tkenʼne.

Deuteronomy 7:9

Sewehiá꞉rak né꞉tho Roiá꞉ner sewaNí꞉io tsi rahonhatsí꞉wak kók ne Ní꞉io tánon tsi roriwató꞉ken. Enhateweiénton ne raohianerénhsera tánon enrè꞉neste ne ioriwató꞉ken raonoronhkwátshera ne tewenhniaweheʼtseráhsen natewaterehsehránes ne tsi niʼiá꞉kon ronhwanorónhkwa tánon iontewenhnaráhkwa ne raoriwaʼtá꞉tsheras,