Psalms 119:120 - Ohiatonhseratokénti

¹²⁰ Í꞉se saríhwa tsi wák꞉terons; tánon ne wakteronhkwénhnis ne sarihwenhthátshera.

Psalms 119:120 ပူးပေါင်းရင်းမြစ်များ

2 Kings 22:11

Nó꞉nen ne ronontí꞉io sahotʼthónteʼne ne kaiatónhsera onʼtewenhnaʼnó꞉ten, waʼharatiónko ne raʼotsherón꞉niat tsi nontahanikónrenhne,

1 Chronicles 24:30

Né Mushi áhsen nénh꞉ne nehonekenterontsheraiéntaʼkwe: né꞉ne Mahli, Eder, tánon ne Jeremoth. Né kí꞉ken tsi nihatiwatsiróhtensʼkwe ne Leviró꞉nons.

2 Chronicles 34:21

“Wáhs iatierihwanón꞉tons ne Roiá꞉ner nakerihwáke tánon nonhkweʼshón꞉a ne Israerʼró꞉nonke tánon ne Judah nón꞉we shé꞉kon nihonathaténhron. Sehrihwísat nahorihonhnienhnítshera kí kén kahiatónhsera. Né Roiá꞉ner shonkwahnákwahse tsioríhwa ne ietisotʼthonkonhkénʼen tsi iáh tehonatewenhnaráhkwenh ne Roiá꞉ner raowénhna tánon iáh éhtho tehotiʼiéren tsi niwá꞉ton kí꞉ken kahiatónhsera tsi nihioterihwíson tsi nahiéiere.”

2 Chronicles 34:27

tánon sehsewatatréhwaʼte tánon ehtàke sesehwathatónhni natkénton, wesehwarahtiónko ne sehwatserón꞉nia tánon tesewaséntʼthos, né sehsewarihwáronhke tsi ní꞉ioht tsi tkherón꞉kwahkwe tsi nenhtréwaʼte ne Jerusalem tánon nahonkweʼtaʼshón꞉a. Onhkatʼthónhteʼne ne sewaterénhnaiet,

Job Tánon ne Raoronhiakensera 23:15

Ne kí aorì꞉wa tsi nihitsá꞉nis; nó꞉nen ne enkanontónhnionʼwe, ne watsatananónkta kateronhkwá꞉tshera.

Job Tánon ne Raoronhiakensera 31:23

Waʼkteronhkwén꞉nis natkaronhniá꞉tsera; ók ne tiorì꞉wa tsi thontahá꞉taʼne nahontahakatiaʼtón꞉ti kwáh kí iáh tatkwé꞉ni niakatashón꞉teren.

Psalms 119:53

Nó꞉nenh enkhéken ne rononkwetahétkens tehatíʼiaks ne saianerénhsera, kwáh wakatenakwakwenráhtis.

Psalms 88:16

Ne sanhakwáhtshera tewaʼtiatoráhrats; tsi natehiotenonniaʼníton teskatsiatón꞉tses tewaʼtiataríhtha.

Isaiah 66:2

Oriwaʼkwékon kí ken katsaná꞉ke ioshaʼáhnion, tánon káti orihwaʼkwékon kí꞉kens Í꞉i akáwenk, rá꞉ton né Roiá꞉ner. Ók né kí kíken tsi nikáien né kwáh tenkhehiatʼkáneren, né nehthàke iakotatónhni tánon né teiakawerhiaʼsaríhon, ronón꞉ha rotiʼiatíshonʼkwe nakewenhnaʼókons.

Isaiah 66:5

Sewatahónsatat né raowénhna né Roiá꞉ner, í꞉se né ensewaiatíshonʼkwe né raoʼwénhnake: Né kwáh í꞉se tionkwetaʼshón꞉has iesáhswenhse tánon iesatewenhtétonne nakʼsénhna iorihonhníhon wá꞉ken, “Ahnion né Roiá꞉ner ronwahiatanerá꞉kwat, né káti nahónton aiawatkátho né satonhnhaʼrátshera”; ók kí ronónha né kwáh enhonwanatéhaʼte.

Habakkuk 3:16

Wakaʼthón꞉te akwé꞉kon kí꞉ken, tánon onhtsiatí꞉shonkwe; tsi nió꞉re tsi wáterons waʼtewakenawirohó꞉khon. Tánon tahkwaʼáshon onkatiénhase ne tiéronhke, tánon waʼtiatishónkwa tsi nón꞉we niʼttákwe. Kwáh kíʼ skén꞉nonk thenkénhake tsi nenhkateráhrate ne iaʼkáhewe nó꞉nen ne Rawenni꞉io ensakorewaʼte tsi niháti ne tionkhiiatsatónhtses.

Philippians 2:12

Tekanórons tewathoronsónhas, tiotkonhónwe takwawennarákwakwe sesʼnónen skátne ítewes. Nonkʼkinónwa onensewakaténtion, ónen kisènha teiohthonwentióhon naisewatewénnarakwe. Katerontserákon tsi ní꞉ioht tsi sewahióten tánon aisewahiathisónkwaʼke tsi aisewátʼthoke tsi nikéntons nahonsaieniákenʼne.

Hebrews 12:21

Tsi nahóten onténesthe thóh nió꞉re tsi iót꞉teron ne Mahís wahénron, “Waʼtiathishónkwah ó꞉ni wátʼterons!”

1 Samuel 6:20

Eʼthóhʼne nokweʼókons ne Beth Shemesh wahonní꞉ron, “Ónka ahaʼkwé꞉ni tahátaʼne raoʼhén꞉ton ne Roiá꞉ner, kí꞉ken roiataʼtokénhti Ní꞉io? Ónka ne thóh iá꞉re ne káti nahón꞉ton éh꞉ren atsitewahiaʼtenháwiʼte?”