Psalms 115:13 - Ohiatonhseratokénti

¹³ kwáh ensakohiatatériste tsi niʼiákon ronhwaʼkweniénstha ne Roiá꞉ner, tetsarónh꞉kwen í꞉ken ken naiákasʼke khés naiekowaʼnénhke.

Psalms 115:13 ပူးပေါင်းရင်းမြစ်များ

Psalms 112:1

Tehonwaʼnonweráton ne Roiá꞉ner! Iakotáskats tsi niʼiákon ronhwaʼrihwaʼkweniénstha ne Roiá꞉ner, kowáʼnenh tsi iakotonhnáhere tsi iontewenharákwa ne raotsiawenhrá꞉tseras.

Psalms 128:1

Iakotáskats nonkwetaʼkwékon ne ronwakweniénstha ne Roiá꞉ner, né thóh nón꞉we nihiakothahí꞉take tsi rohatátse.

Psalms 29:11

Aiáwenhs ne Roiá꞉ner ahontasaká꞉wen ne kashaststénhsera ne rahonkwetashón꞉has! Aiáwenhs ne Roiá꞉ner asakohiathatériste ne rahonkwetashón꞉has né꞉ne skénhnon í꞉ken!

Ecclesiastes 8:12

Né roriwáneren tó꞉ka enskatewenhniáwe nihioriwáhke né ahohióten ne kariwahétken tánon shé꞉kon kíʼ enrónhnheke. Oh hén, Wakateriéntare tsi nahó꞉ten rónhton: “Tó꞉ka entiewénhnarahkwe ne Rawenni꞉io, kwáh oriwahkwékon tsi tienhioianeréhake,

Malachi 4:2

Ók kiʼ ní꞉se ne tsi nítson ne sewakweniénhstha nakhsèn꞉na ne karáhkwa ne karihwakwarihshiónhtshera kwáh entkarahkwínekenʼne, ne ne iakotsèn꞉tha enkará꞉tie kanerahontshá꞉keʼs. Ní꞉se kwáh iensewaiá꞉kenʼne tensewaniʼtsonhkwahkwánion tsi ní꞉ioht ne tiohnhónskwaron owí꞉ra ieioiakén꞉ʼen ne tsi tekatáhstha.

Luke 1:50

Nok ne Raotanitenrasera enȣatatie tsi nenȣe enhieȣatsiratatie ne ronȣatsanise.

Acts 13:26

“Tewatatékens Israerʼró꞉nons, NʼAbraham nitisewatʼwatsirínon, tánon sewakwékon ne iáh tesewasitaerónons ne kén tsi sewasénʼnaiens ne Rawenni꞉io: I꞉i se onkwariwáke kí꞉ken kahiatakenátsera tsi tewateniéton!

Acts 26:22

Nók tsi nióre nónwa wenniseráte Rawenni꞉io ratienawasehaties, tánon káti kén꞉en ìkete sewakwékon kwaróris, kwáh akwékon satahiotónhake. Tsi nahóten káton kwáh neh sahoríwa tsi nihónen ne roʼnatiatátkonʼkwe ó꞉ni ne Mahís tsi niháwen tsi neniáwenne:

Colossians 3:11

Tsi niateionéhnon, iáh ó꞉nen thé꞉nen taʼtestsiatʼthí꞉en tsi naʼtehón꞉tere ne iáh Tehatisitaeró꞉non tánon ne Sitaeró꞉nons, nahonwatiwahrakweráron tánon ne iáh tehonwahtiwarakweráron, tihononhontsá꞉tes, ratirahkonró꞉nons, ratináskwas, tánon ne rontatewenní꞉ios, nok Kerístos seh norihwakwé꞉kon, Kerístos seh tsehahiatakwení꞉io.

Revelation 11:18

Ne ronhnonhontsakeró꞉nons waonatenakwahwenhrát꞉tse, ók saterhiatitkhóntsera ón꞉we, tánon iaʼká꞉hewe ne tasheiató꞉rehte ne ronenhé꞉ion, Asè꞉ken ne nasekariatseniónhase ne sanhatseraó꞉kons, ne ne rotitokénhse ó꞉ni ne rotiiatatokéntis tánon ratikwé꞉kon ne ratikweniénstha sasénhna, tetsá꞉ron né꞉ne kenk naiesenhnáske ó꞉ni naiesenhnowanénhake, tánon ne naseiatón꞉te tsi niiá꞉kon ne iakohetkénton tsi ionwenhtsá꞉te.”

Revelation 19:5

Tánon thóh anitskwárahne nontontewenhní꞉ne watónnions, “Teonwanonwerá꞉ton nón꞉kwa Ní꞉io, shewakwé꞉kon ne raonhatsherashón꞉as, tánon ratikwé꞉kon ne ronwatsánis, kénk nahiesenhnáske ó꞉ni nahiesennhowá꞉nenhake.”

Revelation 20:12

Tánon waʼkhé꞉ken ne ronenhé꞉ion, ratisennhowá꞉nens tánon ken nihatisénhnasas, ronhné꞉te ohénton tsi wanitskwaratseró꞉te, tánon ne kahiatonseraó꞉kons ontenhotonkonháton. Shé꞉kon ó꞉ni ó꞉ia kahiatónsera ontenhotónko, né꞉ne kahiatónhsera ne iónhnhe. Tánon ne ronenhé꞉ion wathonwatiiatórehte ne tahioianenhá꞉we tsi nihotiiotenhseró꞉tens, ne tsi nikaiá꞉ton ne kahiatonhserá꞉kons.