Psalms 119:21 - Ohiatonhseratokénti

²¹ Wasehiatewenhnaiéntonhwe ne ronhthatónhni; sehrewátha tsi nihiákon ne iáh tehiontewenhnarákwah ne sahtsiawenhrátsera.

Psalms 119:21 ပူးပေါင်းရင်းမြစ်များ

Nehemiah 9:16

“Ók neh ronón꞉ha tánon neh iakhinihó꞉kons tsi nahatí꞉iere wahonthatónhnine tánon rotinontsistaní꞉rons tánon iáh tehonatahonsatháton ne sharihwataʼtsheras.

Nehemiah 9:29

Tánon ní꞉se washerehtsá꞉ron ne káti nahónton thóh niahonsahon꞉ne saianerenhserá꞉kon. Ók ronthathónhnikwe tánon iáh teonathahonsatháton ne sarihwataʼtsheras, ók wahatirihwané꞉rake tsi nokwáh ne shatiawenráhsera, tó꞉ka ne rónkwe thóh nenhá꞉iere kwáh kíʼ thóh nón꞉we nenhatonhnhathénti. Wahonswaté꞉ni tánon wahontenontsistaní꞉rahte tánon kwáh iáh teonatahonsatáhton.

Psalms 119:10

Né꞉ne kwáh akehriasakwékon tsi enkonhiatisáke; tó꞉sa takeríhon nakatewénhthete tsi nisahtsiawenhráton.

Psalms 119:110

Né ronhnonkwetahét꞉kens tehionkanikaʼráhraks, ók iáh kíʼtekatsatonhthákwas ne saianerénhseras.

Psalms 119:118

Iáh tesehiatsenawástha ónhka ne iáh tehiontewenhnaráhkwa ne saianerénhseras; ne kanikonhrá꞉ton tsi nihontenikonhró꞉ris kwáh iáh othènen tekarihwástha.

Psalms 119:78

Sewenní꞉io sehiatéhat ne ronhtatónh꞉ni, ne tsi nihoti nó꞉wenhs ionketʼkenhténhnis ne kwáh iáh othènen tetkarihónhnis; ók ní꞉i wahkateweienstonhátie ne sarihonhnienhnítsheras.

Psalms 138:6

Asèken iawerohátien ne Roiá꞉ner tsi nió꞉re tsi éhʼneken thénteron, tesakoteriéntare kí ne iakothenténion; tánon ne iontatónhni iáh thahónton naiesathaséhten.

Exodus 10:3

Káti ne Mahís ó꞉ni ne Aaron ronhnonhtí꞉ioʼke niahá꞉ne tánon wahonwénhase, “Ne Roiá꞉ner, ne sakoʼNí꞉io ne Hebrews, ráton, ‘Tóhʼshékon nikaríwes ensehsaterahiáʼtaʼkwe nʼaskewénhnarahʼkwe? Sehiátʼkáf nʼakonkwetashón꞉ʼa, ne káti nahónton nahionkʼsénhnaien.

Exodus 18:11

Ónenh kíʼ onhkateriéntarahʼne nètho Roiá꞉ner tsi sénha roshaststenseroʼwá꞉nen tsi ní꞉ioht nakwékon ne ratiní꞉ios, tsoríwa tsi thóh kí ken nahá꞉iere nónenh ne Egyptró꞉nons wahonwanaʼtewenienʼnakʼsá꞉ten ne lsarerʼró꞉nons tsi nióre tsi ronahʼtenontsisʼtaniráhton.”

Isaiah 10:12

Nó꞉nen ne Roiá꞉ner enhá꞉sa akwékon ne raoʼiothénsera ne tsi ionónte ne Zion ó꞉ni thóh nón꞉we ne Jerusalem, kwáh kí enhoréhwate ne ratatkowahnátha tsi natehothaʼterénhsaron ne ronnontí꞉io ne Assyria tánon tsi nihothatóhare tsi nihanáʼie.

Isaiah 42:24

Ónhka iehonwatʼkáwen ne Jacob rahonhàke ne rahetkéntha, tánon ne Israel rononhàke ne ratinénskwas? Iáh kén Roiá꞉ner tèken, ne tsi ionkwahrihwáneren tsi nòkwah ne rahónha, ne tsi nihaweienó꞉ten iáh ehʼthohnónwe thaʼteonatekhahákwen, tánon né raoianerénhsera iáh teonatewenhnarákwen?

Isaiah 43:28

Né ká꞉ti wahónhni khehetʼkenton ne ronaterihóntons nononsatokentikówaʼne, Iehiʼiatʼkáwen ne Jacob tsi nó꞉kwah natkaronhniá꞉tshera, tánon Israel né nènhneʼe nakonwakenrenhserón꞉ni.

Jeremiah 44:16

“Kwáh iáh thaʼhiakwahtahónsathaʼte tsi nahó꞉ten thakwahró꞉ri ne rahosénhnahkon ne Roiá꞉ner.

Daniel 4:37

“Ó꞉nen káti, í꞉i, Nebuchadnezzar, enhihsénnaien, tenhirénhsaron, ó꞉ni enhiiatanehrákwahte né Ronnontí꞉io né Karonhià꞉ke Thèn꞉teron. Kwáh tsik nenhá꞉iere akwé꞉kon tkarihwaié꞉ri ó꞉ni thoriwaié꞉ri, tánon ó꞉ni enhakwé꞉ni ne tahshakawentshó꞉ten ónhka ne iontatón꞉ni.”

Malachi 4:1

Satkáhtho, nenhnísera tá꞉we, iotékha tsi ní꞉ioht ne iontenaʼtarontáhkhwa, nó꞉nen ratikwé꞉kon ne rontatkowanáhtha tánon ratikwé꞉kon ne karihwahétkenʼs rotiióʼtens kwáh kawá꞉ʼeh enhón꞉ton; nenhnísera ne én꞉wawe kwáh kiʼ eniakotiaʼtátsaʼahte, rá꞉ton ne Sakoiá꞉ner ne ronterí꞉ios ratironhiaʼkehró꞉nonʼs, ká꞉tiʼ kwáh iáh tshiaʼtaonsahonwanèn꞉rahse nohté꞉ra khehs nʼonhateshón꞉ʼa.

Luke 14:11

Aseken ehtake niienhentsien ne iontharatasts, nok enhiontharatate ne iontatkenronni.

Luke 18:14

Oriȣiio tsi kȣarori: neh kehiken shotiatokeȣenhatie tsi shotentionhatie nok iah ne saiatat: aseken onka iontatharatasts ehtake niienhentsion; nok onka ehtake iontatonni enhiontharatate.

Galatians 3:13

Nók tsi wetewatʼrewáthakwe Kerístos sahshonkwahiatáko tsi niʼiakorewátha tsi nitkáhas ne kaianerénsera. Nónen ne kaiasáke sahonwahiatiháren, rahónha wahtathatékwase ne karewathátsera tsi naʼtehionkwaterientawénrie. Asèken noriwatokénti wáton, “Nónka neh iakohiaténton ne karontáke neh tsi Rawenni꞉io sakorewáthon.”

Deuteronomy 28:15

“Ók Tó꞉ka iáh thatiewénhnaraʼkwe ne Roiá꞉ner saNí꞉io tánon iáh tewethakwenhtserá꞉kon tsi ashateweiénton akwé꞉kon ne rahoriwatà꞉tsheras ó꞉ni ne raoianerénhseras né꞉tho tkwawí꞉hons nón꞉wa wenhniserá꞉te, niaʼtékon kí꞉ken kariwahétkens tsi nenhsaiathawénhseron:

Deuteronomy 30:19

Ó꞉nen tkwá:wis nahisewatateráhkwase kak niká꞉ien atónnhets khés ne kenhé꞉ion, tsi naʼtetiátere ne Rawenni꞉io rahohiaʼtaterí꞉tshera tánon ne rahorewahtátshera, tánon iakhenáhton ne tsi karonhià꞉te ó꞉ni ne tsi ionwenhtsáte nah kenirihwahní꞉rate tsi nenshahtatheráhkwase. Atónnhets shahtatheráhkwas.

Ne꞉ne Sák Rohiaton 4:6

Nók nataniténron tsi nitatkáwas ne Rawenni꞉io sénha neh kasátsʼte. Tsi niwáton noʼiatonseratokénti, “Ne Rawenni꞉io sakonenrotánis ne hiontatónni, nók sakoténras ne ne ehtáke iakotatónh꞉ni.”

1 Tiér 5:5

Kwáh ne saoríwa ne nitisewahiónsas ietʼtsikweniénstak ne thoʼtí꞉ions. Tánon kwáh sewakwékon teʼiothonwentióʼon naisewatenihiónten ne tkariwaiéri, tesewatateriwáhwas, Asèken wáhton nʼoriwatokénti, “Ne Rawenni꞉io sakonenrotánis ne hiontatónni, nók sakoténras ne ne ehtáke iakotatónh꞉ni.”