Psalms 119:125 - Ohiatonhseratokénti

¹²⁵ Í꞉i ne sanhátsera í꞉ken; táskon ne kanikonhrahienthátsera, ne káti nahónton ahonkateriénhtarahne ne sarihonhnienhnítsheras.

Psalms 119:125 ပူးပေါင်းရင်းမြစ်များ

Psalms 116:16

Ó Saiá꞉ner, í꞉ih ne sanhá꞉tshera í꞉ken; Konhióthenhse kwáh tsi niʼiohtónhne nakenistenkénʼen. Sestiatotaríhshion kenheiát꞉ne.

Psalms 119:11

Akweriá꞉ne nón꞉we niwahkatewenhiénton ne sawénhna, ne natkwéni ne tó꞉sa akerihwánerake tsi nòkwah ní꞉se.

Psalms 119:29

Takenónstat ne tó꞉sa karihwahét꞉kenke nòkwah niáke, tasahrihwaiérik nakonháke tánon takerihónhnien ne saianerénhsera.

Psalms 119:34

Takónhnien nakʼkwéni ahonkenikonhraiénhtaʼne ne saianerénhsera; kwáh akatonhnhetserakwékon tsi enkatiénawasʼte.

Psalms 119:66

Takerihónhnien nahioianeréhake tsi tatiatoréhthake norihwasónhas ó꞉ni ne táskon natʼtokhátsera, asèken tewaketákwen ne sahtsawenhráhtseras.

Psalms 119:94

Ní꞉ih í꞉se shonkwéta í꞉ken, tatiatanónstat; asèken wahkesáhkon ne saianerénhsera.

Psalms 86:16

Takatʼkátho tánon tasarihwaʼiérik nakonháke; tá꞉tion ne sashaststénhsera ne sanhá꞉tshera; tsioríhwa tsi í꞉se konhióthenhse kwáh tsi ní꞉ioh tónh꞉ne nakenisthenkénhen.

Proverbs 14:8

Oh nontié꞉ren ne rattókha tsi teiakoʼnikonhráthe? Ne tsi roterién꞉tare tsi nihatiéhrha. Oh nontié꞉ren ne iáh thaʼtehoʼnikonhráthe tsi tehotenonhwarorí꞉tonte? Ne tsi í꞉rehre raonhá꞉ʼak roterién꞉tare.

Proverbs 9:10

Tókaʼ sahská꞉neks ahsattókhake teiotonhwentsóhon kiʼ ne ahtskweniénhsthake ne Roiá꞉ner. Tókaʼ ehtshienté꞉ri ne Roiaʼtatokénhti, saiená꞉ʼon kiʼ ne kaʼnikonhraientáhtshera.

Romans 6:22

Nók kíʼ nónwa ónen tsi sewathotaríshion ne kariwanerenhákʼkonke, tánon kíʼ ónen thóhʼnon nitsisewanáskwa tsi nòkwati ne Rawenni꞉io. Enkanánon natónʼnhets tensewaténtsa tsi nensewariwatóken꞉ke ne rahonháke, tánon ne iehiokwékton natonʼnhes ne ionʼnheónwe.

2 Timothy 2:7

Sanonthonniónko tsi nahóten kathónnions, tioríhwa ne Roiá꞉ner enʼiasniénion noriwahkwékon aisanikonraiéntaʼne.

Ne꞉ne Sák Rohiaton 1:5

Nók tóhka ónkak tsi nítion tisewatótʼtani ne kanikonraienthátsera, teʼiontonwentióʼon Rawenniʼióke iasewaterénnaien, rahónha enthetsítion; asèken ne Rawenni꞉io kwáh raweriáne nitewétha ó꞉ni atanitentserákon tsi ákwe tesakówis.