Psalms 111:2 - Ohiatonhseratokénti

² Tsi nihiorihowánens ne raoiothénhseras ne Roiá꞉ner, akwékon iakoteweiénston tsi niʼiákon ierihwaʼnorón꞉kwa.

Psalms 111:2 ပူးပေါင်းရင်းမြစ်များ

Job Tánon ne Raoronhiakensera 37:14

“Sathón꞉tet kí꞉ken, O Job; téstann tánon tetiatóret tsi nihiorihwanerákwas ne raoioténhseras ne Rawenni꞉io.

Job Tánon ne Raoronhiakensera 37:7

Shakotianó꞉roks tsi niatehá꞉ti ne ronhnón꞉kwe, ne káti tsi niatehá꞉ti ne ronhnónkwe ahonaterienʼtá꞉rahne ne raohiothénhsera.

Job Tánon ne Raoronhiakensera 5:9

Ónhka ne Iorihowá꞉nens tsi nihaieránions tsi nahoʼténhsons iáh tethewakwénes nahionkwaʼnikonhraién꞉taʼne, iorihwanerakwahténions né꞉ne iáh tewaséhtons?

Job Tánon ne Raoronhiakensera 9:10

raónha rohiò꞉thens ne iorihowá꞉nens ne iáh thahitewakwé꞉ni nahionkwahnikonraién꞉taʼne, tánon ne iorihwanerakwahté꞉nions né꞉ne iáh tewashé꞉tons.

Psalms 104:24

Ó Saiá꞉ner, tsi niʼiaweʼtowánen sahiothénhen! Satʼthokhaʼtsherákon nón꞉we nitsawénon tsi nahothénson akwékon shasahánionʼ ne tsi ionhontsáte titʼthatíhere né ronhnonnhénion sehiaʼtíson.

Psalms 104:34

Waʼkaterénhnaien naʼkewenhnaókons ahontahonikonhraiénrihte, asèken rahonháke ne Roiá꞉ner nón꞉we niwaʼkatón꞉nahere.

Psalms 107:43

Aiáwenhs tsi nihiákon ne iontenikonhratʼtókha ahionhnonthonniónhko kí naorihothénhsons, aiáwenhs ne ahonhnontónhnionwe ne Roiá꞉ner raonoronhkwáhtshera ne iorihwaʼtóken.

Psalms 118:15

Kwáh í꞉ken tsi karenhní꞉ios rotirénhnaiens ne natesenhniétshera í꞉ken ne raonatosehrákons ne thonhnonkwetaiéris: “Né saweienhtethákwen nahanentʼtsáti ne Roiá꞉ner né iakosénhnies;

Psalms 139:14

Tekonhnonwerátons, tsioríhwa tsi nihiorihwaneráhkwat tsi tatsiatíshon. Tsi niʼiorihwanerákwat ne sahiothénseras; nètho kwáh ioiánere tsi wakateriéntare.

Psalms 143:5

Kéhiare ne wahónhnise tsi niʼiohtónhne, skanonhtonhniónkwas akwékon tsi nisatseránion, skatatehiarakwénhni akwékon ne sahiothénhseras.

Proverbs 17:16

Iáh thetekáhsta ahshatwistakarón꞉ni ahtsheweientéhten ne rononhwaró꞉ri aseʼkénh iáh tehoʼnikonhraientá꞉tskon.

Proverbs 24:14

Orihwí꞉io ón꞉we ne attokháhtshera tsi tió꞉wis atónhnhets ne ioiánere. Saièn꞉taʼn nattokháhtshera tánon ensaièn꞉taʼne tenhsaswathé꞉ten tsi satonhnhahtentionhátie.

Ecclesiastes 3:11

Kwáh akwékon tkariwaiéris tsi ní꞉ioht tsi rokwahtakwaʼniónhkwen. Teshonkwáwi nahetewaskanékseke nahionkwateriéntarahne tsi niaʼhawenonhátie, ók iáh nonwénton tetheshonkwáwis né kwáh ahionkweriení꞉io nahionkwahnikonraiéntaʼne tsi nihatiérah.

Isaiah 40:12

Rahónha roteniénhten ne kaniaʼtarakhekówa thóh ratsaná꞉kon tánon wahaierónhnitsʼte ne tsi karonhiáʼte tsi wathaʼtirónhten, wahatiénawasʼte nokénra ne tsi ionwenhtsáte tsi wahakontseríharen, tánon wahakontseríharen ne tsi ionhnontaʼrónhnions tánon ne tsi ionhniaʼrónhnions kwáh satahiótsʼteke?

Daniel 4:3

Tsi naʼteiotenonhianíhton ne ionehrákwaʼt, Rawenni꞉io shonkwarihotahshién꞉nihs! Tsi nikasatstenhserowá꞉nens ne iorihwanehrakwahténions tsi nihaieránions! Rawenni꞉io seʼ enhonontí꞉ioke tsi nén꞉we; kwáh tió꞉konte tsi raónha enthoniarotárhon!

Romans 1:28

Nonkwesónha tsi ratiriwásons nahonʼnonthónnionwe ne kwáh thokénʼen ahonwanikonraiéntaʼne ne Rawenni꞉io. Tóh nòkwa iesakotʼkáwen tsi nòkwa neh rathinikonrahétkens, neh tsi éhʼtho nihathiʼiéra tsi nahoténsons neh iáh tatehiotonwentióhon neh nahathiʼiéreh.

Romans 8:6

Tóhka nek khók ensanonthonʼniónseke tsi nitewaskáneks ne tiéronke neh ensaʼrhióte, nók kíʼ tòhka nek khók ensanonthonʼniónseke ne Rawenni꞉io rahoriwasónhas kwáh nen꞉ne oriwihioʼónwe ensónʼnheke tánon ensaiéntake ne skén꞉nen.

Ephesians 1:19

ó꞉ni thóh natehiotenonʼnianíthon ne rahosatsténsera tsi iohióte nontionhakéson tsi nítsion thetsitewetákwen. Kí꞉ken kasatsténsera tsi iohiotátie nontionhákes kwáh ne sáka tsi níʼioht ne kwáh tehiosastenseranónʼiani

Revelation 15:3

Tánon ne wathatirihwákwe ne Mahís raorénhna, né꞉ne Ní꞉io raonhá꞉tshera, ne ó꞉ni raorénhna ne Teiotinaʼkarontónha owí꞉ra: “Teiotenonianì꞉ton tánon ionerá꞉kwat ne saioʼténhsheras, Saiá꞉ner Ní꞉io né꞉ne Sashatstenhserowá꞉nen! Kaianeren tánon orihwí꞉io í꞉ken ne sawenénhnas, Shenontí꞉ios ne ronhnonhontsakeró꞉nons!