Psalms 119:27 - Ohiatonhseratokénti

²⁷ Takónhnien nahonkenikonraiénhtaʼne tsi niʼiohthánions ne saianerénhseras, tánon thóh nónh꞉we nenhkatenikonrahiénton ne iohrihwahnerakwahténions sarihonhnienhnítseras,

Psalms 119:27 ပူးပေါင်းရင်းမြစ်များ

Genesis 24:63

Tánon né Isaac iahahiá꞉kenʼne ne kenʼk sitioʼkará꞉ʼon kahentà꞉ke waʼthatekhahahkwá꞉na nok wahatahrakétsko tanon wahshakó꞉ken iotiniaʼkwáhere takón꞉ne.

Psalms 105:2

Tetsisewaʼrihwákwas ne kanonweratónhtshera, akwékon sewatróri ne iorihwaʼnerakwahthénions tsi nihohiothénhen.

Psalms 111:4

Né rahonhniáton ne iorihwanerakwathénions raoiothénseras nahiakehiáraʼke; ne Roiá꞉ner thorihwaʼiéri tánon rotanithenráts꞉kon.

Psalms 71:17

Ó Sewenní꞉io kwáh siʼkeksʼsáha teskerihonhniénhni, tánon shé꞉kon nikherohrhiánions nonkweshón꞉ha ne iorihwanerakwaténions tsi nisatieránion.

Psalms 77:13

Ó Sewenní꞉io ne saweiénhna tsi iotokénti í꞉ken. Ónhna kaniʼioseróten thóh natahotenonhianítonke tsi ní꞉ioht ne Sonkwaʼwenhní꞉io í꞉ken?

Psalms 78:4

Enhiatkhiró꞉ri ne iakhiʼienʼokónha; kwáh enhiatkhiró꞉ri nó꞉ia aterénhseras tsi nòkwah ne Roiá꞉ner raoʼsashaststénhsera tánon ne iorihowánens raohioténhseras tánon ne iorihwanerakwahthénions tsi nihotieránion.

Acts 2:11

ratikwékon ne Sitaeró꞉nons ó꞉ni ne iáh tehatiʼsitaerónons ronateriwathénion Judaism non niʼshoʼnatiáthare, ótiakes ó꞉ni Crete tánon Arabia non nitionkwé꞉non—nók káti kwáh tewakwéʼkon ionkwathónʼte rothítare tsi nitewawenʼnótens tsi nihiorihowánens ne Rawenní꞉io tsi nihoieránion!”

Revelation 15:3

Tánon ne wathatirihwákwe ne Mahís raorénhna, né꞉ne Ní꞉io raonhá꞉tshera, ne ó꞉ni raorénhna ne Teiotinaʼkarontónha owí꞉ra: “Teiotenonianì꞉ton tánon ionerá꞉kwat ne saioʼténhsheras, Saiá꞉ner Ní꞉io né꞉ne Sashatstenhserowá꞉nen! Kaianeren tánon orihwí꞉io í꞉ken ne sawenénhnas, Shenontí꞉ios ne ronhnonhontsakeró꞉nons!