Psalms 119:34 - Ohiatonhseratokénti

³⁴ Takónhnien nakʼkwéni ahonkenikonhraiénhtaʼne ne saianerénhsera; kwáh akatonhnhetserakwékon tsi enkatiénawasʼte.

Psalms 119:34 ပူးပေါင်းရင်းမြစ်များ

1 Chronicles 22:12

Tánon aiáwens ne Roiá꞉ner ne Saní꞉io ahontáhion natʼthokhátshera ó꞉ni ne kanikonhraienthátshera né ká꞉ti nahónton nasheiatʼkóraste Nisraeʼró꞉nons ne ahontahioianénhaʼwe ne raʼoianerénhsera.

Job Tánon ne Raoronhiakensera 28:28

Tánon wasakawénhase nonkweshón꞉as, ‘Orihwiiohón꞉we, ne raoteronhkwátshera ne Roiá꞉ner tsi né nathokhátsera í꞉ken; tánon né꞉ren ahiénte ne karihwahetkénhsera né꞉ne kaʼnikonhraientátshera í꞉ken.’”

Psalms 111:10

Nón꞉kwe nenhonwaʼkwénienste ne Roiá꞉ner né꞉ne tsotasawáʼkwen nahiontenikonratʼtókhaʼne; nakwékon ne thóh nenhiéhiere kwáh ioiánere tsi iakonikonhraiéntas. Kwáh kíʼ ioterihwí꞉son ne tiókonte tahonwaʼnonhweratónsheʼke.

Psalms 119:10

Né꞉ne kwáh akehriasakwékon tsi enkonhiatisáke; tó꞉sa takeríhon nakatewénhthete tsi nisahtsiawenhráton.

Psalms 119:100

Sénha ishinónhwe niwahkenikonhrahiéntas tsi ní꞉ioht ne tonhnonkwetahions, asèken wahkatienawáston ne saianerénhseras.

Psalms 119:104

Saiahnerenhserákon nónhwe nitékhas ne atʼthokhátsera; káti akwékon ítsons tsi nahoténhsons ne tehiotʼtsátons.

Psalms 119:125

Í꞉i ne sanhátsera í꞉ken; táskon ne kanikonhrahienthátsera, ne káti nahónton ahonkateriénhtarahne ne sarihonhnienhnítsheras.

Psalms 119:130

Tsi nikanikonraʼientátha ne sahrihonhnienhnítsheras tekaswathétha, tánon tsiakohawithénhnis natenikkonrahthokhátshera ronhnonháke ne ronhthatonkwetowahnáhtha.

Psalms 119:144

Ne saianerénhseras tiotkonhónwe tkarihwaiéri í꞉ken, táskon ne kaninkonraienthátshera ne nahónton akónnheke.

Psalms 119:169

Satthóntet tsi natekaséntʼtos niahónwe ne sahénton, Ó Saiá꞉ner; táskon ne kanikonrahienthátshera tsi nitewètha ne sawénhna!

Psalms 119:2

Iakotaskáts tsi niʼiákon ne iontewénhnaraʼkwe tsi nihorihwawahtáton, tánon tsiakaweriahsakontákwen tsi ronwahiatísaks,

Psalms 119:58

Konrihwanonhtónh꞉nis kwáh kerhiasakwékon naskítenhre tsi kíʼnisarahráts꞉ton!

Psalms 119:66

Takerihónhnien nahioianeréhake tsi tatiatoréhthake norihwasónhas ó꞉ni ne táskon natʼtokhátsera, asèken tewaketákwen ne sahtsawenhráhtseras.

Psalms 119:69

Ne ronhtatkowanátha nahonksenhnát꞉saʼte tsi wahonkanowenhtaʼniónhaʼse, ók kwáh kí kerhiasakwékon tsi wahkatewenhnaráhkwen ne saianerénhseras.

Psalms 119:73

Satshanáke watsiatíshon tánon watiatasherónhni; tewakáwis nahonkenikonraiéntaʼne ne nahónton akewehientétaʼne ne satsiawenhráhseras.

Psalms 39:2

Sák tiwaʼkathatónhni ó꞉ni tatewaʼkátote; kwáh iáh othènon tekáton ók iáh kíʼ othènon tehiorihontákwen; Ók nakeronhiakénsera sénha waʼhosehráheste,

Matthew 5:19

Onka kiok, enskat oni ahariȣaiesate tsinikon ȣakȣarori, ethoʼkʼ oni nahaiere tsi asakorihonnien nonkȣeokon, neh raonhaa nenthosennaska nʼonen ienraȣe ne karonhiake; nok tanon nenthoriȣaieriton tsi ensakorionnienni enhasennanoronne ne karonhiake.

Matthew 7:24

Onkakiok rothonte tsinahoten katon, nok enhateȣeienton, neh tenthiiatenientenste ne ronkȣe oststenrake rotenonsonni;

John 7:17

Toka onka kiok enhonikonraierite, enhaienterhane ne kariȣatatsera; Katehsiken, niiohne kenh nitiaȣenon, toka ken ok ii tiȣakatennikonra tsi ȣaktare.

Deuteronomy 4:6

Ioriwatokénhak tsi sewatewénhnarak, tánon ne kí꞉ken eniakaweʼnésten nonhkweshón꞉ʼa ne thihononhontsà꞉tes tsi nió꞉re tsi satenikonhraʼtókha. Nó꞉nen akwé꞉kon enhòn꞉ronhke kí꞉ken kaianerénseras, enhonhní꞉ron, ‘Tsi nió꞉re tsi ronhtenikonhraʼtókha tánon rotiʼnikonhraientátskon kí꞉ken rahtiʼshátste kentió꞉kwaien!’

Ne꞉ne Sák Rohiaton 1:25

Nók tóh꞉ka kwáh ákta tsi enskenhénhion ne kahianerenserí꞉io ne tsi nikáien tiakotatewennihiósta nónkwe, tánon nètho kwáh áktha tsi ensatennikonráren, tánon kwáh iáh tasathahónsatatʼte tánon ó꞉ni entsisanikónren, nók tóh꞉ka enshiótenste—Rawenni꞉io enhiaʼiatatériste tsi nensátiere.

Ne꞉ne Sák Rohiaton 1:5

Nók tóhka ónkak tsi nítion tisewatótʼtani ne kanikonraienthátsera, teʼiontonwentióʼon Rawenniʼióke iasewaterénnaien, rahónha enthetsítion; asèken ne Rawenni꞉io kwáh raweriáne nitewétha ó꞉ni atanitentserákon tsi ákwe tesakówis.

Ne꞉ne Sák Rohiaton 4:11

Tóh꞉sa tesewatateriwákwas, tewatenroʼshón꞉a. Tóh꞉ka tensewatateriwákwaʼse tóhka ó꞉ni teietʼtsihiatórete nakorénson né rothiriwiʼióston, wesewariwákwaʼse tánon wathiʼsewahiatórete ne kaianerénsera. Tóhka tenshiatórete ne kaianerénsera, khakáti níse iáh theshesatewennarákwa ne kaianerénsera, nók í꞉se né teshiatorétase.