Psalms 111:6 - Ohiatonhseratokénti

⁶ Sakonatónhni ne rahonkwetaʼshón꞉has tsi nikashástste ne raohiothénsersas, tsi né sakahontsáwi nakóren raononhontsakénʼen.

Psalms 111:6 ပူးပေါင်းရင်းမြစ်များ

Psalms 103:7

Ronatónhni ne Mahís tsi nihotenikonhrón꞉ni tsi nenháiere, tánon sakorihwáʼwi nonkweshón꞉has Nisraeronónke nahiontkátho ne tehiotenonhianítons rahohiothénhseras.

Psalms 145:12

nahonwenenésthen onhkwetakwékon ne tehiotenonhianíton sahiothénhseras, tánon ne iorihwanerákwat aioswatʼthétshera sanakeráhsera.

Psalms 2:8

Takerihwanónhtons, tánon enkhehiónhnien ne thihononhontsátes í꞉se ensehiatakweʼní꞉ioke, tánon ne tsi iehiotonhontiokʼtaníhon í꞉se sáwenk enhwáton.

Psalms 44:2

Í꞉se kwáh sahtshanáke khók wásaste tsi waʼsehiatínekenhwe nonkweshón꞉has, ók í꞉se sheséhteron nonkweshón꞉has ne raʼononhontsáke; í꞉se waʼserihwahetkénten nonkweshónhas, í꞉se waʼsehiawí꞉hon ne ioiáneres athatahwí꞉tsheras ne shonkwetaʼshónhas;

Psalms 44:3

Ne shonkwetaʼshónhas iáh teonathatsiatakweniʼióston nonhóntsa nasarekówa ahonáts꞉ton, iáh teonatkwénion ne raotishaststénhsera ahonáts꞉ton; né꞉ne sahshaststénhsera tánon tsi nisehshást꞉te waʼkarihónhni, né tsi ní꞉ioh rihwíʼiokwe tsi éhʼtho í꞉seskwe, né wahakonatónhase tsi nisehnorónkwa.

Psalms 44:4

Í꞉se nakenontí꞉io tánon akeʼNí꞉io í꞉ken. Í꞉se tesehiáwi ne atesenhniétshera ne shonkwetaʼshónhas,

Psalms 80:8

Egypt niteskwahiaténha kwáh shí꞉ken né꞉ne waʼtenenharíhsehres nihiakwaiató꞉ten; waʼsehiatékwahte ne tihononhontsátes tánon thóh nón꞉we nonsaskwénhteron ne rahononhontsákes.

Joshua 6:20

Káti ne ró꞉thikhares wahonterennhoten ne kahonrawatskowa. Kwáh tsi nihiostó꞉re nonhkweshón꞉ʼa wahá꞉kokthonhtene, iorahkareni tsi watsiakohenrethe, tánon ne watenhenró꞉the wakharenienhne. Ethòne ratikwékon ne ronhterí꞉ios iahontʼthakwarishiathe iahatinonhtharane tánon wahontsiathakweniiosthe.