Psalms 119:22 - Ohiatonhseratokénti

²² Tó꞉sa sehríhon nahionkenikonhraʼkaréwaʼte tánon ne thahiontiéron, asèken wahkatienawástone saianerénhsera.

Psalms 119:22 ပူးပေါင်းရင်းမြစ်များ

Job Tánon ne Raoronhiakensera 16:20

Nakatoroseraʼshón꞉as thihiontié꞉ron; ne khá꞉rake iewakaseró꞉te raonhà꞉ke ne Rawenni꞉io.

Psalms 119:39

Tatiatanónstat tsi nihiónke nikonrahkarewátha ne wakʼteronhkwénhnis; tsi nihiorihwaneráhkwat ne saiatorehthátseras!

Psalms 119:42

Eʼthóhʼne entkwéni takerihwaʼserákwahse tsi niháti ionkenikonrahkarewátha tsioríhwa tsi tewaketákwen ne sawénhna.

Psalms 37:3

Tatʼtsetakwénhak ne Roiá꞉ner tánon kaiotensherí꞉io tsi shaióthen; tánon éhʼtho ensehnákereʼke ne tsi ionwentsáte tánon kwáh skénhnonk thenkénhake.

Psalms 37:6

Né enrónhniathe ne shariwahkwarihshióntshera thóh nataioswát꞉theke, tsi ní꞉ioht nó꞉nen éntie nón꞉we nikaháwi nikará꞉kware.

Psalms 39:8

Akwékon saskeniákent tsi nòkwah nakerihwanerahát꞉tseras. Tánon tó꞉sa sehríhon nonhowaʼrohrihtashónhas ne tahiontiéron.

Psalms 42:10

Iekaníhare nastsienshón꞉has waʼkakararénhsehrons, né iónkswenhs tehionkaterienhtakariá꞉tha, iehothikonhtákwen ionkerihwaʼnonhtonniónhnis, “Kanón꞉we ní꞉res ne sahʼNí꞉io?”

Hebrews 13:13

Ánion, káti, rahonháke niéteweh thóh nónwe átste tsi nónwe nihonahnátaien tánon tewahtiátaren ne raotehenserá꞉kon.

1 Tiér 2:20

Nahóten nèn꞉ne kástha nasatakátsthate naʼiesanonwenserário tsi natesaténtion ne tsi natesaterientawenréʼon? Nók tóhkaʼ ensatakátsthate ne karonhiakénsera séhkons ó꞉ni nónen thènen tisaieríton, neh kíʼ enkarihónni Rawenni꞉io enhiaiatatériste.

1 Samuel 25:10

Ók ne Nabal watesakoriwaserákwahse ne Táwit raonkweʼtashón꞉ʼahs, “Ónhka nènhne ne Táwit? Ónhka ne ne roién꞉ha ne Jesse? Kwáh í꞉ken tsi ronatiokowánen ne ratinhá꞉tsheras nón꞉wa wenhniseraténion ró꞉nonha ne sakonatsá꞉tonhtakwenhnis ne rowatiiá꞉takwení꞉ios.

1 Samuel 25:39

Nó꞉nen ne Táwit saharihwáronke nètho Nabal tsi rawenhé꞉ion, wahén꞉ron. “Tehonwanonweráton ne Roiá꞉ner tsi raónha seh ionshahárehke ne kanikonrakarewátshera tsi niwatienáon ne thóh ratshanáke ne Nabal, tánon ní꞉i éhren wahatiatenháwiʼte tsi nòkwah ne kariwahetkénseraʼne Roiá꞉ner tonsahakarahténi ne kariwahetkénsera tsi nihoieránion ne Nabal ne iatehaiáti.” Eʼthóhʼne ó꞉nen ne Táwit iahaténiete tánon washakótatʼtse ne Abigail, nahotíniaʼke.