Psalms 119:127 - Ohiatonhseratokénti

¹²⁷ Kenorónhkwa ne satsiawenhráhtsheras sénha tsi ní꞉ioht ne kwáh tiohiánere owistanórons.

Psalms 119:127 ပူးပေါင်းရင်းမြစ်များ

Psalms 119:14

Wakerientí꞉ios tsi ítʼsehre ne sahianerénhseras sénha tsi ní꞉ioht nahontkwatséhake.

Psalms 119:47

Keʼtsénhries tsi wahkerientiʼióstha tsi katewenhnaráhkwah ne satsiawenhratseras, tsioríhwa tsi nikerihwanorónhkwah.

Psalms 119:72

Ne kaianerénhsera ne teskáwi wé꞉so kéntons nakerihwáke sénha tsi níkon káien ne kawistará꞉kens ne tsi ionhontsáte.

Psalms 19:10

Sénha né tehiorenhkénʼniet nètho tsi ní꞉ioht nowistanóron, ó꞉ni ne wé꞉so kawistanoronhtserí꞉io; tánon sénha tehiotsikhétare tsi ní꞉ioht ne otsinakontakwáhne otsikhéta, tánon tsi niwattsánons ne tsi rathisestathahástha notsinahkontakwáhne.

Proverbs 16:16

Kwáh sénha ísiʼ non tsi ioiánere nashiena nattokhahtsherí꞉io tsi ní꞉ioht noʼ ohwistanó꞉ron. Nashena kanikonraienthatshera tsi aiesaiatarakwen tsi niiot ne kawistaráken.

Proverbs 8:11

Í꞉ʼi ne Attokháhtshera, Í꞉ʼi sénha watiánere tsi ní꞉ioht ne ohwistanoronʼshón꞉ʼa; iáh oʼthé꞉nen thaʼtesatonhontsó꞉ni ne taionkhí꞉ren.

Ephesians 3:8

Í꞉i tshiahonhá꞉a kén nitká꞉a tsi niháti ne Rawenni꞉io rahonkwetaʼsónha; tánon kíʼ Rawenni꞉io takáwi kí꞉ken kakweniensthátsera nehne hiakehawítase neh iáh tehathisitaerónons ne kariwí꞉ios tsi niwatʼrhoriátha iáh tsehiótokʼte ne Kerístos rahohiathanerakwátsera,