Psalms 119:173 - Ohiatonhseratokénti

¹⁷³ Tiotkonhónwe satateweienhnentahónhak nastiénawahse, tsioríhwa tsi ne ít꞉sehre ne satsiawenhráseras.

Psalms 119:173 ပူးပေါင်းရင်းမြစ်များ

1 Chronicles 4:10

Ók kíʼ né Jabez rahonháke ne sakoʼNí꞉io Nisraeʼró꞉nons nón꞉we iahaterénhnaien, “Tatiatatérist, Sewenní꞉io, tánon wé꞉so nohóntsa táskon. Tenikweʼkónhak tánon takenóns꞉tat tsi nòkwah ne othénen karihwák꞉sen né tó꞉sa akakwé꞉ni ahonkeronhiakéntaʼkwe.” Tánon kíʼ ne Rawenni꞉io tahá꞉wen tsi nahó꞉ten wahaterenhnaiénthaʼkwe.

Psalms 119:111

Né saianerénhseras wakerihonhniénhnis tsi nahoténsons enkerihwanorónhsthake né꞉ne tsi nénhwe enkénhake; ne wakerienhtiʼióstha nakwerhiá꞉ne.

Psalms 119:117

Takatiénawast, tánon kíʼkwáh enwahtiatanónsthate, tánon kí kwáh tiotkonhónwe tsi enkenikonráhraʼke ne sahtsiawenhrátseras.

Psalms 119:30

Né wakathaterahkwénhni nakonwenhnaráhkwahke; wakathenhnikonrahráton ne sahiatorehtátsera.

Psalms 119:35

Tó꞉sa takeríhon ne iáh thakatewénhnarakwe tsi nisatsiawenhráton, wahkerientí꞉ios tsi ít꞉sehre ne saianerénseras.

Psalms 119:40

Tsi natwakatonhontsóni nakatewénhnaraʼkwe ne satsiawenhrá꞉tseras; thontáskon ná꞉se atónnhets, asèken í꞉se ne teshonkwetaiéri í꞉ken.

Psalms 119:94

Ní꞉ih í꞉se shonkwéta í꞉ken, tatiatanónstat; asèken wahkesáhkon ne saianerénhsera.

Psalms 37:24

Tó꞉ka enhatihiatiénenne iáh kí tiahontʼkóntaʼkwe, tsoríwah ne Roiá꞉ner enshakosniénon ne tahonsahatítaʼne.

Proverbs 1:29

Iáh nonwén꞉ton tesaniaheshá꞉ʼon ne karihonnienníhtshera tánon iáh nonwén꞉ton tesathontá꞉ton ne ahtshewèn꞉narahkwe ne Roiá꞉ner.

St. Mark 9:24

Ok eh katsitaratie tsi tontahenron ne raksaa roniha: Teȣaketakȣen, Saianer! Takienaȣas akenikonrastotserakon.

Luke 10:42

Tsioriȣat ok sane ne kariȣakȣeniio: Onȣari iotaterakȣenni ne ioiataterit, nese ȣaonni iahki taonsakonȣakkȣa.

2 Corinthians 12:9

Nok tontaharihwaserá꞉ko, “Thok ní꞉kon tesatonhontsó꞉ni ahshá꞉wake ne nakitén꞉rat. Tho nikahá꞉wi akkweniáhtshera kwáh ísi nón꞉we nikáhsatste nó꞉nen ní꞉se iáh tesonhnháhsatste.” Tóka káti ne Kerístos tiókonte tahakwawihátie ne raokweniáhtshera, kwáh akwatshennonniahtsherá꞉kon tsi akatahthá꞉rahkwe tsi niwaktsí꞉ioha.

Deuteronomy 30:19

Ó꞉nen tkwá:wis nahisewatateráhkwase kak niká꞉ien atónnhets khés ne kenhé꞉ion, tsi naʼtetiátere ne Rawenni꞉io rahohiaʼtaterí꞉tshera tánon ne rahorewahtátshera, tánon iakhenáhton ne tsi karonhià꞉te ó꞉ni ne tsi ionwenhtsáte nah kenirihwahní꞉rate tsi nenshahtatheráhkwase. Atónnhets shahtatheráhkwas.

Philippians 4:13

Kwá tsík nakahiotenseróten enkʼkwéni nahontióten tioríwa tsi Kerístos rahkesastenseráwis.

Joshua 24:15

Tó꞉ka iáh thóh teshá꞉nikonróh꞉ten nahtsiotense, iateshá꞉rihwaientas nón꞉wa wenhniserá꞉te ónhka enshé꞉hiotenhse, ne kahiá꞉tonhnisonhas ne shá꞉sotʼtserahokonkenʼen rathisennahienskwe ne Mesopotamia tó꞉ka ó꞉ni ne rahothihiatonnis ne Amorʼró꞉nons, tsi róh꞉nonha rahononhontsake nón꞉wa non nishé꞉nahkere. Ók ki ní꞉i tánon nakwahtsire, Roiá꞉ner ki enshá꞉kwahiotenhse.”

Joshua 24:22

Joshua wahshá꞉korohri, “Isek khók thisehwathaterihwanirahtis né nahorihoten tsi wesehwataterahkwahse nahtsisehwahiotense ne Roiá꞉ner.” “Hen,” wahonniron, “iih iakwahtateriwahnirahtse.”