Psalms 119:53 - Ohiatonhseratokénti

⁵³ Nó꞉nenh enkhéken ne rononkwetahétkens tehatíʼiaks ne saianerénhsera, kwáh wakatenakwakwenráhtis.

Psalms 119:53 ပူးပေါင်းရင်းမြစ်များ

Ezra 10:6

Ethò꞉ne thóh niahá꞉re ohén꞉ton nononhsatokentihkó꞉wane iahathawehiáte ne tsi thénhteron ne Jehohanan ne roʼní꞉ha né꞉ne Eliashib, tánon thóh wahasonhtí꞉iake roʼnikonhráksens tsi nih iáh tehotirihwató꞉ken ne ronanahkerá꞉kwenhne. Kwáh iáh othé꞉nen tehawé꞉kon iáh ó꞉ni thé꞉nen tehonekí꞉ren.

Ezra 9:14

Ónh káti ní꞉ioht tsi ahiakwahtharonhtsiénhtse ne sarihwatákʼtseras ne shé꞉kon ne taiakwahthateniákʼthen ki ronhnonhkweʼtahétkens? Tó꞉ka thóh nenhiakwá꞉iere, ensaná꞉kwen tánon kwáh enskwahthónthe tánon iáh ónhka thasehrí꞉hon ne iathahiakothátere.

Ezra 9:3

Nó꞉ne sakarónhke kí꞉ken, Wakerátson nakatʼtierónhniat tsi natkanikonhrhià꞉ke, watkhatatenonhkwí꞉sare ó꞉ni tsi tewatkhonthonrónhte, tánon wakátsien tewakeʼnikonhrarí꞉hon tsi niwakeʼnikonhratʼtsens.

Nehemiah 13:25

Káti watsiakwarihwakena tánon wakhekenrenhserón꞉ni; wakhenontsistá꞉hiahakon ótiaʼkes ne ronhnón꞉kwe tánon watekhenonkhísaron. Tánon wakhehiónhnien nahonwarihwaní꞉ratse ne Ní꞉io nahontón꞉heke, “ní꞉se iáh tsiasehiatʼkawe ne sheiohokón꞉as tionattonhwí꞉sens rononhà꞉ke ne raotinekenteronhtsherashón꞉as, khehs niahitsí꞉nonke ne sakotihiohokónhas tsionaʼthonwí꞉sens ne sewanekenterontsherashón꞉as raotirihwà꞉ke, khéhs ní꞉se sewarihwà꞉ke.”

Nehemiah 5:6

Tánon kwáh í꞉ken tsi onkená꞉kwen kí꞉ken iotsithókwen tánon ki꞉ken owennaʼshón꞉as.

Psalms 119:136

Wé꞉so tsi watkaséntʼtho tsioríhwa nonhkweshón꞉has tsi iáh tehiontewenhnarákwa ne saianerénhsera.

Psalms 119:158

Tsi enkhehiatkátho ne iáh tehotíien ne tewehtákwen. Ionkhonnaksátha, tsioríhwa tsi iáh othènen tehonónhni tsi nòkwah ne sahtsiawenhráseras.

Psalms 89:30

Ók tó꞉ka ne sakohiohʼokónhas enhontewènhtethe natianerénhsera tánon ne tsi ronónnhe iáh thahatísehre tsi niwaʼkerihwaʼtháton,

Jeremiah 13:17

Tó꞉ka iáh tahisehwathahonsahtháte, nakwahtónnhets hathaséhtonke tsi tenwahséntho né enkarihónni tsi nisewahnáie; kwáh íken tsi katsithowáhnen tsi tenkaséntho, tánon natkásehri tenwatnahwénhthe tioríhwa ne Roiá꞉ner rahonkwetaʼshón꞉a tsi iahonwathihiaténhaʼwe nahonwatinaskónhni.

Daniel 4:19

Eʼthó꞉ne, Daniel, raónha ó꞉ni Belteshazzar ronwá꞉iats, tsi nontahatónʼneke iáh tehokwénion ne thé꞉non ahá꞉wenke. Ne ronnontí꞉io wahawénhahse, “Belteshazzar, tóhsa natetshénhsera ó꞉ni tsi nikénton tisatonʼnékten.” Belteshazzar tonsaharihwaʼserá꞉ko, “Sanontí꞉io, aiá꞉wens ne eʼtho atetshénhsera tánon tsi nikaʼnikonhraientáhtha né ne iesáhswenhs aiakotónheke nók iáh ní꞉se.

Habakkuk 3:16

Wakaʼthón꞉te akwé꞉kon kí꞉ken, tánon onhtsiatí꞉shonkwe; tsi nió꞉re tsi wáterons waʼtewakenawirohó꞉khon. Tánon tahkwaʼáshon onkatiénhase ne tiéronhke, tánon waʼtiatishónkwa tsi nón꞉we niʼttákwe. Kwáh kíʼ skén꞉nonk thenkénhake tsi nenhkateráhrate ne iaʼkáhewe nó꞉nen ne Rawenni꞉io ensakorewaʼte tsi niháti ne tionkhiiatsatónhtses.

2 Corinthians 12:21

Wákterons ne Rawenni꞉io enhakwatehén꞉seron nó꞉nen shé꞉kon ienskwanatahré꞉nahse. Tentewakkahserá꞉rake ne tsi sewatiohkowá꞉nen shé꞉kon iáh tesewahtsakwaríhsions ne sewarihwaneraʼáktshera. Shé꞉kon né꞉ʼe sewaterihwahtentiatonháties tsi nahoʼténhshon ne kentéhsera, iáh teiotkwénies, atehénhsera.

Philippians 3:18

Iotkáte kwaronkaténʼni neh ronatiokowánen ne rathinákere tsi rathíshons ne Kerístos rahohiása; ónen nónwa thiteʼkaseráhere, sékon sakwaronkáten.