Psalms 109:18 - Ohiatonhseratokénti

¹⁸ Aiáwens ne ahotseronniátonhke nateraswatsénhtsera kwáh né natʼtserónhniat akénhake, aiáwens kwáh okoharósa ahiónhni ne raiéronhke tsi ní꞉ioht nonékanos, tsi ní꞉ioht ne kénhie iahostsientará꞉te.

Psalms 109:18 ပူးပေါင်းရင်းမြစ်များ

Job Tánon ne Raoronhiakensera 29:14

Ne wá꞉katste ne karíwakwarishión꞉tsheras, tánon ne ontʼserón꞉niate; natiatorehthatiéra thóh niohtón꞉ne kwáh ne ne watsatawí꞉tsheres tánon ne teiontenonwaranáttha.

Psalms 109:19

Aiáwens thóh nahiotónhake kwáh né natʼtserónhniat né tehatatwaʼnát꞉ta, kwáh né꞉ne atsatáhna ne niatewenhniseráke rotsathánen.”

Psalms 73:6

Ne ká꞉ti aoríhwa tsi nihonthatón꞉ni thóh niwaʼtsésen nahiontkáto tsi ní꞉ioht ne ionhnitsiásthaʼ oronkwáhsa tánon tsi iahothènen tehonhnónhni ne kaianerénsera kwáh ne né꞉neʼe ahonatʼtseronhniáton.

Numbers 5:22

Aiáwens kí꞉ken onékanos senekwénhtakon niáwe tánon ne akarihónhni naʼsatenekwénto tánon ne sheniʼtshake nahonkʼtóhkerihke.” Ne iónhkwe tsi tenhkarihwasehráko, “Waʼkerihwanónhwene; aiáwenhs ne Roiá꞉ner thóh nihá꞉ier.”

Numbers 5:27

Tó꞉ka iotenaʼkwahiesháton, noné꞉kanos kwáh íken tsi tehiotenonhianíton tsi enhioronhiá꞉kenthe; né kanekwenhtáke kwáh enwató꞉we tánon ne kaʼnitʼtshákes enwaʼtókerihke. Naosénhna enkarewáthonke tsi nòkwah nahonkwetashón꞉ʼas.

Matthew 26:24

Kenh kaien nʼOnkȣe Roienha satentionhe tsikiniiot tsi kaiaton ne raonha raiatatake; nok tanon rotentasere ne ronkȣe nʼenhotenninon nʼOnkȣe Roienha! Senha aioianerenhon ne tosa nonȣenton ahonakeraton netho ronkȣe.

Acts 1:18

Nówista ne Judas roienáʼon tsi nihoteweienaksáthon wahahethaní꞉nonthe, thohʼnónwe hiahahiatsénenʼne tsi wahrénheʼie; wahthatenekwenʼtanékare tánon akwékon ne rahiátakon takonthihiáken꞉ne.

Acts 1:25

neh ahohióten nahateriwanóten tsi tensohnakʼthákwen ne Sitas, neh thóh nónwe nieʼhawénon tsi nónwe thóh nákʼthe.”

Colossians 3:12

I꞉se ne Rawenni꞉io rahonkweʼtashón꞉a; wahʼhianó꞉ronkwe tánon waʼhiaiatará꞉ko ne rahonhatsí꞉wa rahonkwè꞉ta ahsáton. Kwáh káti, ó꞉nenk tsi ne ensewahiatóronke ne weriasí꞉io, ahontesewariwahié꞉rike, ataniténron, tóhsa sewahní꞉ronk, tánon sewahnikonkástet.

Colossians 3:8

Onk ó꞉nenk ki tsi kwáh orihwakwé꞉kon ensahtiakwaríhsi ki nahorihoʼténhsons: naiakonakwen, kanakwáhtsera, tánon ahsehsónseke. Tóhsa thé꞉nen ne ahsenikonrátsate tóhsa ó꞉ni nonhwén꞉ton ne kawennakʼsens ahsatatiáte ne tiakéhsons.

1 Tiér 5:5

Kwáh ne saoríwa ne nitisewahiónsas ietʼtsikweniénstak ne thoʼtí꞉ions. Tánon kwáh sewakwékon teʼiothonwentióʼon naisewatenihiónten ne tkariwaiéri, tesewatateriwáhwas, Asèken wáhton nʼoriwatokénti, “Ne Rawenni꞉io sakonenrotánis ne hiontatónni, nók sakoténras ne ne ehtáke iakotatónh꞉ni.”