Psalms 114:4 - Ohiatonhseratokénti

⁴ Né tsi ionontarón꞉nions tewanitionkwahkwánions tsi ní꞉ioht ne teiotinakaronhtónha rathítsinn ne ionhniarónhnions tsi né ní꞉ioht ne teiotinakarontónhas owirashónhas.

Psalms 114:4 ပူးပေါင်းရင်းမြစ်များ

Psalms 18:7

Ehʼthóhʼne waʼtsahonhontsíshonkwe tánon waʼhó꞉wake; ne tsitkenskwáʼhere ne tsi iohnonténion waʼtsowí꞉sonhkwe tánon waʼtiaonwentsíshonkwe, tsioríhwa tsi nihonakwénhen.

Psalms 29:6

Nó꞉nen ne Roiá꞉ner thenʼronhontsishónkwe, ne tsi ionontarónhnions ne Lebanon éhʼneken iekakwát꞉thos tsi ní꞉ioht né tionhnón꞉kwaron owíra tewaʼnitionkwakwánions, tánon ne Sirion tsi né ní꞉ioht ne kenhnitionaskwahiónha tionhnóns꞉kwahron rátsinn.

Psalms 39:6

iáh sénha ó꞉ia tèhiot tsi ní꞉ioht nahiotasátarake. Akwékon tsi nihatiéra iáh othènon tekéntons; raʼtateroróhki natsokowátsera, ók iáh tehoteriénhtare ónhka ienhiakohiatáheste.

Psalms 68:16

Nontséren kíʼ tiónkwe tsi nítion thóh nón꞉we nisewaterénhnaiens tsi Ionón꞉te ne Bashan, sewahnó꞉sen wáʼhi tsi nateietʼtsikánere tsi nihá꞉ti thóh nón꞉we nihonterénhnaiens, ne tsi ionón꞉te tsi nón꞉we ne Rawenni꞉io nihothaterakwénhni tsi nénhwe thóh enhenterón꞉take?

Exodus 19:18

Ohnonhthakwékon ne Sinai tehioienkwaráien, tsioríwa ne Roiá꞉ner tsi thóh nónhwe nathatásenhthe òtsire nikwekonhátie. Noʼiénkwahra thóh ní꞉ioht tsi onhtharátate tsi ní꞉ioht ne karístakon iohienkwarahkéthothe, tánon onhkwetakwékon tehiotenonhianíton tsi ní꞉ioht tsi wahakohiatísonʼkwe.

Exodus 20:18

Nónen nonhkweshón꞉ha sahakothónteʼne tsi iowèren ó꞉ni ne iehonrawátstha tsi nihiorahkaréni tánon wahontkátho tsi natewanineʼkarahwánions tánon tsi natehioienkwaráhien ne tsi iononhtáhere, wahakohiatíshonhkwe tsi nahakóteronhne tánon ahʼínon nióre thontahatítaʼne.

Nahum 1:5

Watsionontishonkwánion ne raohénton, tánon ne tsi ionhniarónhnions wakawistanawénhseron; watsiahontsíshonkwe ne raohén꞉ton, ne tsi ionwenhtsá꞉te ó꞉ni ratikwé꞉kon ne thóh nón꞉we niiená꞉kere.

Habakkuk 3:6

Nó꞉nen thenhá꞉tane tsi teotekhahakwenhátie tenhiahontsí꞉shonhkwe; tsi natehakánere, akahontsakwé꞉kon nonkweshón꞉as waʼhakohiatísonhkwe. Ne kwáh onontakáhions waʼtewanitsthenróko; tánon ne tsi ionhniarón꞉nions eʼtà꞉ke niaháhe né꞉ne tsi nón꞉we natehatekhaʼhákwakwe ne wahón꞉nise tkénhne.

Habakkuk 3:8

Ne ken ne tsi kaniataratátie wahesanakón꞉ni, O Saiá꞉ner? Ká꞉ton ken né꞉ne kaniatarakeʼkó꞉wa wakarihón꞉ni tsi kwáh í꞉ken tsi wesaná꞉kwen? Tsi iotsatarón꞉nions nón꞉we nisahonwiserétha; né꞉ne tsi teioweratáse ne tsi iotsatarón꞉nion ne satesehretonhniátha notiónhkwa, tsi tasehawí꞉then natesenhniétshera ne shonwetaʼshón꞉as.

Revelation 20:11

Eʼthó꞉ne wakatkáto kowá꞉nen wanitskwaratserará꞉ken tánon tsi niká꞉ien ne thóh renskó꞉te; nohón꞉tsa tánon ne tsi karonhiá꞉te tsiatkontí꞉ten ne raohén꞉ton, tánon iáh ká꞉neka tahonsaiontʼká꞉tho.