Psalms 119:15 - Ohiatonhseratokénti

¹⁵ Kateweiénstha ne saianerénhseras; tánon wahkatʼkenhsehátie ne sarihonhnienhnítserah.

Psalms 119:15 ပူးပေါင်းရင်းမြစ်များ

Genesis 24:63

Tánon né Isaac iahahiá꞉kenʼne ne kenʼk sitioʼkará꞉ʼon kahentà꞉ke waʼthatekhahahkwá꞉na nok wahatahrakétsko tanon wahshakó꞉ken iotiniaʼkwáhere takón꞉ne.

Psalms 1:2

Khèʼkok, ronhnerientiʼióstha nahontewénhnarahkwe ne Roiá꞉ner raohianerénsera, kwáh tsiókonhte tsi rotiwenhnanóte ó꞉ni rononthonhniónkwas nahorihonhnienhnítshera niaʼtwenhniseráke tánon niaʼtehiokaraʼtseráke.

Psalms 119:117

Takatiénawast, tánon kíʼkwáh enwahtiatanónsthate, tánon kí kwáh tiotkonhónwe tsi enkenikonráhraʼke ne sahtsiawenhrátseras.

Psalms 119:131

Kwáh í꞉ken tsi tehiotenonhianíton tsi nikaskáneks ne sahtsiawenhráhseras kwáh tewahkerhiashishónkwa tsi natewahkatskaráhwenh.

Psalms 119:148

Ashontakwékon tsi nitsiatiónhni iáh tewahkítas, ne kateweiénstha ne saianerénhsera.

Psalms 119:23

Ne ratikoráhsons rontkenhnisáhas tánon hionkateristaiénhnis, ók kí kwáh enkatéweienste sarihonhnienhnítseras.

Psalms 119:48

Kweniénstha tánon kerihwanorónhkwah ne satsawenhrátsera; kwáh katewehiénstha ne sarihonhnienhnítsera.

Psalms 119:6

Eʼthóhʼne káti kwáh iáh tahonkatéhate, tsoríhwa tsi thóh nón꞉we natewakʼkarotáhon akwé꞉kon tsi nisatsiawenhráhton.

Psalms 119:78

Sewenní꞉io sehiatéhat ne ronhtatónh꞉ni, ne tsi nihoti nó꞉wenhs ionketʼkenhténhnis ne kwáh iáh othènen tetkarihónhnis; ók ní꞉i wahkateweienstonhátie ne sarihonhnienhnítsheras.

Psalms 119:97

Óh, tsi nikenorónhkwah ne saianerénhsera! Niahtewenhniseráke ne kanonhtonhniónkwas.

Psalms 119:99

Sénha ishinónhwe niwahkenikonrahiéntas tsi ní꞉ioht ne ratikwékon tsi nihotinikonhraiéntas ne ionkerihonhniénhnis, tsioríhwa tiotkonhónwe ne kanontonhniónkwas ne sarihonhnienhnítsera.

Ne꞉ne Sák Rohiaton 1:25

Nók tóh꞉ka kwáh ákta tsi enskenhénhion ne kahianerenserí꞉io ne tsi nikáien tiakotatewennihiósta nónkwe, tánon nètho kwáh áktha tsi ensatennikonráren, tánon kwáh iáh tasathahónsatatʼte tánon ó꞉ni entsisanikónren, nók tóh꞉ka enshiótenste—Rawenni꞉io enhiaʼiatatériste tsi nensátiere.