Psalms 119:122 - Ohiatonhseratokénti

¹²² Tsiarahráts꞉ten ne sanhátshera tsi nòkwah ne raotakarihthétshera; tó꞉sa sehríhon ne rontatkowanátha nahionkeronhiákenhte.

Psalms 119:122 ပူးပေါင်းရင်းမြစ်များ

Genesis 43:9

Kwáh í꞉ʼi enhinón꞉na; tánon enwá꞉ton ne í꞉ʼi akaterihwakéhtate ne raorihwá꞉ke. Tókaʼ iáh skén꞉nonʼk thaonsahiiá꞉thewe ne tsi tsí꞉teron, tánon sahén꞉ton aonsahitskwá꞉ren, eʼthó꞉ne kiʼ kwáh í꞉ʼi enkatkétate tsi enwakéhnhiʼke tsi nén꞉we enkénhake.

Job Tánon ne Raoronhiakensera 17:3

“É꞉tho í꞉tien nasará꞉ratste nakerihwà꞉ke ne kwáh iateshiá꞉ti í꞉ken; ónhka né꞉tho akénhake kwáh ahontahiónkon nahionkararátsten?

Psalms 119:21

Wasehiatewenhnaiéntonhwe ne ronhthatónhni; sehrewátha tsi nihiákon ne iáh tehiontewenhnarákwah ne sahtsiawenhrátsera.

Psalms 36:11

Tó꞉sa sehríhon ne rontatkowaʼnátha nahontahionkatsatónhti, khés ne ronhnonkwetaʼhétkens nahionkón꞉nien akatèko.

Isaiah 38:14

Kwáh tsi ní꞉ioht ne kentarakónha khés ne ohhakwáronh ehniwakaterihwatieníston, Wakonsèhna tsi ní꞉ioht nórite. Tewatʼkarakenhéion tsi éhʼneken iatetká꞉nere. Ó Saiá꞉ner, tewakenikonrawiʼsenhéion; í꞉se takenikonrárat!

Hebrews 7:22

Kí꞉ken tetsatʼtí꞉hen, káti, ó꞉ni iónnis ne Ié꞉sos rahriwahnírats sénha iohiánere naʼteriwahsherionniátshera.