Psalms 118:12 - Ohiatonhseratokénti

¹² Thóh ní꞉ioht tsi waʼtionkehonwaʼrónhni tsi ní꞉ioht notsinakontakwáhne; waʼthonréni kwáh tsi ní꞉ioht nó꞉nen nohíkta iotékha; raosénhnakon ne Roiá꞉ner tsi waʼkhehiátonhte!

Psalms 118:12 ပူးပေါင်းရင်းမြစ်များ

2 Samuel 23:6

Ók ne iáh teotiniʼioseráien ratikwé꞉kon thóh nihatiʼiatótens tsi ní꞉iot ne oíktas níhse iewátion; asèken iáh thahón꞉ton tahonwatiʼiá꞉takwe rontshanákes áhiontste;

Psalms 20:1

Aiáwenhs ne Roiá꞉ner aiaienáwase nó꞉nen tenhsanikonhráhren! Né raosénhna ne Raoní꞉io ne Jacob thiá꞉ne!

Psalms 20:5

Aiáwenhs tahionkwahénrete nattsenhnonhniátsera tsi sahtesénhnion, tánon raosénhnakon nonhkwaNí꞉io tewaʼniatarakétsko. Aiáwenhs ne Roiá꞉ner akwé꞉kon ahontáhion tsi niseriwaʼnón꞉tons.

Psalms 58:9

Nohénton nahonateriéntarane ronwatironhtsiákon tsi ní꞉ioht nóhonte; raonakwahtsherákon ne Rawenni꞉io kwáh tensakótehnste tsík sénhak shé꞉kon ronnónnhe.

Psalms 8:9

Ó Saiá꞉ner, onhkwaiá꞉ner, tsi nihiosenhnahneráhkwat ne sasénhna nonhontsakwékon í꞉ken!

Ecclesiastes 7:6

Nónen ne tsiakotónhnhokʼte eniestériste, thóh ní꞉ioht tsi shí꞉ken ní꞉ioht ne ohíkta watʼthathónwaks tsi iotékʼkha. Kwáh iáh othén꞉nen tekéntons.

Isaiah 27:4

Iah tewakenakwens; Tó꞉ka ne entewakon nohiktas tánon nhó꞉nionhwaras, kwáh thóh nienhenke nahiatsaterí꞉io. Kwáh kí enkatsahá꞉thakwe.

Isaiah 33:12

Tánon nonkweshón꞉has Kwáh né thóh nenhiotónhake tsi shí꞉ken ní꞉ioht ne kentarakeríhton iakotsatatʼtsaháton, tsi ní꞉ioht ne ohíkta kaiákon, né꞉ne tsi iotétkha watsaháhton.”

Nahum 1:10

Kwáh tsi ní꞉iot nhonionwá꞉ras ne rotiiatotaréston, Kwáh tsi ní꞉iot ne ratinekakástha rotinekatárions; ronatsiatakʼtions tsi ní꞉iot ne kawá꞉he.

Deuteronomy 1:44

Ethò꞉ne ne Amorʼró꞉nons ne nónhwe nihatinahkerè꞉kwe ne tsi iononhtaʼrónhnion taietsihiatiaʼtónhti tsi ní꞉ioht ne otsinahkontaʼkwáhne iohonwarahrátie. Wahitsísehre tsi nió꞉re ne Hormah tánon wahitsiʼsénhni thóh ne tsi iononhtaʼrónhnions ne Edom.

1 Samuel 17:45

Ók ne Táwit wahawénhase ne Philistiaró꞉non, “Ní꞉se akonhá꞉ke nontáhse sasharenháwi tánon kaiénkwireh ó꞉ni ne iesahniontsethákwa; ók kiʼ ní꞉i shonháke nontáhke thóh raosenhná꞉kon ne Sakoiá꞉ner ne ratironhiakeró꞉nons, ne ne sakoNí꞉io í꞉ken ne ronterí꞉ios NʼIsraerʼronónke, tsi nikáien ní꞉se entsenhnaksáton.