Psalms 119:144 - Ohiatonhseratokénti

¹⁴⁴ Ne saianerénhseras tiotkonhónwe tkarihwaiéri í꞉ken, táskon ne kaninkonraienthátshera ne nahónton akónnheke.

Psalms 119:144 ပူးပေါင်းရင်းမြစ်များ

Psalms 119:138

Ne kaianerénhseras ne thisatkáwenh kwáh kanánon karihwakwahrihshiónhtshera í꞉ken tánon orihwahkwékon orihwiʼiohónwe í꞉ken.

Psalms 119:151

Ók ní꞉se tiatákkta í꞉ses, Saiá꞉ner, tánon akwékon ne sahtsiawenhrasera tsi iorihwaniron í꞉ken.

Psalms 119:152

Wahónhnise tewahkarónhken ne saianerénhseras. Ne shonhniáton ne tsi nénhwe enkénhake.

Psalms 119:169

Satthóntet tsi natekaséntʼtos niahónwe ne sahénton, Ó Saiá꞉ner; táskon ne kanikonrahienthátshera tsi nitewètha ne sawénhna!

Psalms 119:17

Tasarihwaiérik tsi nenhskatiéraʼse, í꞉ih ne sanhátsera í꞉ken, ne nahónton akónnheke tánon akatewénhnarahkwe ne sarihonnienníhtsera.

Psalms 119:34

Takónhnien nakʼkwéni ahonkenikonhraiénhtaʼne ne saianerénhsera; kwáh akatonhnhetserakwékon tsi enkatiénawasʼte.

Psalms 119:66

Takerihónhnien nahioianeréhake tsi tatiatoréhthake norihwasónhas ó꞉ni ne táskon natʼtokhátsera, asèken tewaketákwen ne sahtsawenhráhtseras.

Psalms 119:73

Satshanáke watsiatíshon tánon watiatasherónhni; tewakáwis nahonkenikonraiéntaʼne ne nahónton akewehientétaʼne ne satsiawenhráhseras.

Psalms 19:9

ne raoteronkwáhtsera ne Roiá꞉ner tsi aóskon í꞉ken, tsi nénhwe tsi thenkawisháststeke; Ne raorihwenhthátsera ne Roiá꞉ner tsi tó꞉kenske í꞉ken tánon kwáh tiokwét꞉ton karihwakwahrishón꞉tsera í꞉ken.

Proverbs 10:21

Tiakorihwaié꞉ri akowennaʼshón꞉ʼa wé꞉so eniakoiaʼtakéhnha nón꞉kwe, ók ní꞉se enhskwé꞉ni enhsatatenonhwarhiakon tsi nisanonhwaró꞉ri.

Proverbs 4:4

Rakeʼníha rakerihonnién꞉ni, wahèn꞉ron: “Sehià꞉rak tsi nahò꞉ten enkí꞉ron tánon tóhsa nonwén꞉ton sasaʼnikónhrhen. Tho ná꞉tsehr nahò꞉ten enkonhró꞉ri tánon enhshónhnheke.

Proverbs 7:2

Thóh ná꞉tsehr tsi nahò꞉ten ká꞉ton tánon enhshónhnheke. Seʼnikón꞉rarak íhtshehr tsi ní꞉ioht tsi konrihonnién꞉ni tsi ní꞉ioht tsi seʼnikón꞉rare ne skahrà꞉ke.

Isaiah 27:11

Né nó꞉nenh ne kanhá꞉hatakwení꞉io iostatʼtenhén, tekaiá꞉khons; konhnón꞉kwe entkonhne ne enkontʼtsenhonhniate. Asèken né kí ken nonkweokons né iah tehotiien nahotinikonraientane; ne neʼtho í꞉ken tsi niká꞉ien ne sakohiatison iah tahontahó꞉tenonwák꞉then, né sakohiatonhnianion kwáh iah thá꞉sakawehnesthen natatithenhron.

Jeremiah 4:22

Ne Roiá꞉ner ráton, “Nakonhkwethashón꞉as kwáh thoʼnahthónnokʼthe; iáh tehiontientéri. Thóh nihonnonhnótens tsi ní꞉ioht ne tehonahtenonhwahroríhthonʼte ratiksahokónhas; iáh tehotíhien nahothinikonhrahiéntahʼne. Tsi nihathiwéienhte ne kariwahétken tsi nahóntiereh, ók thóh thinórons tsi nahóntiereh ne ioiánereh.”

Daniel 12:10

Iakotiohkowá꞉nen ensehshakoʼnikonhrahserón꞉ni. Tsi nihá꞉ti ne rotirihwané꞉ren iáh thahotiʼnikonhraién꞉taʼne nok ienhontahshónteren ne raotirihwanerenʼaktsherá꞉kon; né khók ne ronteʼnikonhrattókha enhotiʼnikonhraién꞉taʼne.

Hosea 4:6

Nakonkweʼtashón꞉as wahonwanátonte ne tsi iáh tsiatekaié꞉ri tsi nihonaterienʼtá꞉rakwe; ne aorì꞉wa ne tsi wesewakénron ne attokhátsera, wakonkénron kí ò꞉ni ní꞉se tsi iáh attsihénstatsi thasá꞉ton. Tiorì꞉wa tsi saʼnikonrénhen ne raoianerénhseras ne Rawenni꞉io, kwáh kí ó꞉ni ní꞉i enkheiatanikónhren ne seioʼokónha.

Matthew 13:19

Ne tsi rotaonsate ne ronkȣe ne Niio raoȣenna, nok iah tehonikonraientas, Ranikonraksen tare nok ȣahanensko tsinikon kaienthonne raȣeriane: neh ȣahi neneh roton, nohahakta ionatsiakerontaon.

Matthew 5:18

Aseken kȣarori, ohenton naonsontonȣentsiarisi, iahtekonte tsi ienkaierite tsinikaiaton akȣa ok oni eh niiaȣensere.

John 17:3

Kenh kaien enhiakaonnhete onȣe: neh naiakoterientarake tsi sonhaa ok ne Niio, nok ne tetsiatorion, Iesos-Keristos.

2 Corinthians 4:6

Ne Orihwatokénhti wá꞉ton, “Rawenni꞉io tahanónhton tsi waʼtioswá꞉theʼne tsi nón꞉we tetiokaráskwe.” Nón꞉wa ne Rawenni꞉io tehoswathé꞉ton ne onkwerià꞉ne nakwahronká꞉ten ne raoiaʼtanehrakwáhtshera tho weʼnéston raonhà꞉ke ne Ié꞉sos Kerístos.