Psalms 119:103 - Ohiatonhseratokénti

¹⁰³ Tsi natehiowenhnatsikhétares ne sarihonhnienhnítseras, sénha ne tehiotsikhétare tsi ní꞉ioht notsinakonhthakwáhne raotiʼtsikhéta!

Psalms 119:103 ပူးပေါင်းရင်းမြစ်များ

Job Tánon ne Raoronhiakensera 23:12

Akwé꞉kon thóh niwatiéren tsi nihakerihwathá꞉ti; wakenorónston ne raowenhnaó꞉kons ne tsi rasakà꞉ronte sénha tsi ní꞉ioht ne kákhwa tsi natahonkatonhontsó꞉nike.

Psalms 19:10

Sénha né tehiorenhkénʼniet nètho tsi ní꞉ioht nowistanóron, ó꞉ni ne wé꞉so kawistanoronhtserí꞉io; tánon sénha tehiotsikhétare tsi ní꞉ioht ne otsinakontakwáhne otsikhéta, tánon tsi niwattsánons ne tsi rathisestathahástha notsinahkontakwáhne.

Psalms 19:11

Ronónha ó꞉ni ne iorihonhníhon ne sanhátseras ronwatitokaténhni; nenhontiénawaste kowánen tsi tenhonaterihwasehrákwahse.

Psalms 63:5

Kwáh kíʼ enwaʼkerenhtí꞉io tsi ní꞉ioht nón꞉kak iakotekwáhrakwe ne tsi waʼthenhnió꞉te, kwáh kíʼ atʼtsenhnonhniatsherákon tsi tenkonhnonweráton.

Proverbs 2:10

Enhsattókhaʼne tánon karihonnienníhtshera entí꞉son ó꞉ni atonhnharáhtshera.

Proverbs 3:17

Attokháhtshera entkáhawe ne ionʼwé꞉sen tsi ahsónhnheke eʼthó niensaiaʼténhawe tsi nón꞉we aiesaiaʼtanónhstate tsi iathenshotʼkawe.

Proverbs 8:11

Í꞉ʼi ne Attokháhtshera, Í꞉ʼi sénha watiánere tsi ní꞉ioht ne ohwistanoronʼshón꞉ʼa; iáh oʼthé꞉nen thaʼtesatonhontsó꞉ni ne taionkhí꞉ren.

Song of Songs 5:1

Táke nakhétakon, tiatenósen, aktsikhéta, waʼkatateróʼrohkse ne wenhienaʼnórons skane ne wenienaʼkonhonson, wáʼkehke nakáʼwenk ohtskeréwak skátʼne naʼkahónha nakʼtsikéta, wakʼnekíra naʼknéka onenharákeri skátʼne nonónhta. Tesewatskà꞉on, O ateróhseras, tánon sewanekí꞉ra; sewanekí꞉ra wesóhak, O sewaténros!

Ezekiel 3:3

Tánon wahakénhase, “Rónhkwe iaiénha, ísek kí꞉ken kahiatonserahkweʼnónhni nètho takónhion tánon ne enkonhnekwénhtike.” Wáhkehke, tánon ètho nihiakonhonwetseró꞉ten tsi ní꞉ioht ne otsinakonhthakwáhne otsikhéta.

Revelation 10:10

Káti iaháko ne kenhní꞉wa kahiatonhserakwenhnón꞉ni ne ratsá꞉nake ne raronhiakeró꞉non tánon wáhkehke, thóh natehiotsikhè꞉tare ne tiá꞉kon tsi ní꞉iot ne otsinaʼkontaʼkwáhne otsikhè꞉ta ne tiá꞉kon, ók nó꞉nenh saʼké꞉ke, ne kenekwenhtá꞉kon wahotskárane.