Psalms 119:112 - Ohiatonhseratokénti

¹¹² Iatewakerihwaiénhtase nakatewénhnarahkwe ne saianerénhseras, kwáh tsi nió꞉re ienkí꞉heie.

Psalms 119:112 ပူးပေါင်းရင်းမြစ်များ

1 Kings 8:58

aiáwens asonhtiónhnien naʼtsitewawenhnará꞉kwahke, né káti nahónton tiókonhte thóh ní꞉ioht tsi ahitiónhneʼke tsi kíʼ natehotonhontsióni nahitiónhneke, ahionhkwahtienawasʼtónhake akwékon ne kaianerénhseras ó꞉ni ne karihwatátʼtseras ne teshakówi ne ietisotʼthonkonhkénhʼens.

2 Chronicles 19:3

Ók éhʼtho kíʼ nenhʼné꞉e, osthónha ká꞉ien ne ioiánere ne sonháke. Akwé꞉kon éhren skahawithánion tsi kaiatarónh꞉nions ne kaní꞉io Asherah tsi né konhwasennaientákwahkwe nonhkweʼshón꞉as, tánon ní꞉se wasatheniénhten né꞉ne ahtié꞉re nahonthatienikonhraiérite ne Rawenni꞉io.”

Ezra 7:10

Ezra wahaterihwatokénsthe ne tsi rónhnhe nahatéweiensthe ne Roiá꞉ner rahoianerénhseras, nahahioténsthe, tánon nashakorihónhnien oriwakwé꞉kons ne kaianerénhseras tánon tsi nikaianerenhseró꞉tens nonhkweshón꞉as Nisraerró꞉nonke.

Psalms 119:33

Takerihónhnien, Saiá꞉ner tsi nikéntons ne saianerénhseras tánon kwáh tiotkonhónwe tsi enkatewénhnaraʼkwe.

Psalms 119:36

Takónhnien thóh nahonkenikonhrothénhake tsi akatewénhnarakwe ne saianerénhseras, né꞉ne tó꞉sa othènen ahonkaskenaséhake.

Psalms 119:44

Kwáh tiónkonte tsi enkatewenhnaráhkwahke ne saianerénhsera, né꞉ne tsi nénhwe tánon tsi nénhwe enkénhake.

Psalms 141:4

Tó꞉sa né sattónhtat nakerhiá꞉ne né꞉ne akanonhtón꞉nionhwe ne karihwanerahát꞉tshera, né꞉ne takatateweienhnará꞉te ne karihwahetkénsera aohiothénhsera tó꞉sa akhehiatoresherónhnien tsi nikáien rotihióthens ne karihwanerahát꞉tshera; tó꞉sa akhehiatsátarahse ne tahiakwáhtonhte tsi nihonthenhniótha.

Psalms 18:22

Asèken akwékon ne raoianerénseras akʼkénton káien, tánon ne raoianerénhseras iáh éhʼren tewakkwíton nakonháke.

Proverbs 2:2

Satahónhsatat tsi nahò꞉ten wattokhahtsherí꞉io tánon sateʼnién꞉ten naiesaʼnikonhraièn꞉taʼne.

Philippians 2:13

Tionhakéson shènon nihoiohtáties ne Rawenní꞉io natsitsiónʼnien, tánon ó꞉ni natsisewawénnarakwe.

Joshua 24:23

“Kwáh káti éhren sehwahawit ti ken thí꞉kaniioserathe sehwahien,” kwáh wahshá꞉kohtótʼthakwen, “tánon kwáh iohriwahniront tsi sehwarihwató꞉kenhak rahonháke ne Roiá꞉ner, ne Sakowenní꞉io ne Israerʼró꞉nonhke.”

1 Tiér 1:13

Kwáh káti, ioianeréhak tsi sewanontonniónko tsi nensewátiere. Sewatateweiennentaónhak tánon ieiokontakwénhak thoʼnónwe nasewarárek neh kaiataterítsera tsi nentietsíʼion nónen ne Ié꞉sos Kerístos enʼonwéneste.

Revelation 2:10

Tó꞉sa shá꞉teron tsi nahoʼténhsons aseronhiáken. Thasatatehnikón꞉raren, ne ranikonraʼsen skanó꞉rons iatsisewahiatónhti tohkára nítion tsi ionthatenotónhkwah ne káti ní꞉se naietsiiateʼniénten, tánon oié꞉ri nón꞉ta ní꞉se kwáh tensewaterientakári. Ók sewariwatokénhak tsi nió꞉re kenhé꞉iatne, tánon í꞉i entkwáhion ne oronhónkwa ne iónhne.