Psalms 11:1 - Ohiatonhseratokénti

¹ Rahonháke ne Roiá꞉ner nónhwe niwaʼkatekwáhsen; onhní꞉ioht tsi askwéni naskénhase, “Hionsahsatekwáhsen ne tsi tiononténion tsi ní꞉ioht notsiténha ká꞉tie!

Psalms 11:1 ပူးပေါင်းရင်းမြစ်များ

2 Chronicles 14:11

Né Asa wahaterénhnaien rahonháke ne Roiá꞉ner Raoní꞉io, “O Saiá꞉ner, enskwéni naʼseiénawaʼse ne iáh tehatishástste ronhterí꞉ios tsi kíʼ ní꞉ioht ne kwáh ratisháststes. Takwaiénawas ki ó꞉nen, O Saiá꞉ner Onhkwah Ní꞉io, tsioríhwa tsi í꞉seke nón꞉we niʼiakwahniahésen, tánon í꞉se sasenhnakon tsi tahiakwe naiakwahterí꞉io ki ken tehionenhranónhiani ronterí꞉ios. Saiá꞉ner, í꞉se nón꞉kwah Ní꞉io í꞉ken; iáh ónhka thahionská꞉neke naieshasénhni.”

2 Chronicles 16:8

Iáh kén ne Ethiopianró꞉nons tánon ne Libyaró꞉nons ronatsiokowánen ronhnonhkwétaiens ne ronterí꞉ios ó꞉ni wé꞉so rotisehréthaiens notsónkwas o꞉ni ne rotishá꞉tens ronterí꞉ios? Ók né kíʼ tsi Roiá꞉ner watieniáhese, táhion tsi wasatkwéni tsi nòkwah ne ronónha.

Nehemiah 6:11

Ók tsi niwaton, “Teiotonhontsohon ken ne rón꞉kwe tsi ní꞉ioht ní꞉i nahateko? Tánon teiotonhontsohon ken ne rón꞉kwe tsi ní꞉ioht ní꞉i niahatawehiá꞉te nonnonsató꞉kentikowane nahanónstahte tsi rón꞉nhene? Kwáh kíʼiáh tiá꞉katahwehiate!”

Psalms 16:1

Taské꞉ne, Ó Ní꞉io, asèken shonháke nón꞉we niwakatekwáhsen.

Psalms 25:2

Ó akeNí꞉io, í꞉seke nón꞉we nitewakethákwen; tó꞉sa satʼthóntat nahionkatéhate; tó꞉sa sehríhon ne iónswenhs ne thahiontiéron.

Psalms 31:14

Ók isèke nón꞉we nitewaʼkethákwen, Ó Saiá꞉ner; Ká꞉ton, “I꞉se nakeNí꞉io í꞉ken.”

Psalms 56:11

Rawenniʼióke nón꞉we nitewakethákwen; iáh kíʼ tewák꞉terons. Nahó꞉ten aiekwéni ne ónhkwe khók í꞉ken nahiontkaréwaʼte?

Psalms 7:1

Ó Saiá꞉ner akeʼNí꞉io, shonháke nón꞉we niwakateʼkwáhsen; sastiatáhko tsi nòkwah ne ratikwékon ne hiontséres, tanon tatsatanónstat,

Psalms 7:2

tó꞉ka iáh kwáh kí tsi ní꞉ioht ne kénreks kwáh enhiontiatarahtiónko; tánon iáh ónhka taiekwéni nahonsahiontiatáko.

Psalms 9:10

Tánon tsi nihiákon ne ieshasenhnaientéri shonháke nón꞉we nitiakawetákwen, Asèken ní꞉se, Saiá꞉ner, iáh tesehiatewenhtétha tsi nihiákon ne iesaiatísaks.

Proverbs 6:5

É꞉ren í꞉seht tsi nón꞉we waterístaien tsi ní꞉ioht ne otsiʼtén꞉ʼa tókaʼ ó꞉ni ohskenón꞉ton ioteʼkwenhátie ne tóhsa rató꞉rats ahaié꞉na.

Jeremiah 48:14

Ne sehwaskenrahkéte ne Moab nónhwe, nonhtiéren tsi sehwáhton sehwahnikonhratʼtsáni, ne rotiʼnikonhratʼtsáni ronterí꞉ios tsi wahterí꞉io nónhwe natehontohétstha?

Luke 13:31

Ok neh sahennisera eh ȣaonneȣe Pharisian ȣahonniron: Ehren aonsasete aseken Herod ihrere aiario.

1 Samuel 19:11

Ne Saul iasakoténiete ratiriwakarénies tsi thóh nonshó꞉te ne Táwit nahonwatenhnikonráhren, tsi ratenikonrón꞉nis nahonhnonwarhiákon tsi ientsórenhne. Ne Táwit ró꞉ne Michal wahoró꞉ri, “Tó꞉ka iáh tashenónsthate tsi sónnhe nenhió꞉karawe, noronkéne kwáh kíʼeniesanonwarhiá꞉kon.”

1 Samuel 20:38

Ne Jonathan ionsahonáton ne raksá꞉a, “Tesasteríhen, shatsatastórat, tó꞉sa shaʼtiatakenhéiat.” Káti ne Jonathan sahaienkwirarohʼró꞉ke tánon thóh natonthá꞉ra tsi nón꞉we ní꞉res ne raiahtakweʼní꞉io.

1 Samuel 22:3

Ne Táwit thóh nón꞉we tahaténhnti Mizpeh niaʼháre ne ne Moab nón꞉we. Ne raónha wahawénhase ne thóh nontí꞉io ne Moab, “Ahsatontáhtsheke sheríhon ne rakeníha ó꞉ni nakenistén꞉ha nahontáhne shonháke, tsi niʼió꞉re ienwakateriéntarahne onhnahó꞉ten ne Ní꞉io ónh kwáh nenhá꞉iere nakerihwáke.”

1 Samuel 23:14

Ne Táwit thóh wahatahtíteron tsi ionhniarón꞉nion kanakeraseráien ne iahonwentsathénhake thóh nón꞉we ne Ziph. Ne Saul kwáh niaʼtewenhniseráke tsi wahoiatisáke, ók ne Roiá꞉ner iáh kíʼnenh néʼeh thethó꞉wi ne ratshaʼnàke.

1 Samuel 27:1

Ne Táwit thá꞉hataneʼnontónhnionhse, “Ní꞉i kwáh ó꞉nen enkatiatháton kát꞉kek entewenhniseráteke thóh ratshanáke ne Saul; iáh kiʼ sén꞉ha teioiá꞉nere nakerihwá꞉ke ne thóh iakatekwásen tsi thóh nonhóntsaien ne Philistines; ehʼthóhʼne kiʼ ne Saul watanikonrón꞉ko tsi ratiatísaks thóh nón꞉we ne tsi karisthatáhtie NʼIsraerʼronónke, tánon thóh enshiʼniákenhse ne ratshanáke.”